متعب إلى الصحفيين: "الضرب بالجزمة" جزاء من يتحدث في أموري الشخصية

أكد عماد متعب مهاجم النادي الأهلي والمنتخب المصري لكرة القدم أنه لن يسمح لأي شخص التدخل في أموره الشخصية، مشيرًا إلى أن من يقوم بذلك فسيضربه بالـ"جزمة".

وكان مراسل korabia.com متواجدا أثناء توجيه اللاعب هذه الإهانات للصحفيين أثناء تواجدهم لمتابعة توقيعه، وعندما أراد البعض التحدث في أمر ارتباطه بملكة جمال مصر السابقة"يارا نعوم" والتي تواجدت رفقة اللاعب أثناء مباراة الأهلي وشبيبة القبائل بدوري أبطال أفريقيا، انفعل اللاعب، قائلا "أموري الشخصية لا يحق لأي فرد التدخل فيها ومن يتكلم فيها سأضع "الجزمة" في فمه.

عمر ما متعب يقول كده واللهى حرام وبعدين قولنا اى موضوع يسئ لمتعب ما تكتبهوش

هو ايه اللى يسئ مش هو اللى قال كده

انت متاكد ميه بالميه انه قال كده انت شايف ان ده تربيه متعب

والله توقعى اى حاجه يعملها متعب بعد كده مش قولنا على ارتباطه بيارا اشاعات وعماد عمره ما يعمل كده اهو هيخطبها يبقى توقعى اى حاجه وكمان جميع المواقع الموثوق فيها بتقول كده

ثااااااااانكس على الخبر
وعندك حق ياميرو تتوقع اي حاجة متعب يعملها

ياسلام الخطوبه شئ مش غلط وهو حر يختار اللى يختارها اما اهانه الناس شئ وحش

مهو الشئ الوحش هو عمله

انه خطب ده شئ وحش بصى انتى دلوقتى متعصبه حاولى تهدى وانتى هتتعاملى مع الموضوع عادى واللهى متعب طيب وان شاء الله ربنا هيقف جنبه

اولا يا ولاء انا ولد

ثانيا انا قصدى بالخبر الوحش على الجزء التانى من تعليقك

اما اهانه الناس شئ وحش

بص يا ميرو حتى لو قال كده هو عنده حق ولحظوا ان هو مقلش اسم حد هو عمم الموضوع واعتقد ده من حقه ياعنى يعملهم ايه يقولهم ربنا يسامحكوا وبعدين ياميرو ده كنت اكتر واحد بتدافع عن متعب ايه اللى حصل

هو انا عشان نزلت الخبر يبقى مش بدافع عنه وبحبه الخبر كده كده كان هينزل سواء انا نزلته او غيرى اما حكايه انى ادافع عنه انا هفضل ادافع عنه بس وانا مش راضى بس هعمل ايه عماد اللى اختار يبقى براحته هو يتحمل نتيجه اختياره سواء وحش او حلو

ميرو اهدى شويه

لا مقدش علشان نزلت الخبر ااقصد انك متحامل عليه شوية وياريت تفضل تدافع عنه بس وانت راضى

رد لا يليق بحجم لاعب كبير زى عماد
و للاسف الشديد كل لما اقول الناس هدية علية شوية يطلع عماد بتصرف غريب ملهوش اى لازمة, ممكن اوى يعبر عن اللى جواه باسلوب محترم عن كده عشان على الاقل ميهيجش الناس عليه

يالهوى انتوا بتعملوا كده ليه مفيش حد يتكلم عن حد بيحبه كده

عمرى ماهصدق الخبر ده انتوا ليه مصدقين اوى كده هو قران

كلنا بنحب عماد جدا و الا مكناش نبقى موجودين فى المنتدى هنا
انا زعلت لما قريت الخبر ده و للاسف لقيتة منشور على معظم المواقع
مش عشان بنحبة يبقى ندافع عنة فى الغلط بس هى دى الفكرة يا ولاء
هو طبعا كن علية ضغط الفترة اللى فاتت دى بس ده مش مبرر

حقه

لو فرضنا انه صح تفتكرى المفروض يقولهم ايه يا سوكا يقولهم مرسى على اللى انتوا قلتوا الفترة اللى فاتت ويشكرهم صح ده لو كان خبر صح اصلا لان لو موقع كتب حاجة بقيت المواقع بتنشرها من غيرفهم ووقع يالا كورة وفى الجول دول اكتر موقعين محترمين مكتبوش الخبر ده وبعدين انتوا مالكوا واقفينلوا على الكلمة كده ليه ده انتوا زى ما تكونوا مستنيلوا غلطة ليه كده فوتوا شوية تخيلوا لو حد واقف ليكوا على كل تصرف بتعمله وينتقدكوا هيبقى ايه موقفكوا ومحدش يقولى دى ضريبة النجومية ضريبة ايه ضريبة ان انتوا تحسبونى على شغلى لكن ان انتوا تدخلوا فى حياتوا وتتعلقلوا المشنقة ده مش ضريبة ده حرام سيبوا فى حاله بقى واهو كان مع شوبير وكان فى قناة الاهلى مقلش اللفظ ده صدقوا اللى تسمعوا منه كفاية بقى

انا معاكى فى اللى انتى بتقوليه بس اللى مزعلنى ان عماد مش بيعرف يتعامل مع الاعلام , مبيعرفش يكسبهم فى صفة, انا اللى مزعلنى انهم هبتدو علية حرب تانة

لا ان شاء الله مش هيبدئوا حرب ولا حاجة اصلا كل المواضيع اتحلت مبقاش فى حاجة يتكلموا فيها

يا جماعة بالهدوء انا والله لولا انه عيب وحرام ومينفعش اقول اللي اتكتب في بعض الصحف والمواقع كنت قلته قالو كلام لو جبل كان اتحرك ورد عليه فلو افترضنا ان الكلام اللي قاله متعب دا صح يبقى والله اقل واجب انا لما بيتقالي ربع كدا متتخيلوش انا بعمل ايه ودا انسان وضريبة الشهرة مش هي اني اعمل استفتاء واقول فيه موافقين عماد يخطب يارا ولا لا هو دا كلام يعني ودا حصل بجد مش هزار

هايص يا عمدة هايص دول مكنوش يومين على بعض قعدتهم فى بلجيكا انا شاكة ان انت عماد اظاهر متعب الحقيقى نسيته هناك فى بلجيكا ورجعت من غيره يا عمدتى

بصوا يا جماعه من الاخر عشان انا زهقت من الموضوع ده الاول كنا بنقول عن انه مصاحبها وبيعرفها اشاعات كدبنا اى خبر يتنشر عنه معاها لكن هما طلعوا متفقين مع بعض انهم ينفوا اى علاقه ببعض عشان يطلع فى الاستاد ادام ايتن ويقولها دى خطيبتى الجديده الخبر بتاع الجزمه حقيقى واللى مش عايز يصدق ميصدقش كل واحد يصدق اللى على مزاجو وكل واحد يكدب الخبر اللى على مزاجو انا عن نفسى مصدق وعماد قالها ساعه لما كان بيمضى فى النادى امبارح مش على الهوا فيا ريت نقفل الموضوع ده عشان اكيد انتوا كمان زهقتوا