من الاخر الكل يدخل هنا لو سمحتوا يا محبى متعب الكرااااام

تذكير بمساهمة فاتح الموضوع :

[center][color:c56e=white][size=18]
السلاااااااااام عليكم

أزيكم يا محبى متعب

وخدين بالكم من الكلمة محبى متعب


مش اى حد يعنى يرد الا محبى متعب الباقى يقرأ بس


ويفهم كلامى كويس

أولا معلش لو موضوع خاص بمتعب والانسة يارا تانى هحذفه


ولو حد تجاوز ع متعب هيتم طرده طبقا للقوانين


خلينا نتناقش مع بعض بهدوء

ايه المشكلة متعب يحب يارا انا امبارح كنت مضايقة اه وقلت أزاى وبعدين فكرت صح


ده انسان لحم ودم زينا


قلبه مش بأيده حبها يمكن الشخصية بتاعت يارا حد كويس


وان كان ع لبسها يا ما ناس لبسها زيها وولاد ناس


وياما ناس محجبة ولبسها تمام ونفوسها وحشة ومش صفية

مش بلبس ولا بشكل وسورى يعنى يارا دى متعب مجبهاش من الشارع


ولا أجوزها عرفى بقا عشان نقول متعب وحش ونزل من نظرى وعمل وسوا كبرتوا الموضوع

انتوا متعب بيدخل حبيتو مين ولا هتجوزوا مين

انا أخويا كان فى الاستاد وبيقولى الجمهور كان هيموت ع متعب


أتضح ليا ان فى ناس فى المنتدى عاملة روحها بتحب متعب اللى بيحب ميكرهش

والمنتدى ده لمحبى متعب بس

عشاق القناص

واللى غير كدا ينسحب من المنتدى بكل هدوء هو حر لكن يشتم فى متعب والكلام الفاااضى ده عيب أوى

ده لاعب كبير وحياته الشخصية ملكة هو بس مش ملك الجمهور محدش بقى يقلى اصل حبناه اصل احترمناه

ومكنش يقدر يعمل كدا من الاخر

اللى فيكوا يالى بتكلموا عن متعب بيتحكم فى قلبه ومشاعره ويحب مين ويكره مين يروح يحاسب متعب


وأحترامى الاعضاء الكررررررررررم

محبى متعب


بنحبك يا متعب بيارا ولا غيرها
[/size][/color][/center]

والله يا نورهان احنا نتمنى انو ميرتبطش بيها لان من وجهت نظرنا متنفعش بس لو حصل وارتبط بيها هو حر ودى حياته وده اختياره وهو يتحمل نتيجة تصرفه ده لو هيرتبط بيها مع انى اشك فى كدا

بس زى ما قلت لو حصل وبيحبها فصعب اى حاجة ترجعه عن قراره وهو عارف مصلحتة فهمانى !

والله يا مريم دي وجهة نظرك وممكن حد تاني يبقي ليه وجهة نظر تانية ومش معني كدة انه يبقي عامل نفسه بيحب متعب وهو مش بيحبه وانه ينسحب من المنتدي والكلام دة لان كلنا هنا بنحبه جدا وبنتمناله كل خير ويمكن دة اللي مخلينا نفسنا نشوفه دايما في احسن حال واللي بيحب حد اوي بينصحه دايما ولو شايفه غلط يقوله الصح من وجهة نظره وانا واحدة من الناس مش مقتنعة بالبنت دي كزوجة لمتعب ولا حتي صديقة زي رأي نورهان ورأي ناس تانية كتير هنا بيحبوه جدا بس ليهم وجهة نظر تانية

ميرسي يامريم بجد واحنا بنحب متعب مهما عمل بيارا أو من غيرها وملناش أي حق نتدخل في حياته الشخصيه
وأكيد اللي اتكلموا وقال كده دلوقت هديو وعرفو انهم غلطنين وان متعب هو صاحب القرار في حياته ومحدش يقدر يفرض عليه رأيه
وعايزاهم يتأكدو ان متعب مش بيعمل حاجه غلط
ولما يجبها معاه الاستاد قدام كل الناس ده معناه انه بيحبها وفخور بيها ومستعد يواجه بيها العالم
واحنا علشان بنحبه وبنعشقه نتمناله السعاده والاستقرار مع الانسان اللي اختارها وربنا يهديهاله وتكون له أختيار موفق يارب وتقدر تسعده

يا جماعة هو ليه اهل واخوات واصحاب وقرايب دول اولى بيهم ينصحوه ولو هيخطبها يبقى اكيد دول كلهم مقتنعين بيها وعارفينها وزي ما قالت هبة هو لو جايبها الاستاد يبقى بيحبها ومستعد يواجه اي حد ودي على فكرة مش حاجة وحشة انا عارفة ان فيه ناس هتتريق عليا بس دي وجهة نظري وياريت نحاسبها على اللي جاي وبس وسيبكو بقى من صور النت والكلام الفاضي دا

كلامك صح ياهبه احنا نحاسبها علي لبسها وصورها اللي اتصورتها بعد ماتكون مرتبطه بمتعب رسمي مش علي صورها قبل ماتعرف متعب وانا متأكده ان لو هترتبط بمتعب فعلا يبقي هتتغير علشانه متعب انسان محترم وهيفضل طول عمره محافظ علي صورته واسمه قدام جمهوره

كلامك صح بس مش دى يا متعب مش يارا لا انت غلطان يا عماد بس يا جماعه لو ده الموضوع اللى رجع عماد من بلجيكا انا مع احترامى الشديد متعب هايخلص على نفسه زى حازم امام وكتير من الاعيبه وبجد لو الكلام ده صح احنا بقلنا شهرين بندافع عنه وهو قاعد مش بيعمل حاجه وفى الاخر يكون ده السبب دانا مش مصدقه والله مش مصدقه نفسى

ميرسى يا جماعة ع ردودكم

بس ليا ملحوظتين الاولى لساسو اولا انا مش بقول كلام من الهوا فى ناس هنا وكلمتنى شخصيا وبدون ذكر اسماء شتمت متعب وقالت كلام مش كويس خالص

يبقا كدا بيحبو هو ليا حق انى اقول لانهم يتسحبوا من المنتدى لان المنتدى ده محبى متعب مش اللى بيشتموا متعب أظن وجهة نظرى اتضحت لحضرتك ومتعب راجل وادرى دى زوجة صالحة ولالا انا منعرفهاش


الملحوظة التانية بالنسبة لانسة رضوى انتى بقا بقالك شهرين بتقولى بدفعى عن متعب مع انك فى الشهرين كنتى مطلعة عينى انى احذف ردودك وموضوعاتك اللى بتسيىء لمتعب واظن انى بعتلك رسالة خاصة وقلتلك الكلام ده واظن بردو متعب مش بيبى مش عارف مصلحته وليا ام واخوات وناس اد كدااااااااااا ينصحوه وهو حر فى اختياره

ع ما اعتقد لما تيجى بأذن الله تجوزى مش هتخدى موافقة متعب رافض ولا موافق !!


أحتراااااااااااااااااااااااامى للجميع

برافو يا يا مريم وياريت يقتنعو بكلامك لو الكلام دا كنا سمعناه في موقع كورة عادي مكانش ممكن اقدر اقول للي كاتبه حاجة بس هنا اسمه منتدى محبي عماد متعب يعني اللي داخله كاتب عماد متعب وداخل يدور على اخباره ويشجعه ويتكلم مع ناس بيحبوه مش يهاجمه ويشتمه ويقول عليه الفاظ مش كويسة وياريت برضه منسمعش اي لفظ على يارا خالص ونحترم الناس بقى

ليعنى انت شيفه ان انا موقفتش جنب عماد فى المشكله اللى فاتت والله اللى احسن منى ومنك انا نفسى عماد يكون احسن انسان فى الكون

اقسم باللة انتو رجالة فى تصرفاتكو عشان هو دة الصح متعب حب وخطب اقبل كدة مستريحش وساب يارا جابها ادام 80مليون قالهم دى خطبتبطى دى الى هجوزها مخفش وجرى دة موقف نحية علية علشان هو قوى وشجاع الى بيعمل غلط بيدرية مش بيورية للناس على فكرة هو قاصدة دة بالنسبة ليارا مش احنا الى هنحكم عليهم متعب عندة28 سنة يعنى عاقل وكبير وفاهم لما قرر انو يجوزها اكيد شايفها غير ما احنا شايفنها على فكرة يارا بنت ناس اوووووووووووووووووووووووى من طبقة ارستقراطية جدا موضوع للبس دة ميهمش اوى احنا عارفين الطبقة دى بتفكر ازاى مش احنا الى هناحسب ربنا الى بيحاسب مش يمكن ربنا بعتها لعما عشان يخليها انسانة تانية وتبقى صالحة عماد عندة اخوات واهل اكيد خد رايهم وفكر معاهم عماد على طول بيبقى قاعد مع اهلة يعنى بياخد رايهم فى كل حاجة مفيش اكتر من اهلك هما الى هيبقى عوزلينك الخير بلاش دور الملايكة دة الى معملش غلط يروح يحاسب متعب بلاش نحكم بالظاهر وبس ياما ناس الظاهر بتاعها كويس والباطن زى الزفت اكيد عماد شايفها كويسة لو وحشة هيرتبط بيها لية محدش بيحب لنفسة الشر لو بتحبوة بجد ادعولوة انها لو وحشة ربنا يبعدها عنو لو خير ربنا يقربة وبس اتقوا للة

كلامك جااااااااااامد اوي يا فاتن انا مش عارفة هما عاوزينه يسخبى ليه ما هو لو بيستخبى يبقى غلطان وعلاقته بيها مش صح دا مش استفزاز للناس دا وضوح وفعلا هي من طبقة ارستقراطية وبنت مثقفة جدا وعلى اللبس سهل اوي تغيره ومش مشكلة جبارة يعني اوي كدا واتقو الله فعلا حرام عليكو تتكلمو على الناس كدا دا انتو فاكرين نفسكو مين عشان تحاسبوهم كدا ايه القسوة اللي انتو فيها دي بجد اتنين بيحبو بعض وعايزين يتجوز يعني حاجة ربنا محللها نيجي احنا ونقله لا صاحبها متتجوزاش وخلي علاقتك بيها في الدرا كلام ناس عاقلين دا؟

انا فهماكي يا مريم وانا معاكي جدا في كلامك بس انا اقصد ان مش معني ان دة منتدي محبي متعب يبقي مينفعش نعترض علي اي تصرف بيتصرفه او اغلطه في اي حاجة يقولها او يعملها وهو في الاخر برده بشر وممكن يغلط واحنا بنبقي مع الحق واحلفلك ان كلنا هنا بنحب متعب جدا والدافع اللي بيخلينا نتكلم اننا بنحبه اوي زي الام اللي بتضرب ابنها لما يغلط عشان مش عايزة حد يقول عليه كلمة وحشة وعايزاه احسن واحد في الدنيا

وعايزة اقولك بجد اننا اكتر ناس ممكن تشوفيهم في حياتك بيحبو متعب وبيخافو عليه وانا مش عايزة اقولك انا عن نفسي عاملة ازاي من ساعة ماعرفت اخوه عنده ايه وربنا يشفيه يارب
اخر حاجة عايزة اقولها ان رضوي اكيد بتحب متعب اوي بس في ناس انفعالها بيبقي صعب شوية وانا من الناس دي بس علي فكرة الناس دي انفعالها وعصبيتها بيبقي دليل علي الحب مش الكره
وربنا يوفقه يارب ويقرب منه كل حاجة كويسة ويبعد عنه اي حاجة فيها شر ليه وميرسي ليكي جدا يا مريم واسفة علي الاطالة

والله يا جماعة نورتوا التوبيك

وعافة يا ساسو انك بتجبى متعب ورضوى رغم ردودها الحده عارفة انها بتحب متعب ولو شكيت فى غير كدا كنت هطردها ودى حاجة متنزعلش


من فضلكوا يا جماعة كلنا اخوات وحبايب واللى زعلان من موضوع متعب ويارا يحتفذ برأيه لنفسه ويدعى ان عماد ربنا يكتبله اللى فى الخير لو بيحبوا بجد

صح ولا غلط وياريت يااااااااااااااااااااااريت ملقيش ردود عنيفة عشان بجد انا ماسكة اعصابى اوى وبعذر الناس بس بردو ياريت اللى بيرد عنيف يعزرنى انا كماااااااااااااااااااااااااااااااااااان لان الضغط عليا كتير

بس يا جماعة بعيدا عن الشد والجذب اللي احنا فيه دة
انتو مش شايفين ان حاجة غريبة ان متعب يبقي بيحب ايتن اوي وكان طاير بيها وهيتجنن عليها وكان الفترة دي احلي فترات حياته كان علطول فرحان ومبسوط وسيريتها لما تيجي وشه ينور وفجاة كدة يسيبوا بعض ومافيش شهرين يبقي هيخطب واحدة تانية
طيب لحق امتي ينسي ايتن ولحق امتي يحب يارا ؟
سؤال يطرح نفسه

ياسلام فى امك كنت فين من زمان انا كنت زعلان جدا من جماهير كتير كل حاجةمش عجبهم على طول انا بموت فى متعب فى اى حجة يعمله

بجد يا Mi$$ MariaM انا اسفه بس هما اللى وصلونى لكده بيشكو ان انا مبحبش عماد 7وان انا على طول بنتقد فى كل حاجه بس انتى اكيد ليكى نظره فى اللى بيحب عماد وفعلا بيخاف على مصلحته و من اللى عايز يبين انه بيحب عماد على حسابى وانا اسفه ليكم جميعا

الله اعلم ايه اللى فى القلوب يا ساسو انا كمان مستغربة بلاش نسبق الاحداث ونشوف هيحصل ايه

ولا يهمك يا رضوى انتى اختنا بردو بس الاعضاء وانا غزبن عننا عشان انتى عنيفة شويا فى ردك بس معلش كلنا بننفعل بس ياريت انفعلنا ميسبقش تفكرنا وارجو انك تفكرى شويا هتلاقى ان الموضوع بسيط مش لازم نكبروا وربنا يوفقك يا رضوى

وياريت نفكر قبل ما ننفعل ونرد رد ممكن يزعل غيرنا

اكيد يا sasso انتى اللى حسه بيا انا والله بكتب وانا بعيط والله حرام عليهم انا بحب عماد اوى ونغسى يكون احسن انسان فى الدنيا بجد انا بحبك اوى انتى و Mi$$ MariaM عشان انتو حسين ان انا بخاف على عماد وحبى ميقلش عن اى حد فى المنتدى

والله يا رضوي انا حاسة بيكي جدا لاني زيك بالظبط انا يمكن بنفعل برده ومن شوية كتبت رد الموضوع اتحذف بسببه بس بجد انا كنت مضايقة جدا ويوم الماتش عيطت كتير اوي من اللي سمعته والتعليقات وجعتني اوي وايام مشكلة ستاندرلياج كنت اول واحدة بنتقد تصرفه واول واحدة بتعيط عليه وبجد لما عرفت موضوع اخوه دة وعرفت عنده ايه نفسيتي تعبت جدا ولحد دلوقتي وادعو يا جماعة ربنا يشفيه لان بجد لا قدر الله اخوه دة لو حصله حاجة متعب هيحصله ربنا يشفيه يارب ويحفظهم هما الاتنين
بس يا جماعة مقولتليش برضه ايه رأيكو في موضوع انه لحق ينسي ايتن ويحب يارا في شهر ونص دة؟

على فكره هو ممكن يكون الموضوع ده بتاع يارا سبب اللى خلى عماد يسيب ايتن ممكن مش عارفه بس ممكن تقولى اخو عماد عنده ايه

والله العظيم كلنا بنحب عماد وبنومت فيه والى كتب اى كلمة او موضوع فده من خوفه على عماد بس مش اكتر جمهور الاهلى دلوقتى هيموت على متعب وانتى بتقولى مينفعش ندخل فى حياته الشخصيه عايزه افكرك من كام سنه لما كان متعب مصاحب رامز جلال ومستواه كان نازل الجمهور هتف ضد متعب وضد رامز فى الاستاد وطالبه لنو يبعد عن متعب ورامز بنفسه قال كده الناس عملت كده من خوفها على متعب واحنا والله خايفين عليه مش اكتر وانا خايفه نفس الموقف ده يتكرر مع يارا وانت شايفه جمهور الاهلى دلوقتى روحه بتطلع ومش هيرحم اى حد احنا بس خايفين على متعب والله وبنحبه جدا

عندك حق يا مريم عندك حق يا مريم عندك حق يا مريم

انا معكى تماما ولانى كمان مينفعش انى المنتدى اسمه عشاق متعب ونشتم عليه ميرسى بجد ع التوبيك

ولا عمرنا رح نكره متعب اكيد لو شو ما عمل واحنا اكتر ناس بنحبه وبنخاف عليه وازا اي حدن علق على موضوع يارا و معجبهوش ده هما عشان بيحبوه ومش عاوزينه يتأزي خالص وانشاء الله خير

ربنا معاه ويوفقه ويبعد عنه كل شر امين يارب العالمين
ربنا يهديها ويهدي الجميع

ميرسى ليكى مريومه وياريت الكل يسمع الكلام