ليه الهجوم على عماد متعب؟

انا شايفة ان فيه ناس بتهاجم كابتن عماد متعب لاسباب مش منطقية تماما اولا مش ذنب متعب ان الاعلام بيتكلم عنه كتير وكل شوية يكتب خبر شكل وناس تطلع ترد وتقول انت زهقتنا يا عماد انت ممل يا عماد طيب يا جماعة هو ذنبه ايه في كل اللي بيتكتب وازاي الناس لحد دلوقتي مش مستوعبة ان الجرايد والاعلام تلت تربع الحاجات اللي بيقولها بتبقى متفبركة وملهاش علاقة بالواقع واللي مش منطقي كمان مهاجمته عشان انضم لنادي ستاندر ليج البلجيكي مع انه من اول الموسم قال انه عايز يحترف ولو جاله عرض كويس واقتنع بيه هيوافق وكان واضح جدا لا هدد النادي بالعقود اللي اتعرضت عليه من نادي الزمالك والمصري وكلنا عارفين انه اتعرض عليه مبالغ اعلى بكتير جدا من الاهلي ومن ستاندر ليج بس هو قال مش هلعب غير للاهلي مطلعش وقال الكلام دا عشان سعره يزيد ولا هو هرب في نص الموسم وحط النادي في موقف محرج كان معرفهم من بدري جدا عشان يعملو حسابهم وميكتبوش اسمه في القايمة الافريقية ولعب ماتش الاتحاد الليبي وهو مصاب ومخافش على نفسه وقبل كدا عروض كتير اوي راحت عليه بسبب انتمائه للاهلي يعني منتهى الاحترام والواحد بجد كل ما بيفكر بيحترم كابتن عماد وبيقدره اكتر وصدقوني مش بقول الكلام دا عشان انا بحبه او عشان بكتب في المنتدى بتاعه انا بقوله لان اي حد لو فكر بعقل بجد هيقول كدا حتى لو مش بيحبه استحالة مش هيحترمه وبجد كتر الكلام في انه باع الاهلي او انه بيماطل الاهلي كلام ملوش لازمة لانه كان واضح ومن زمااااااااااااان اوي ومش عماد متعب اللي يعمل كدا ياريت مكونش طولت عليكو بس انا كتبت الكلام دا لاني عارفة ان هنا اكتر ناس بتحبه وبتدعيله وعايزين نسانده في تجربته الجديدة ونتابعه اكتر كمان من الاول

فعلا انتي صح في كل كلمة قلتيها مش عارفة ليه الناس بتهاجم متعب بالشكل ده هو ذنبه يعني انه انسان طموح وعايز يعمل لنفسه اسم في اوربا ومش يستني الفرصة لغاية عنده لا ده بيروح لها خطوة بخطوة بجد الواحد مش محتاج يضرب امثلة علي وفاء متعب للاهلي وجماهيره واحنا طبعا كلنا ورا متعب لاخر الطريق وان شاء الله ربنا يوفقه في بلجيكا ويطلع الهداف ويحقق انجازات مع الفريق وياخد بطولات لانه متعود عليها وعنده روح البطولة وبجد انا هقعد ادعيله من هنا ليوم 31 سبعة انه يلعب ويتألق ويسجل في اول مبارياته زي ما عمل في جدة

بجد توبيك جامد اوى اوى تسلمى

وبجد فعلا مش عارف ليه الناس بتهاجم متعب وخاصه الاهلاويه مش عارف ليه بيهاجمو متعب

بدل مايشكوره على التضحيات اللى ضحاها عشان ينقذ الاهلى من الخروج من ابطال افريقيا

او لما رفض عروض كتير ولما لعب سنين كتير من غير مايأخد ولا مليم زى ماهو قال

مش عارف ليه الناس دى بتعمل كده بس احنا وراك يامتعب وربنا معاك يارب ويوفقك

واحنا وراك لو رحت فين وان شاء الله تحقق كل اللى بتحلم بيه وتبقى هداف الدورى البلجيكى ان شاء الله

وتروح دورى ونادى اقوى يااااااااااااااااارب

ميرسي جدا على ردودكو وعلى مساندتكم لكابتن عماد وياريت نرد على اي حد بيتكلم وهو مش فاهم وبيسئ لمتعب لانه عمره ما هاجم الاهلي ولا عمل حوارات وروايات ومحدش يقدر يزايد على حبه للاهلي وكمان انا متأكدة ان الاهلي عارف دا وان كل اللي بنقراه وبنسمعه مجرد كلام فاضي والدليل على كدا التصريح اللي قاله كابتن حسام البدري بانه بيتمنى ان الاعبين الشباب يتعلمو من عماد متعب

بجد التوبيك رائع تسلمى

وبجد الناس الى بتقول على الكابتن الكبير عماد متعب انه باع الاهلى والحمهور وانه بيزايد على حب الاهلى وانه بيشرط على الاهلى والكلام الى مالوش اساس من الصحه دول ناس بجد مش عارفين الكابتن عماد وناس عاوزه تقلل من حبنا للكابتن عماد الى بيشوفوه بيزيد يوم بعد يوم واحنا كلنا هنا فى المنتدى بنساندك يا كابتن و كلنا وراك فى اى مكان تروحه ودايما بندعيلك وربنا يوفقك ان شاء الله فى بلجيكا وتكون الخطوة الجايه احسن واحسن ودايما فاكرين مواقف الكابتن عماد العظيمه مع النادى والجمهور و الى اتعلمنا منها كتير جدااااااااا

بصراحه بقا المفروض يدور على مصلحته
وهو صح
ومفيش حد بيحترف مره واحده فى نادى كبير لازم خطوه خطوه وده اللى هيعمله متعب
وميرسى بجد ع التوبيك ده

يا بنتى هما شكلهم ذهققوا من الكلام على كاس العالم ومش لاقيين حاجه يتكلموا فيها
فبيفركوا اى حاجه وخلاص
واهى طريقه لاستفزاز عماد زى ماقلت عشان هو مش بيتكلم كتير فهما عايزينه يرد
والمفروض دلوقتى ان احنانرد على اى حد يسيئ لعماد فى اى منتدى
وربنا معاه يارب


ربنا يسعدك يا عمده وان شاء الله تحقق كل اللى انت عايزه لانك بجد تستاهل

ميرسى يا قمر على التوبيك

thx 3la eltopic tab3an
bs 2na mo3treda ma3ko bsra7a 2na 2slan bamooot fa 7aga 2smha 3mad met3b w el y2ool 3aleh kelma baklo bs fe3lan ya3ny la3eb zy met3b da lazem elnady elahly yestfeed mno ezay yetba3 w mayd5olesh 5aznet elnady wla maleeem how come? ya3ny maynfa3esh , mashy hwa byfakr fe masl7to bs elnady kaman me7tago maynfa3sh yemshy w yesebo w 27na ma3ndnash 7ad 2slan makano
bs anyway rabena yewaf2oo tab3an ya3ny w yekoon el27traf da 5eer leh inshaAllah

طبعا لازم ياخد خطوة خطوة

واى حد يتكلم عن متعب مش هصدق غير ان هو يطله يتكلم بس

مرسى اوى على التوبيك دة
وازاى نقول ان متعب باع الاهلى و هو سبب اساسى فى فوز الاهلى بالدورى وجاب للاهلى 12 نقطة لوحد 3 قدام الانتاج الحربى و 3 قدام بتروجيت و 3 قدام المصرى و نقطة فى كل من الحرس و الطلائع والزمالك
وكمان لعب فى افرقيا وهو مصاب وكان نجم اللقاء وسبب اساسى فى صعود الاهلى
مش ساب الاهلى ومن غير ما يقول وكان سعتها مفيش غير امير
ولا اللى عملوا شيكا طبعا مفيش مقرنة بين متعب والناس دى

يا جماعة ممكن اسال سؤال
هو عماد وقع بجد لا لاستاندرليج ولالا
علشان انا احترت
من يومين قالو انه وقع وامبارح قالو على ميديا سبورت لسة
ولو وقع فين صوره وهو بيمضى
وبعدين فى موقع النادى الاهلى قالو انه هيستنى محمود الخطيب لما يرجع علشان يقعدو مع بعض
انا بجد تعبت واحترت من الموضوع ده ياريت حد يرد عليا مش بالكلام بس يارييت بالصور او
يطلب مناى قناة الاتصال بعماد متعب على الهواء لتوضيح الصورة
انا اسفة انى هتعبكم معايا بس انا مش من القاهره علشان اعرف اتصرف

اه انا متهيالى انه لسمه مماضاش

وكمان تقريبا مستنى كابنت محمدو الخطيب عشان يقعد يتكلم معاه وهانشوف بقى

احنا مستنين احنا ورانا ايه؟ ههههههه

بصى ياسوزى

انا احترنا كمان والله اكتر منك

فى ناس بتقول مضى لستاندر لياج والموقع الرسمى اعلن تعاقده معاه واغلبيه المواقع بتقول انه مضى


وفى ناس بتقول انه بيفكر انه يجدد بجد الواحد احتار بس تقريبا والاقرب لحد دلوقتى انه مضى لستاندر لياج

يا جماعة لو سمحتم  ممكن حد يكون متاكد من اخبارة ولا يعتمد على الصحف لانهم بجد كذابين
ومش بيكتبو حاجة صح يرد على سوالى ومن الاخر وبشكل نهائى
هو عماد مضى لاى نادى من اللاثنين ولا فعلا مستنيين رجوع الخطيب من فرنسا
علشا هما كل شوية بحال
شوية يقولو هيجدد للاهلى وشوية يقولو انه خلاص مضى لاستاندرليج
طب ممكن لوسمحتم الى يقول انه وقع بجييب دليل اما فيديو لعماد وهو بيقول انا وقعت خلاص
اما صور عماد وهو بيوقع واكيد كان فى صور مش شرط مؤتمر صحفى غير كدة يارييت الاعضاء
اللى كل شوية يجيبوا اخبار من مواقع تانية وينزلو على المنتدى او اللى بيجيبوا الاخبار من الصحف ميعملوش
كدة علشان كل واحد فيهم برأى وفى الاخر احنا اللى بنقرا وبتتعب اعصابنا لانهم مش متاكديين من اخبارهم

بصى هو اخر مره متعب طلع فيها اكد انه مش رضى يمضى فى انجلترا مع رئيس النادى البلجيكى

وقاله يديله مهله يومين عقبال مايرجع مصر ومن ساعتها متعب مش طلع اتكلم ولا قال حاجه

والناس كلها بقت تقول الكلام اللى على مزاجها واللى يعجبها وتطلع اشاعات على متعب


بس احنا نعتمد على اخر تصريح لمتعب انه لسه مش مضى واحنا هنستنى لحد مامتعب يطلع ويقول كل حاجه ويوضح

ربنا يخلليك يا شريف دلوقتى انتى ريحتنى شويا ومرسى كتير على ردودك
ويارييت تقبلنى صديقة لانى من اول ما سجلت فى المنتدى ما اتعرفتش على حد
وشكراااااااااااااااااااااااااا

ويخليكى وطبعا انتى صديقه معانا هنا فى المنتدى

ومنورانا والله وان شاء الله تتبسطتى معانا

ميرسى يا سوزى على الموضوع يا قمر
واحنا مع متعب فى اى مكان لان ده مستقبل متعب
سوزى انتى صديقه لى كل المنتدى من اول يوم ليكى
يا قمر فى المنتدى

لم يعرف احد حتي الان هل مضي عماد متعب للنادي البلجيكي ام لا وهل سوف يستمر مع الاهلي لموسم اخر ام لا
اتمني ان يستمر مع النادي الاهلي اكبر نادي في مصر وافريقيا والمنطقة العربية باكملها حتي لا ننحرم منك يا متعب

ردودكو بتوضح ان فيه كتير اوي بيحبو متعب ومتأكدين انه عمره ماباع الاهلي ويمكن متعب مشي من الاهلي فري بس هو كمان لعب مواسم كتير جدا وهو اقل عقد في الفرقة واقل من ناس كتير اوي كل اللي بتعمله في النادي انها بتتصاب والنادي بيصرف عليها وخلاص على كدا وعمرنا ما سمعنا متعب طلع وقال اي حاجة بالعكس كان فرحان جدا بوجوده مع الاهلي ودلوقتي هو خد قراره بمنتهى الاحترام يبقى لازم نسانده فيه والعالم كله بيعمل كدا اشمعنى على عماد متعي وهنهاجمه يعني كلنا بنحب الاهلي جداااااااااااا بس اللي عمله متعب مفيهوش اي اساءة للاهلي بالعكس دا هي دي الكورة وهو دا الاحتراف الحقيقي وكل اللي انا مضايقة منه ان فيه اخبار بتنسب كلام لعماد متعب مش حقيقية وانا متأكدة انه لحد دلوقتي مقالش اي حاجة يبقى ازاي كل 5 دقايق بخبر وهو ملوش اي ذنب في كل اللي بيتكتب هما اللي فعلا زي ما قالت هدى بيحبو يستفزوه بس هو برضه محترم ومش بيرد وربنا يوفقه يارب واكيد كلنا معاه

مرسى بجد على كل اللى قبلونى صديقة ليهم وبجد انا بحبكم اووووووووووووووووى

مرسىىىىىىىىىىىىىىىىى
كتيييير على كل اللى قبلونى صديقة فى المنتدى

[center][size=29][color:ac1d=Red]يا جماعه اكتريه الناس اللي بتهاجمه اهلويه و مالهومش في الكوره و ناس تيت خالص يعني[/color][/size]


[size=24][color:ac1d=Black]انا و الله كنت اهلاوي لحد ما شفت الناس الي معندهاش فكره بتهاجمه
كرهوني في الاهلي[/color][/size] [/center]

اصلا دول ناس مش عارفه اى حاجه
ف اى حاجه وبتقول
اى كلام وخلاص وبجد متعب ده
انسان محترم وكحدش يقدر يقول غير كده
وربنا معاه ويوفقه ف اللى هو اختاره

ياجماعة عماد نفسه بيسمى ده حب وانا معاه لان دليل على اللى الناس بيعملو
ده وانهم مش عايزين عماد يمشى انهم بيحبوه اوى علشان كده بيتكلموا