معاك ياعمدة

تذكير بمساهمة فاتح الموضوع :

اولا سلامى لاحلى واجمد اعضاء لاجمد لاعبى فيكى يامصر

احنا اكيد يعنى كلنا عارفين كل اللى حصل الايام اللى فاتت ايام استغفر الله العظيم يعنى ايام سودة
الله لا يرجعها تانى (رغم انى متوقعه اللى جاى هيبقى اسود من اللى راح بس ربنا يستر)
احنا من يوم ما حبينا عماد وهو واقع فى مشاكل كتيرة جدا رغم انه مكنش السبب فى المشاكل دى
ومع ذلك قلنا معاك ياعمدة لاننا بجد حسينا انه بيبقى مظلوم ودايما الناس بتيجى عليه عشان مابيتكلمش ولما بيتكلم الناس بتقوم عليه زيادة لانه بيقول كل اللى جواه اللى بيبقى كله حزن ومرارة وبيبقى متعصب لدرجه انه ممكن يزعل ناس كتير اوى
والفترة اللى فاتت دى كلها واضح اوى انه بيمر بفترة صعبه اوى ومعندوش اتزان خالص فى كل حاجه ومش قادر يتحمل دة اذا كان احنا اللى جمهوره مش قادرين نتحمل يبقى هو يعمل ايه عشان كدة هو بيبقى فى حاله غضب لما بيتكلم مع اى حد وزى ما قولت ساعات بيزعل منه ناس كتير قوى واللى منهم بصراحه انا بس والله عشان خوف عليه مش اكتر لانى مش مستحمله اسمع او اقرا اى كلمه عليه
ورغم برده ان لسه انا زعلانه شويه منه بس بجد مش قادرة انساه ومش قادرة برده اكرهه ولاحتى قادرة انى انزله من نظرى زى ما ناس كتير قالو وللاسف كانو هنا فى منتداه منتدى عشاقه وجماهيره
دة انا النهاردة شوفتله على قناه الاهلى شويه اجوان ليه مخصوص مش قادرة اقولكو على السعادة اللى كنت فيها واتاكد ساعتها انى مش ممكن اكرهه ابدا وهفضل اشجعه وادافع عنه وادعيله كمان واظن ان دة دورنا كلنا تجاهه احنا جمهوره هو اه ممكن كلامنا ميوصلوش بس كفايه ان احنا نحس دة ان احنا بنحب لاعب وانسان برضوا ولازم نفضل جمبو والا مايبقاش اسمنا جماهيره وعشاقه
اللى يحب حد بيبقى معاه على الحلوة والمرة وياريت ننسى كل اللى فات ومنقفلوش على غلطه ونسانده دايما لحد مايرجع ينورنا تانى فى الملاعب اللى بجد ملهاش طعم من غيره
ولا ايه يامحبى وعشاق العمدة مستنيه ردودكم لسه بتحبو العمدة ولا زهتقوا منه


طلب اخير ياريت بجد كلنا ندعيله من قلبنا ان ربنا يعديه من الفترة دى على خير ويرجعلنا سالم غانم
عشان بجد وحشناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اوى
ومعلش لو طولت عليكو بس بجد عايزة اعرف رايكوا ايه ايه اذا كنتو بتحبوه لفترة قليله ولا لسه مكملين معاه لحد مايعتزل بعد عمر طويل ان شاء الله وحتى بعد الاعتزال

[quote:91ea="soooka"]انا مش زعلانه من متعب على اد ما انا زعلانه عليه
انا حاسة ان اللى هو فيه ده غصب عنه , بدعى ربنا انه يفووووق منه قبل فوات الاوااااان.
بس ساعات بيكوون فيه تعليقاات بتضايقنى اووى زى تعليق اهلوية[/quote]


وانا كمان مش زعلانه منه اد مازعلانه عليه
عارفه ليه لانه بجد مايستهلش كل اللى بيحصله دة
وبدعى ربنا دايما انه يهديه ويرشده لصوابه
ويبعده عن الناس اللى تضره ويقرب منه اصحابه اللى بجد اللى ينصحوه
النصيحه اللى تفيده

هيا ردها جامد اووووى بس اعذروها هى بتعشق عماااااد

كل واحد حقه يقول انه لسه بيحبه ولا لا
بس مش لدرجه انه يكون الشخص نفسه ماااااااااااااااااااااات
كان ممكن تبقى الكلمه احسن من كدة
اكيد عماد مابقاش وحش اوى للدرجه اللى هى متخيلاها
لكن الظروف اللى هو حط نفسه فيها هى اللى مبيناه كدة

انا معاكي جدا يا منة انا استحالة هكرهه ومش هغير وجهة نظري فيه وبحاول اشوف الايجابيات وبالنسبالي هيفضل عما د متعب هو هو وبالنسبة لاهلاوية انا اعرف ان اللي يكره حد وبيعتبره مات بيشيله من دماغه من حسباته ومش بيدخل على المنتتدى الخاص بيه ويهتم يعمل كومنتات وعايزة يا جماعة اقلكو حاجة ان عيب اوي لما حد يدخل بيت حد ويشتمه وبعدين يقله انت زعلان ليه دي حرية شخصية هي اه حرية شخصية بس مش تبقي في بيته وتشتمبيه وميرسي اوي يا احلى منوش على التوبيك الحلو دا وحشاني جدااااااااااااااااااااااا

يا جماعه واللهى متعب متغيرش هو هو بس اليومين دول هو عصبى بجد الكلام اللى اتقال عنه كتير حرام هو بشر وليه قدره تحمل ده كله علشان ارتبط بوحده احنا مش حبنها وعلى فكره يا اهلويه تعليقك بيدل على انك بتحبى عماد جدا جدا ومستحيل تكرهيه

الاعضاء اللي بتقول اني ليه بدخل 3 المنتدي فانا اقولهم انتوا اكيد متعرفونيش اصلا متعرفوش اني كنت زمان قاعدة 24 ساعة علي المنتدي وعلي كل مواقع الاهلي بدافع عن متعب واي حد كان بيقول عليه ربع كلمة وحشة كنت بفضل وراه لغاية ما يبطل كلامه الوحش وكنت عايشة لمتعب وبمتعب وكنت صاحبة فاكرة توديعه في المطار عشان كان نفسي اسعده باي طريقة وكنت عايشة حلم الاحتراف ده اوييييييييييي ويمكن بل تقريبا فعلا كنت عيشاه اكتر من متعب نفسه اما انا دلوقتي بدخل علي المنتدي كل فين وفيييييييين علي امل اني الاقي اي تصريح لمتعب يحسسني انه ممكن يرجع تاني متعب بتاع زمان لكن للاسف مش بلاقي

وبجد انا مش قاصدة مات اني هنساه لا انا قلت مات وهعيش علي ذكراه انا قصدي ان متعب بتاع زمان هو اللي مات وانا هفضل احب متعب بتاع زمان لغاية اخري يوم في عمري لكن نيو متعب فبجد مش هقدر احبه واحترمه ولا هقدر ادافع عنه لاني معرفش ادافع عن حاجة غير وانا مقتنعة بيها اوي علي فكرة تعبير مات افضل مليون مرة من وجهة نظري من تعليقات بسمعها من اصحابي انه انسان ممثل وكان بيغشنا بجد انا مقدرش اقول انه كان بيخدعنا

وعارفة ان صعب انسي متعب ومتفتكروش اني طايرة من الفرحة وانا بقول متعب مات بالعكس انا قلبي بيتقطع وانا بقولها ونفسي اغمض عيني وافتحها الاقي الكابوس ده انتهي لكن زي ما قولتي يا منة الايام الجاية هتبقي اسوء واسوء

تعرفوا انا كنت زمان لما بيجي متعب في برنامج برضه مكنتش بخلي حد بنطق ولا حد يكلمني وافضل مركزة زي ما اكون بحضر دكتوراه لكن لما متعب جاه في برنامج الاهلي اليوم كنت حاسة انه حد تاني خالص بجد

علي فكرة انا لسه لما بشوف جول قديم لمتعب او اقعد اتفرج علي كليباته القديمة اللي كنت بقعد اعملها بعيط واقعد اقول ياريت ترجع تاني وادعيله من كل قلبي لكن هو مش راضي يرجع تاني

علي فكرة مش موضوع يارا اللي مزعلني اوي كده انا اي نعم زعلت زكم كلكم لكن كنت عادي يعني ههدي تاني وخلاص واقوله مبرووووووووك وافرحله من قلبي لان متعب ده زي اخويا ولازم افرح له وكنت ناوية كمان اعمله كليب هو ويارا علي اغنية تبان ونبات وتبقي هدية فرحه شوفتوا بقي انا كنت هصفي ازاي لكن بجد كلامه اللي اتغير عن الاحتراف ده اللي جنني ده انا كان اكتر حاجة بحبها في متعب طموحه واصراراه علي تحقيق حلمه في لحظة كل ده يتبخر

يعنى انتى زعلانه كل ده وفى الاخر مش عشان يارا

طيب يا اهلاوية انتي مش مضايقة من موضوع متعب ويارا وهتعملي كليب ودا بيدل على روحك الحلوة فعلا وزمي ما قلتي انه زي اخونا وانا لو اخويا خطب واحدة مش حباها ومش موافقة عليها ولاقيته مصمم عليها وبيحبها مش هقدر اقله غير مبروك وهفرحله ....بس انتي كل اللي مضايقك وبتقلي انه مات عشانه هو موضوع الاحتراف؟

Klamek gameeel bs e7na leh momkn nkraho d2 most7eeeeeeeeeeeel

بصي يا جوجو موضوع الاحتراف ده سبب بس اللي بجد هيجنني اني كل كلمة متعب كان بيقولها كانت بتتحفر في دماغي اي تصريح ليه صغنن خالص حتي تلاقيني عارفاه وحفظاه مش بس كده ده انا كنت بتوقع هو هيطلع يرد علي الاشاعات وهيقول ايه وبنص الكلام اللي هيقوله وحصلت معايا كذا مرة مش مرة ولا حاجة لدرجة ان اصحابي كانوا هيتجننوا ويقولولي انتي لازم متعب يخليكي المتحدث الرسمي بتاعه ما انتوا دماغكوا واااااااحدة وتفكيركم واحد حتي كلامكن بيكون بنفس النص مع انكم عمركم ما شوفتوا بعض عشان كده كنت بقتنع ان انا متعب ومتعب انا لدرجة اني اول ماعرفت انه رجع من بلجيكا والله اول كلمة قلتها بقي كده تضيع حلمي بكل سهولة انتي واخدة بالي حلمي مش حلمك حتي

اصلا انا اخويا كان زعلان مني جدا ايام موضوع احتراف متعب وكان بيقولي انتي فرحانة كده ليه ده الاهلي من بعده هبضيع اقوله فرحانه عشان حقق حلمه والاهلي مش بيقف علي لاعب

ده انا كنت في صلاتي بدعي له يحترف في اسبانيا اكتر ما بدعي لنفسي اني ادهل الكلية اللي بحلم بيها

شوفتي بقي انا كنت عايشة الحلم ازاي ولما موضوع الجيش ده وكتعب رجع من المطار انا في اليومين دول كان عندي حالة اكتئاب فظيعة وكنت بعيط ليل نهار

عايزة بقي يبقي رد فعلي ايه لما الاقي عماد بيتكلم بلامبالاة عن موضوع حلم الاحتراف اللي هو ضيعه بكل سهولة كده ويقول حجم النادي يا نهار اسوووووود وامال فين كلامه مع مدحت شلبي لما قال النادي ده هيوصلني لاسبانيا والمهاجم اللي قبلي راح ليفربول وفين وفين كلام كتيييييييير اوي جمييييييييل متعب قاله وخلاني اعيش الحلم والمسه باديا وفجأة يصحيني علي كابوس

انا مقلتش اني فرحانة بموضوع يارا انا اكيد زعلانة بس مكنتش هسمح لزعلي ده انه يخليني اكره متعب

لكن ان كلامه يتغير وفي كذا حاجة ده يخليني احس ان الشخص اللي حبيته اتبدل وبقي حد تاني عشان كده انا هفضل احب متعب بتاع زمان وبسسسسسسسسس

بصي يا اهلاوية انا كنت زيك وبتمنى بجد الاحتراف ليه باي طريقة بس فكري معايا كدا انا قعدت اقول هو ليه يضيع حلمه وفوق كل دا يدفع مبلغ كبير اوي ويقعد في بيته شهور من غير شغل ولياقته تقل اكيد كل دا مش عشان حاجة بسيطة او لا مبالاة منه اكيد عشان حاجات تانية كتير هو لما قال حجم النادي مكترش في الكلام عشان محدش يضايق منه انا كل احساسي ان نادر شوقي ورطه جامد ورسمله صوره مش موجودة اصلا كان متعب بيتكلم على اساس الصورة دي وكلنا كنا بنتكلم على اساسها ولما متعب راح واتدرب لقى عكس الصور دي وانه لو استمر هيبقى بكدا اتورط اكتر واكيد قال انا سبت الاهلي وكنت فاكر اني هروح لمكان اعلى منه او على الاقل هيوصلني بس هو حس ان النادي عمره ما هيوصله لاي حاجة وان نادر ورطه بشكل او باخر يمكن تفكيره غلط يمكن انا كمان مش معاه في حاجات كتير ومعترضة على كزا حاجة في موضوع الاحتراف دا تحديدا بس كل اللي فكرت فيه انه وقتها حس انه متورط دا غير مشاكل عنده هو شخصيا ومرض اخوه ووقتها قال ملهاش داعي كل داانا مش بقلك انا معاه وموافقة مية بالمية على طريقة التفكير والتعامل دي وهو نفسه لما كان في برنامج الاهلي قال كل اللي هيهاجموني ويعترضو على الموضوع دا هيبقى عندهم حق لانه مش منطقي يعني هو نفسه عارف فحاولي بس مع اعتراضك على الموضوع ككل انك تلتمسيله اي عذر زي ما كنتي بتعملي برضه وانا زيك والله مضايقة عشان حلمه دا بس اول ما حصل الموضوع قلت ان نادر اكيد ورطه في حاجاة هو مكانش عارفها كويس ولقى انه مش هيستفدا من الموضوع لا فنيا ولا نفسيا ولا ماديا لان كمان الاهلي لو حسبناها كان هيبقى عارض عليه من ناحية الفلوس اكتر فهو راح عشان يستفاد فينا ولقى ان الافادة دي مش موجودة ووقتها حس انه غلط ولازم يرجع وعايزة اقلك متزعليش نفسك ولا تضايقي انا عارفة انك بتحبيه اوي وصعبان عليه ان كل اللي بيحبوه اوي وبيشجعوه ينقصو واحدة عسولة ويتحيه بجد زيك حاولي ترجعي زي الاول وتشجعيه تاني واعملي الكليب ونزليه هنا وانا اوعدك انه هيرجع تاني عند حسن ظنك واسفة اوي على التطويل دا كله

يعني في عصر التكنولجيا والنت وكل ده مش عارف يعرف معلومات عن النادي مكنش عارف حتي يقعد هناك اسبوع قبلما يمضي ويشوف الجو علي الطبيعة وهو اصلا كان عنده وقت لده يمكن يكون اتسرع ويمكن يكون قراره في الرجوع هو الخير وفي كل الاحوال انا هفضل ادعيله من كل قلبي يرجع تاني متعب اللي حبيته عشان اقدر اقول باعلي صوتي لاي حد ايوه انا متعبااااوية ومتعب ده حد محترم جدا واقدر ادافع عنه في اي حاجة نفسي ارجع احس الاحساس ده بجد نفسي بس متعب صعب الامور اوي عليا وعلي كل عشاقه وقبل ده كله صعبها علي نفسه

يعنى انتى يا اهلويه مش زعلانه عشان موضوع يارا و زعلانه عشان رجع من بلجيكا.؟؟؟!!!!!
و ايه المشكلة رجع من بلجيكا واحد و معرفش يتأقلم ايه المشكلة.
حس انه اتسرع فى قراره .... كلنا بيحصلنا كدا كتيييير.
حس ان الظروووف مش مهيأه ليه انه يدى و يتألق ايه الجرم فى كدااااا ؟؟؟!!!

انتوا ليه مصريين اني مش زعلانة من موضوع يارا والله زعلانة برضه وزعلانه برضه من الاحتراف بس السبب الاسااااااااااااااااااااااااااسي لزعلي ان كلام عماد وتفكيره اتغير يارب تكونوا فهمين قصدي

lموضوع يارا اكيييييييييد مزعلني جدااااااااا لكن انا مش عايزة اتكلم فيه عشان حرام اني اغلط في يارا وهي مش موجودة وكمان عشان كل الناس اتكلمت ومتعب مصمم علي اللي في دماغه فخلاص بقي مش كلامي انا اللي هيغير وجهة نظر عماد بس اكيد برضه تفكير عماد الغريب اوي ده يعتبر جزء من السبب الاساسي في زعلي من عماد عشان اتغير

حاولي تهدي بس وزي ما قلتي ان حرام نتكلم عنها وهي مش موجودة والغيبة دي ابشع حاجة في الدنيا اي كان طبيعة اللي بنتكلم عليهم وان شاء الله متعب هيبقى عند حسن ظنك بس كنت عايز اسالك لو متعب رجع وتالق اوي وجاب اجوان حلوة زي زمان مش هتفرحليه؟

هى زعلانه منه اووووى بس اكيييد بتعشقه زيناااااااااااااااااااااااااااااااااااااااااا

هفرحله عشان جاب اجوان للاهلي ولانه لاعب في الاهلي لكن لو فكر يحترف تاني وكده فاكيد مش ههتم بالموضوع

بس قولي يارب بس يرجع مستواه كويس مع اني حاسة انه مش هيعرف يفصل بين الكرة وحياته خصوصا انه اخد معاه يارا التدريبات!!!!!!!

ده كان مره ولا اتنين بس البدرى اكيد هيقوله افصل حياتك خاااالص بس متقلقيش مش هيحترف تانى للاسف بقت سمعته وحشه فى اوروبا

انا عارفة انك بتحبى متعب زينا بالظبط
بس انا متأكدة ان متعب هيرجع تانى الانسان اللى احنا عرفناه و حبناه.
احساسى انه هيفووق من اللى هو فيه و هينفصل عنها و هيرجع يتألق تانى مع النادى الاهلى.
انا لسة عندى امل كبييير اوووى
و صدقيينى مهياش صعبة و لا مستحيل انه يرجع تانى الانسان اللى احنا عرفناه
كل واحد فينا ممكن يمر بفترة تخبط و تشتت, اللى ممكن نعملة ان ندعيلة ربنا يهديه و يهدينا جميعا

[quote:4b81="soooka"]انا عارفة انك بتحبى متعب زينا بالظبط
بس انا متأكدة ان متعب هيرجع تانى الانسان اللى احنا عرفناه و حبناه.
احساسى انه هيفووق من اللى هو فيه و هينفصل عنها و هيرجع يتألق تانى مع النادى الاهلى.
انا لسة عندى امل كبييير اوووى
و صدقيينى مهياش صعبة و لا مستحيل انه يرجع تانى الانسان اللى احنا عرفناه
كل واحد فينا ممكن يمر بفترة تخبط و تشتت, اللى ممكن نعملة ان ندعيلة ربنا يهديه و يهدينا جميعا[/quote]


يااااااااااااااااااااااااااااااااااارب يكون احساسك ده صح

هو قال انه خلاص هيفضل في الاهلي لحد ما يعتزل وعايزة اوضحكلو حاجة انا كنت زعلانة منه ومضايقة بس انا بعتبره اخويا بجد ولو اخويا عمل اي حاجة مش عاجباني مش هقدر اقاطعه ولو راح وحب انه يرتبط بحد انا مش معجبة بيه او مش موافقىة عليه هنصحه وهزعل منه بس لو صمم وحس ان دي هي اللي هتسعده وتقف جنبه وتعليه مش هقدر اقف قصاده واقاطعه ومعرفوش تاني لانه اخويا اللي بموت فيه ومقدرش اعيش من غيره وهدعي ربنا ان اللي اختارها تكون عند حسن ظنه وتكون على اد مسؤلية انها ترتبط بوحد زيه وهدعيله وادعيلها من كل قلبي ان ربنا يهديهم حتى لو مش موافقة مش هقدر ادعي عليه ولا هقدر ادعي على حد بيحبه هتممناله كل خير وسعادة ولو شفته مبسوط وناجح هفرحله ا وي وصدوقني انا بحس ام متعب دا اخويا بجد فمش هقدر ابدا اكرهه ولا اقاطعه واقاطع اخباره ومش هقدر مداقعش عنه قصاد اي كلمة بتتقال وحش في حقه ومش هقدر مفرحش فرحة كبيرة اوي لما ينجح وبعلى اكتر واكتر ويكون سعيد في حياته

عندكم حق في كل الي قولتو هو بس العمدة يبطل عصبية شوية

هو ده الكلام

معاك ياعماد

لحد النهايه

انا كمان ياsoooka عندي نفس الاحساس
انا مشكلتي الوحيده دلوقتي
ان تصرفاته مش مديانل فرصه ادافع عنه اقدام اي حد
يقول عليه كلمه وحشه
اخر مره واحده صاحبتي قالت لي ارتباطه بيارا ده اكبر دليل
انه مش متدين من جواه و مش خجول وهادي زي ماكان مبين
وانه تلافي اشاعات البنات وانه ايتن سابته بسبب يارا دي صح
ولما قلت لها لا مكنش ناس محترمه زي ابوتريكه وبركات
واحمد حسن حبوا وقالو عليه كويس
قالت لي وايه يعني مابيقولوا كده ع عمرو زكي و ابراهيم سعيد
صراحه اتكبست ومعرفتش ارد
متعب بقي بيتشبه بزكي وسعيد