فيديو - من شبانة لمتعب : لا تسطيع وضع الجزمة في " فم " أحد وأنت من إصطحب يارا لاستاد القاهرة

تذكير بمساهمة فاتح الموضوع :

إنتقد الإعلامي محمد شبانه التصريح الصادر من عماد متعب لاعب الأهلي والذي هدد فيه الصحفيين بوضع الجزمة في فم من يتكلم عن حياته الشخصية خاصة فيما يتعلق بعلاقته بيارا نعوم ملكة جمال مصر السابقة.

ومن جانبه سن شبانة رماح النقد للاعب مؤكداً أنه لايستطيع أن يضع الجزمة في فم أى صحفي يقوم بعمله بكتابة خبر عن أى لاعب كرة.

وأضاف شبانة في رسائل وجهها إلى اللاعب بأنه طالما أن متعب متواجد في مكان مسموح فيه بالتغطية الإعلامية فإن الصحفي من حقه كتابة أخبار عنه مشدداً أنت من تواجدت في استاد القاهرة رفقة يارا نعوم ومن الطبيعي ان تتفاعل الصحافة مع هذا الموضوع.

وإختتم شبانة بأنه كان من الأفضل أن يطلب الصحفيين عدم التحدث في أمور تتعلق بحياته الشخصية بدلاً من أن طلق تصريح بهذا الشكل


[flash(425,350)][ندعوك للتسجيل في المنتدى أو التعريف بنفسك لمعاينة هذا الرابط]

كفاية تدخل فى حياة الناس ياايها الصحفيين
يلى لاتنتموا لمهنة الصحافة الشريفه

فاكرين ابو المعاطى زكى.....
دلوقتى بيدافع عن متعب سمعته الحلقة اللى فاتت بيقول احنا ليه بنهاجم اللى بيعمل حاجه فى النور وقدام الناس احنا المفروض نهاجم اللى بيعمل حاجه فى الضلمه

بيقول انا كلمت متعب وقالى انه هيخطبها فى العيد وهى قالتلى انا عاوزه اروح الماتش ...ايه المشكله فى كده ,هاجم كابتن شطه عشان هاجم متعب وبيقول بعض نجوم الاهلى السابقين فرموه مع انه ماشى فى النور .
طبعا هو كان يقصد لما ك. شطة قال عيب ان يجلس متعب فى [color:0683=violet]احضان[/color] يارا فى المدرجات. ده مش اخلاق ولا قيم النادى الاهلى و ده كان فى برنامج د.ياسر اوب, وانا والله سمعت ده بنفسى.
مش برده ده اسلوب رخيص اوى فى التعامل مع المواضيع و يضايق اى حد ويسيبه يخرج عن شعوره ؟؟؟؟؟؟؟؟؟
انا سمعت الحلقة دى لحظتها و كانت يوم المباراه و مردتش اكتب اللى سمعتة لأنه فعلا ضايقنى كلام مينفعش يتقال فى الاعلام, دىحاجة بسيطة من اللى اتقال عنه الفترة اللى فاتت
انا قلت اكتب ده عشان نلتمس لعماد العذر شوية و نحس به و كل واحد يحط نفسه مكانه لما يسمع كلام زى ده و المفرض كمان انهم هيتخطبو
فى اعضاء قالو ان متعب طول عمرة بيرد فى الملعب و مبتكلمش كتير بس انا بقولهم ان الفترة دى مختلفة تماما عن اى فترة فاتت.
انا بقول الكلام ده و انا اول واحدة لما عماد بيغلط بقول انه غلط و معنديش مشكلة فى ده
و هو فعلا غلط فى تصريحة الاخير و خانه التعبير بس نلتمس له العذر

صح يا سوكا عندك حق في كل كلمة وانتي فعلا لما بيغلط بتقولي وميرسي عبى توضحيك ومتعب فعلا مش بيعمل حاجة في الدرا كان ممكن يعرف 50 بنت في وقت واحد واحنا منعرفش حاجة بس كل حاجة بيعملها احنا بنعرفها علطول ومش بتستخبى لانه مش بيحاول يخبيها وصريح جدا وملوش في الكدب واللف والدوران والله انا قبل ما متعب يقولها طول عمري بقول احنا في مصر مبنحبش الوضوح والصراحة ونحب اللك الكتير وخلاص

كلام ك. شطة ده برده ضايقنى اوى مفيش حد لة الحق انه يدخل فى حياة بنى ادم الشخصية بالطريقة البشعة دى .

عبر عن ضيقتك بأسلوب محترم لكن ده اسلوب غير مقبول , زى ما احنا عملنا
طب ما احنا كمان كنا مضايقين فى الاول بس عبرنا باحترام
ده اللى انا بقول عليه متعب بيوجه الكلام ده لل زى ك. شطة كده

ثاااااااااااااانكس على الخبر ياسوكا

طبعا مش من حق حد ممكن نقول رأي نقول نصيحة لكن كدا صعب اوي اوي يعني وانا قلت والله يا سوكا ان الهجوم الكتير والاوفر دا والكلام الغير محترم والتدخل الغريب مش هيجيب نتيجة بالعكس ممكن يجيب نتيجة عكسية انا واحدة من الناس واعتقد كتير زي مبحبش ان حد يتدخل اوي كدا بطريقة مش طبيعية وكأنه عايش معايا وبيحاسبني على حاجة متخصوش ومش معنى انه مشهور ونجم يبقى كدا لو متعب تغيب عن التدريبات دي مفيهاش حاجة شخصية ولازم الكل يحاسبه لو مسعمش كلام المدرب الكل هيحاسبه لو ماداش اللي عليه ومشافش شغله الكل برضه هيحاسبه ومحدش هيقدر يتكلم لكن الكلام عن ادق تفاصيل حياته الشخصية والتدخل فيها ميصحش ابدا وانا اتصدمت واستغربت جدا من كلام كابتن شطة لانه المفروض مش بس لاعب كبير دا راجل كبير وعيب يخرج منه الفظ دا على الهوا دا برنامج رياضي ومتعب كان قاعد جنبها ومفيش اي حاجة زي اي واحد وخطيبته في الاستاد مكانش فيه داعي لكل دا بجد

مش ملاحظة حاجة غريبة بس حلوة يعنى
فى اعضاء جدد كتير اوى سجلو فى المنتدى هنا من بعد المشكلة الاخيرة بتاعت عماد دى....

بصوا تعالى نكلم بعقلانية شوية الاعلام اتعامل مع متعب كانة عامل علاقة وحشة شوفنا كلانا الكلام دة بالاخص على سوبر كورة حورات ومواضيع متنخب الساجدين مينفعش يبقى فية واحد منحل صح ميديا برضة اتعملت بلاسلوب دة بلاخص محمد شبانة قعد يقول انا عندى صور بس مكسوف انشرها كلنا سمعنا الكلام دة ومتعب كان عامل علاقة فى النور البنت بقت خطيبتة يعنى الموضوع خد الشكل الطبيعى معلمش علاقة وحشة قاعدين يشتموا فية والبنت مع انهم مش بيعملوا حاجة غلط الى بيعمل الغلط مش بيورية للناس يجيبة ادام 80مليون فى متش كل العالم شايفة فلما لو عماد رفع قضية هيكسبة هو حاطط رجل على رجل ياخد تعويض كمان المفروض يطلعوا يعتذرو مش يشتموا لو عايزين يشوفوا لاعيبة بتعمل اية يبصوا على بيعملوة الى الساحل انا مش بتدخل فى حاجة بس لو اكلمنا نعدل فى كلمنا مش واحد نبهدلة مع انو عامل علاقة مشروعة فى النور ادام الناس والمستخبين بنشكر فى اخلاقهم على فكرة الاعضاء بتوع سوبر كورة دلوقتى بيقولو مفروض الموقع يعتذر لمتعب ويارا على فكرة متعب مبخفش من حد يعرف يحط الجزمة فى بوء اى حد يرمية باالباطل بنسبة لتصريحات احمد حسن بيقولة انت هتعتزل امتى قالانا لو حد سالنى السوال دة هشتمة وقولوة وانت مالك عشان كدة بقول ان مفيش حد بيقبل ان حد يدخل فى حياتة جربها مع حد تانى هتلاقى تصريح متعب رحمة المشكلة ان كل الناس بتعامل مع عماد كانة عيل صغير مع انة راجل مش عيل صغير

مش فاهمة اخر 4 سطور دول يا فاتن اية قصة الاعتزال دى كمان؟؟؟

هو عنده حق فى حاجة انه متعب رايح بنفسه للاستاد ومعاه واحدة يعتبر غريبة عنه عشان مش مرتبطين فلازم الصحافة والاعلام تصوره فهو لازم مايضايقش لانه عارف ان فيه ملاين هاتشوفه مش عايز حد يدخل فى حياتك الشخصية كنت جبها وانتوا مخطوبين يا سيدى

صح ولا انا كلامى غلط يا جماعة

عندك حق جدااااااااااااااا يا فاتن بجد انتي بتقولي كل اللي جوايا وقالو كمان افظع بكتير من اللي قلتيه بس مينفعش يعني اكرر الكلام اللي اتقال ودي فعلا علاقة مشروعة متعب ماراحش مشي معاها وقال محدش ليه دعوة وقصاد كل اللي قالوه زعلانين منه عشان قال كدا؟ دا انتو قلتو بلاوي وكلام في شرف وقلة ادب سوري بتحصل يعني

هنرجع للراجل المقرف ده تانى

انت مالك اصلا يا شبانه انت

انا عارفه ان اصلا انت مش لاقى حاجه تتكلم فيها

ويخرس الناس ليه هو عماد غلطان فلى حاجه

خطيبته وجابها معاه الاستاد ايه المشكله فى كده ؟؟؟

ربنا يسعدك يا عمده ويبعد عنك المتخلفين دول

ميرسى على المتابعه

[color:53f4=darkblue]يا جماعة بجد لو متعب قال [color:53f4=black](هضع الجزمة فى بؤ من يتدخل فى حياتى الشخصية )[/color] يبقى الصحفى ده له حق ينتقده
احنا حقتنا نقول اللى لينا و اللى علينا صحيح طالما هو مش عايز حد يتكلم عن تواجده مع يارا مكنش اصطحبها فى ماتش كبير زى ده و متعب نجم كبير لازم يلفت الانظار
سورى يا جماعة دى وجهة نظرى انا ضد ان حد يدخل فى حياة متعب بس هو كده اللى بينشر حياته للناس كلها بظهوره معاها اكتر من مرة و صوره معاها و يرجع يقول محدش يتكلم طب ازاى و ليه ظهرت معاها كده[/color]

ايه ياجماعة
الراجل بيتكلم بمنتهى الاحترام وكلامه عقلانى جدا
بالزمة فيه لاعيب مشهور زى كابتن عماد يققول الكلمة دى؟؟؟
عمرنا سمعنا حد من النجوم المحترمة بتعمل زى ماعماد بيعمل؟؟
انا عايزة اعرف انتو زعلانين ليه؟؟
واحد بيشتم من حقهم يردوا عليه

وبعدين عماد اتغير 360 درجة
بسبب الانسة بتاعته دى
وبجد زهلت من الصور بتاعته دى
مكنتش اتوقع عمرى ان متعب يطلع كده

وكمان عماد بيقول كلام كتير فى الهوا هو مش قده

ويارب يوفقك يامتعب ويهديك للطريق الصلاح ويبعد عنك الاذى وترجع لرشدك

متعب بيغنى الاغنية ديه "" انا انا مش انا انا واحد تانى غير اللى عرفتوه زمان

اسمعوا يا جماعة سيدنا رسول الله كان بيتعامل اوحش معاملة من كفار مكة ومع ذلك عمرة ما شتم حد منهم وقالهم انتوا كفرة دا كان بينصحهم فالرسول اللى هو قدوتنا عمرة ما رد على فظائع بتتعمل فيى تقوم انت يا متعب ترد ع الصحافة وتقول جزمة مهما كانوا وحشين مش اسلوب دة وانا شايفة انة غلطان وملوش حق هو لو كان فكر بعقل شوية كان عرف انهم مايستهلوش انما هو اللى اصطدم بالصحافة واتفرجوا ع اللى هيحصلة الايام اللى جاية وعلى فكرة اللى قالوة الصحفيين اقل بملايين المرات من اللى كانو الكفار بيعملوة فى سيدنا محمد بقى يا متعب مش عارف تتخذ رسولك قدوة لية يا متعب كدة
ما تشوف زمايلك عمرنا ما شوفنا حد بيعمل كدة مع الصحافة ابدا
سبهم وما تردش عليهم
انت اتغيرت اوى يا متعب فى الفترة اللى فاتت دى وياريت ما تكونش اتغيريت بسببب اللى فى بالى
وعلى فكرة يا جماعة الصحافة فى مصر معروف انها وحشة وياما الصحفيين هاجموا متعب اشمعنى بقى يرد عليهم اليومين دول
لو متعب فضل ع الحال دة
ممكن مستواة فى الملعب يتاثر جامد
وربنا يهديك يارب تعبت نفسك وتعبتنا معاك

انا سمعت كلام شبانة كلة بيكلم بمنتهى الاحترام وبعدين الاعضاء اللى بيقولوا ما هو اعلن خطوبتة خلاص على يارا طب هو لما جابها استاد القاهرة كانت خطبتة دة بالعكس الانسة يارا طلعت تقول انى مليش اى علاقة بمتعب ونلقيها كلها يومين وتجى معاة الاستاد هو الكذب مش حرام ولا اية ولا خلاص الصدق بقى موضة قديمة وبطلت خلاص ومش انت يا متعب اللى اتصورت معها قبل ما تخطبها صور مش تليق بنجم كبير زيك
وبعدين المصور اللى انت اتخانقت معاة دة هو يعنى اللى راحلك بيتك يصورك ما انت كنت قاعد فى مكان امة لا الة الا الله بتشوفة ومن حق اى حد يتساءل اية علاقة متعب بيارا ومن حق المصور انة يصور بغض النظر بقى عن ان المصور غلس وانت يعنى يا متعب اللى جبت كلة دة لنفسك
ومع كل الكلام اللى انا بقولة دة وغيرى بيقولة
انت لا بتهتم ولا عايز تهتم براى اى حد ياريت يا كابتنى تفوق قبل ما السكينة تسرقك
اسفة يا جماعة اسلوبى فى التعبير المرة دى مش كويس بس انا محروق دمى والله ع الاخر مش انت يا متعب اللى بدخل الناس فى حياتك الشخصية عايز تتصور مع يارا ما تتصور ولازم كل لما تتصوروا صورة نلاقيها ع الفيس بوك اشمعنى مش كنت بتعمل كدة مع ايتن اكيد كنت بتتصور معاها لكن حتى الان احنا ما نعرفش هى شكلها اية يبقى انت بقى اللى بتجيب المشاكل لنفسك وبعدين صورك مع يارا مش الا هى دى صور الجمهور يخجل انها تتطلع منك يا متعب يا نجم
وبعد كل دة مش عايز حد يدخل لو فعلا مش عايز حد يدخل ابقى اتصور واحتفظ بالصور لنفسك لكن احنا كل شوية بنلاقى صورك مع يارا دى ع البيدج بتاعها يعنى بعلمها طب وهى بتنشر الصور لية ع الفيس بوك عايزة تشتهر مثلا وبعدين يظهر ان يارا دى مبسوطة من الشو اللى معمول عليها بدليل انها حتى الان مش اتكلمت وقالت لحد كفاية كلام عليا
بجد انا حسيت انى وحشة اوى وانا بقول الكلام دة لكن هى دى الحقيقة وعشان كدة انا عارفة ان مفيش حد هيقبلها
دا بالعكس انا هلاقى اعضاء بيتهمونى بانى مش بحب متعب وانى لازم اخرج من المنتدى
اخرج عشان بقول الحق
هو انا لازم اصقف للغلط ولا اية
انا شايفة ان شبانة المرة دى بالذات عندة حق فى كل كلمة قالها
وبلاش حد يقولى انتى مش بتحبى متعب لان اللى بيحب حد بجد بيوعية مش يخلية ما يشوفش غلطة
احنا المرآية اللى متعب لازم يشوف بيها دلوقت لانة للاسف مش حاسس باللى بيحصلة
اية يا جماعة انا هفضل فى القصة دى لحد امتى بقى انا تعبت

يا جماعة انتوا عمالين تقولو واحد وجاب خطبتة معاة الاستاد طب هو احنا كنا نعرف انها خطبتة احنا اول ما شوفنها قولنا علاقتة بيها اية وبعدين متعب عمال ينشر حاجات عن حياتة الشخصية ويرجع يقول محدش يدخل طب الاولى انك يا كابتن متعب تتصور وتعين صورك ولا هو الموضوع صعب ما انت اتصور ت مع خطبتك ومع ذلك مش شوفنا صورك
وللعلم انت لما خطبت ايتن محدش اتكلم عن حياتك الشخصية لان اول مرة عرفنا فيها ايتن عرفناها على اساس انها خطبتك لكن
يا كابتن متعب انت دلوقت بتورى الناس امورك الشخصية وترجع تقول محدش يتكلم
انا بجد مش عارفة اقول اية تانى
انا كلامى بقى غلس لانى قولتة كتيييييييييييييييييير

[color:1525=darkred][b]ياجماعة لا ء الصحفى عنده حق عماد لاعب كبير ومينغعش يطلع منه حاجة زى كدة ابدا ابدا[/b][/color]

يارا مش خطيبته ولا حاااااااااااااااجة يا جماعة

وبعدين نقول الحق بقى عماد غلطان بس كان متعصب شويه وممكن يطلع يعتذر النهاردة ادينا هانشوف

على فكرة كلامك كله صح يا نور بجد

لا ياهند هو اعلن انة هيخطبها فى بعد العيد وبعدين هو لو اعتذر بجد هيريح نفسة ع الاخر وبجد هيكون انسان شهم لا احسن انواع الناس اللى تغلط وتعترف بغلطها

طبعا يا نور بس انا بتكلم على حاجة انه لما راح الاستاد ماكانتش خطيبته

اصل فى بيقولوا فيها ايه لما يروح الاستاد وجايب خطيبته معاه !!!

فا انا بقول انها مش خطيبته حتى الان لما يخطبها اصلا محدش هايقد يفتح بقه بكلمة لانها بقت معاه رسمى

ده اعتراضى كله انه لحد دلوقتى مش خطيبته وواخدها معاه الاستاد وكمان زعلان عشان المصور بيصوره طب ما اكيد هايصورك يا عماد انت عايز ايه بالظبط يعنى؟؟؟؟؟؟؟؟؟؟

ويارت يعتذزر هايريح نفسه زى ما قولتى وهايرحنا والله العظيم عشان احنا الكام يوم الى فاتو دول كانوا اصعب الايام

الاعتذار من شيمة الكبار
عماد لازم يعتذر عن اللى قالة و اعتذار واضح وصريح لكل الصحفين

[quote:4414="جوليت"]يا جماعة انتوا عمالين تقولو واحد وجاب خطبتة معاة الاستاد طب هو احنا كنا نعرف انها خطبتة احنا اول ما شوفنها قولنا علاقتة بيها اية وبعدين متعب عمال ينشر حاجات عن حياتة الشخصية ويرجع يقول محدش يدخل طب الاولى انك يا كابتن متعب تتصور وتعين صورك ولا هو الموضوع صعب ما انت اتصور ت مع خطبتك ومع ذلك مش شوفنا صورك
وللعلم انت لما خطبت ايتن محدش اتكلم عن حياتك الشخصية لان اول مرة عرفنا فيها ايتن عرفناها على اساس انها خطبتك لكن
يا كابتن متعب انت دلوقت بتورى الناس امورك الشخصية وترجع تقول محدش يتكلم
انا بجد مش عارفة اقول اية تانى
انا كلامى بقى غلس لانى قولتة كتيييييييييييييييييير[/quote]

متفقة معاكى تمااااما