فيديو - من شبانة لمتعب : لا تسطيع وضع الجزمة في " فم " أحد وأنت من إصطحب يارا لاستاد القاهرة

إنتقد الإعلامي محمد شبانه التصريح الصادر من عماد متعب لاعب الأهلي والذي هدد فيه الصحفيين بوضع الجزمة في فم من يتكلم عن حياته الشخصية خاصة فيما يتعلق بعلاقته بيارا نعوم ملكة جمال مصر السابقة.

ومن جانبه سن شبانة رماح النقد للاعب مؤكداً أنه لايستطيع أن يضع الجزمة في فم أى صحفي يقوم بعمله بكتابة خبر عن أى لاعب كرة.

وأضاف شبانة في رسائل وجهها إلى اللاعب بأنه طالما أن متعب متواجد في مكان مسموح فيه بالتغطية الإعلامية فإن الصحفي من حقه كتابة أخبار عنه مشدداً أنت من تواجدت في استاد القاهرة رفقة يارا نعوم ومن الطبيعي ان تتفاعل الصحافة مع هذا الموضوع.

وإختتم شبانة بأنه كان من الأفضل أن يطلب الصحفيين عدم التحدث في أمور تتعلق بحياته الشخصية بدلاً من أن طلق تصريح بهذا الشكل


[flash(425,350)][ندعوك للتسجيل في المنتدى أو التعريف بنفسك لمعاينة هذا الرابط]

ههههههه طول عمرك صحفى مش محترم

ده بقى اللى كان مخوفنى ,
متعب دخل نفسه في مواجهة مع اعلام يعشق ملأ فراغه بالترهات ووجد امامه متعب مادة خصبة لملأ فراغه .
للأسف متعب مش هايخلص الأيام الجاية من الأنتقادات الأعلامية والجماهيرية اللي هاتربط بين حياته الشخصية ومستواه في الملعب...كان مالنا بالقصة دى كلها يمتعب

والله انا شوفت الخبر و مرضتش انزله عشان منوجعش دماغنا

واللهى العيب مش فى متعب العيب فى الناس الحشريه اللى بتدخل فى حياته بشكل مستفز

انا بس اللى مضايقنى انهم هيبتدوا يهاجموه اكتر من الاول كمان
و لسة شوف بقى بقيت الاعلاميين هيقولو اية

محدش اتكلم لانى هو مقالش حاجه ده لو كان قال كان الاعلام كله قام عليه شبانه ده معروف بانه بيهاجم فى كل الناس انا شخصيا مش بحترمه

شبانه بيتكلم علي عمدتي...............لا والله العظيم ضحكت بجد

[quote:e356="walaa1991"]واللهى العيب مش فى متعب العيب فى الناس الحشريه اللى بتدخل فى حياته بشكل مستفز[/quote]

صح و هو ده اللى الناس مش فاهماه
ده بشر و هو اعلن انها خطيبته اكيد لازم ميتحملش كلمة عليها حتى لو احنا كان عندنا تحفظ عليها. انا مكنتش احب انه يقول تصريح زى ده بس لما فكرت لقيت ان اى حد مكانة هيقول اكتر من كده

كلامك صح يا سوكا متعب مش هيخلص من التتدخلات اللى فى حياتة الافضل انة لا يسمع برامج رياضية ولا يقرا جرائد

[quote:94a2="walaa1991"]ههههههه طول عمرك صحفى مش محترم [/quote]بالعكس ياولاء

[color:5920=cyan]لاتعليق منعا للزعل[/color]

شكلك بتحبه يا مودى

شبانه صح ومن الاول التصريح كان مستفز كان الاحسن يرد ع اى واحد بينتقده ف الملعب زى ماكان بيعمل الاول لما كان بيفضل بالشهور مش يدخل اجوان وبيتهاجم وكان بيرد عليهم ف الملعب من تصريحات زى دى

بنحبك يا متعب ومهما حصل ومش مهم كلام اى حد

ياجماعة ده بشر ياعنى بيحس ده انتوا فى شغلكوا ولا فى كليتكوا لو حد قلكوا نص كلمة فيها نقد بتضيقوا تخيلوا ان يبقى الجرايد كلها ومعظم المواقع بتهاجم المفروض يعمل ايه اللى بيقول المفروض مكنش يرد هقوله حاجة واحدة تخيل كده لو حد فى شغلك شافك مع واحدة هتخطبها وقعد يقولك ايه اللى انتى خطبها دى ويشت فيها وفيك ويجرح هيكون رد فعلك ايه ااقل حاجة هتقوم تدربه لانه ادخل فى اللى ملوش فيه ونفس الكلام للصحفين هما مالهم متعب يخطب ولا يتجوز يخصهم فى ايه ده خبر يكتبه موقع فنى مش موقع رياضى ودول اسمهم نقاد رياضينت مش نقاد فنيين بجد حطوا نفسكوا مكانه بغض النظر عن يارا

كلامك صح جدا ياريبورتي اذا كان حتى الناقد الفني مش من حقه انه يتدخل في حياة الفنان الشخصية والمفروض يحكم على العمل اللي بيقدمه بس ما بالكو بقى بالنقاد الرياضين والراجل لا بيصاحب ولا بيمشي مع حد هو حس انه مرتاح للانسانة دي وانها بتحبه اعلن خطوبته عليها عشان محدش يتكلم هو احنا ليه كدا مكبرين كل حاجة ومش من حقهم ابدا ايدا انهم ينتقدوه في حاجة زي دي والله انا اهو بنت بس لو حد قالي ربع الكلام دا مش عارفة انا هعمل ايه بصراحة بس اللي اقدر اقوله ان ردة فعل متعب بالنسبالي منتهى الهدوء

مش عارفة متعب برده ليش بيتصرف هيك مابعرف بس حاسة انه متغير كتير عن قبل انا مش بهاجمه بس ده رأيي

[quote:aeda="Amal7"]مش عارفة متعب برده ليش بيتصرف هيك مابعرف بس حاسة انه متغير كتير عن قبل انا مش بهاجمه بس ده رأيي [/quote]

مش برده بيقولوا مراية الحب عامية
ده اللى عماد فية دلوقتى و ده اللى مغيره,هو شايف كل اللى حوالية غلط و هو اللى صح لأنهم بيفكروا بعقلهم و هو بيفكر بقلبة و بس
خلينا نعذرة هو شاب زى اى شاب حقة يحب و يتحب , و فترة الخطوبة هتكون كافية عشان يعرف هما مناسبين لبعض و لا لأ
و برده موضوع التصريحات دى ده نتاج اللى انا قولته فى السطرين اللى فوق,
هو ده ملخص الحكاية

بصوا ياجماعة لازم نعترف ان لو متعب قال التصريح ده بجد يبقى غلط لان الصحفي المفروض انه شخص محترم مينفعش متعب يتكلم بالا سلوب وانا مع شبانة في ان متعب هو اللي عمل كده ف نفسه لما اخد يارا معاه الاستاد فمن حق اي حد يصوره معاها انا بقول كده وانا من اكتر الناس اللي مبيحبوش شبانة ف مصر بس هو ف الموضوع ده عند ةحق

الراجل بيتكلم صح

متعب ميقدرش يعمل لحد كده

ولو انتو بتحبو اهو بقولكم هحط جزمه في بؤكم استريحو بقي

هو مقالش كدا عشان موضوع الاستاد دا والصور هو اتكلم في الكلام والانتقادات اللي بتتوجه لشخصه عشان هيرتبط بيارا ودي حاجة هو اكبد مش هيقبلها ولو احنا مكانه مش هنقبلها واكيد بيتكلم على الكلام اللي بيقتال عليه وعليها لان فعلا الكلام صعب ومحدش يتحمله ابدا انا معكاكو ان التعبير خانه جدا وانه حتى لو عنده حق كان المفروض يكون اهدى عشان حقه ميروحش على الاقل بس قدر الله وما شاء فعل ويارب الايام الجاية يكون اهدى عشان دلوقتي العين عليه اوي فمحتاج يبعد العيون دي شوية عنه

على فكرة متعب مقالش كدا للجمهور ودا مؤكد واريت منخلطش كل حاجة ببعض زي ما بنعمل كل مرة الكلام دا موجه للصحافة واحنا بصراحة الصحافة في البلد دي بقى حاجة تقرف وميصحش الكلام اللي بيتكتب دا سب وقذف صريح ولو اي حد مكانه في وقت عصبية كان هيقول اكتر من كدا والكلام دا مش للجمهور

[quote:5f05="GOGO.M"]على فكرة متعب مقالش كدا للجمهور ودا مؤكد واريت منخلطش كل حاجة ببعض زي ما بنعمل كل مرة الكلام دا موجه للصحافة واحنا بصراحة الصحافة في البلد دي بقى حاجة تقرف وميصحش الكلام اللي بيتكتب دا سب وقذف صريح ولو اي حد مكانه في وقت عصبية كان هيقول اكتر من كدا والكلام دا مش للجمهور[/quote]

اه هو يقصد الصحافيين مش الجمهور

كفاية تدخل فى حياة الناس ياايها الصحفيين
يلى لاتنتموا لمهنة الصحافة الشريفه