متعب إلى الصحفيين: "الضرب بالجزمة" جزاء من يتحدث في أموري الشخصية

تذكير بمساهمة فاتح الموضوع :

أكد عماد متعب مهاجم النادي الأهلي والمنتخب المصري لكرة القدم أنه لن يسمح لأي شخص التدخل في أموره الشخصية، مشيرًا إلى أن من يقوم بذلك فسيضربه بالـ"جزمة".

وكان مراسل korabia.com متواجدا أثناء توجيه اللاعب هذه الإهانات للصحفيين أثناء تواجدهم لمتابعة توقيعه، وعندما أراد البعض التحدث في أمر ارتباطه بملكة جمال مصر السابقة"يارا نعوم" والتي تواجدت رفقة اللاعب أثناء مباراة الأهلي وشبيبة القبائل بدوري أبطال أفريقيا، انفعل اللاعب، قائلا "أموري الشخصية لا يحق لأي فرد التدخل فيها ومن يتكلم فيها سأضع "الجزمة" في فمه.

بصوا يا جماعه من الاخر عشان انا زهقت من الموضوع ده الاول كنا بنقول عن انه مصاحبها وبيعرفها اشاعات كدبنا اى خبر يتنشر عنه معاها لكن هما طلعوا متفقين مع بعض انهم ينفوا اى علاقه ببعض عشان يطلع فى الاستاد ادام ايتن ويقولها دى خطيبتى الجديده الخبر بتاع الجزمه حقيقى واللى مش عايز يصدق ميصدقش كل واحد يصدق اللى على مزاجو وكل واحد يكدب الخبر اللى على مزاجو انا عن نفسى مصدق وعماد قالها ساعه لما كان بيمضى فى النادى امبارح مش على الهوا فيا ريت نقفل الموضوع ده عشان اكيد انتوا كمان زهقتوا

ليه ياعنى كل ده يا مريم الموضوع مش محتاج

هدوا ياشباب دانتوا مسبتوش لحظه الا وانفعلتوا فيها
ومتزعلش ياميرو انت بتنقل الخبر وليك حق انك تعبر عن رايك زى ماانت عايز
زى ماكل واحد له الحق انه يدخل ويعبر هو كمان عن رايه
ومش انت الى طلعت الخبر ده على متعب
وكل واحد له الحق انه يصدق او لا واستقبل راى الناس بصدر رحب
وانا شيفه من رايى ان متعب طول عمره انسان محترم وعمره مصدر منه لفظ
وحش لاسمح الله او اى تصرف مشين وحتى ظهوره مع يارا دايما بيبقى فى اماكن عامه
يمكن يكون الاعلام كالعاده بيألف ويشوه صورة الناس
ويمكن يكون متعب من كتر الضغط عليه من الاعلام والناس يعمل شئ مش مقبول وده انسان وبشر والبشر خطائين
ومتنسوش ان الاعلام بيحب يزود شوية ملح وفلفل على الاخبار بتاعته
ممكن يكون متعب قال حاجه غلط بس موضوع الجزمه ده انه يقوله شئ صعب شوية

منا عشان كده قولت كل واحد براحته يصدق او ما يصدقش

مظنش ان متعب يعمل كده
ربنا يهديه