معاك ياعمدة

تذكير بمساهمة فاتح الموضوع :

اولا سلامى لاحلى واجمد اعضاء لاجمد لاعبى فيكى يامصر

احنا اكيد يعنى كلنا عارفين كل اللى حصل الايام اللى فاتت ايام استغفر الله العظيم يعنى ايام سودة
الله لا يرجعها تانى (رغم انى متوقعه اللى جاى هيبقى اسود من اللى راح بس ربنا يستر)
احنا من يوم ما حبينا عماد وهو واقع فى مشاكل كتيرة جدا رغم انه مكنش السبب فى المشاكل دى
ومع ذلك قلنا معاك ياعمدة لاننا بجد حسينا انه بيبقى مظلوم ودايما الناس بتيجى عليه عشان مابيتكلمش ولما بيتكلم الناس بتقوم عليه زيادة لانه بيقول كل اللى جواه اللى بيبقى كله حزن ومرارة وبيبقى متعصب لدرجه انه ممكن يزعل ناس كتير اوى
والفترة اللى فاتت دى كلها واضح اوى انه بيمر بفترة صعبه اوى ومعندوش اتزان خالص فى كل حاجه ومش قادر يتحمل دة اذا كان احنا اللى جمهوره مش قادرين نتحمل يبقى هو يعمل ايه عشان كدة هو بيبقى فى حاله غضب لما بيتكلم مع اى حد وزى ما قولت ساعات بيزعل منه ناس كتير قوى واللى منهم بصراحه انا بس والله عشان خوف عليه مش اكتر لانى مش مستحمله اسمع او اقرا اى كلمه عليه
ورغم برده ان لسه انا زعلانه شويه منه بس بجد مش قادرة انساه ومش قادرة برده اكرهه ولاحتى قادرة انى انزله من نظرى زى ما ناس كتير قالو وللاسف كانو هنا فى منتداه منتدى عشاقه وجماهيره
دة انا النهاردة شوفتله على قناه الاهلى شويه اجوان ليه مخصوص مش قادرة اقولكو على السعادة اللى كنت فيها واتاكد ساعتها انى مش ممكن اكرهه ابدا وهفضل اشجعه وادافع عنه وادعيله كمان واظن ان دة دورنا كلنا تجاهه احنا جمهوره هو اه ممكن كلامنا ميوصلوش بس كفايه ان احنا نحس دة ان احنا بنحب لاعب وانسان برضوا ولازم نفضل جمبو والا مايبقاش اسمنا جماهيره وعشاقه
اللى يحب حد بيبقى معاه على الحلوة والمرة وياريت ننسى كل اللى فات ومنقفلوش على غلطه ونسانده دايما لحد مايرجع ينورنا تانى فى الملاعب اللى بجد ملهاش طعم من غيره
ولا ايه يامحبى وعشاق العمدة مستنيه ردودكم لسه بتحبو العمدة ولا زهتقوا منه


طلب اخير ياريت بجد كلنا ندعيله من قلبنا ان ربنا يعديه من الفترة دى على خير ويرجعلنا سالم غانم
عشان بجد وحشناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اوى
ومعلش لو طولت عليكو بس بجد عايزة اعرف رايكوا ايه ايه اذا كنتو بتحبوه لفترة قليله ولا لسه مكملين معاه لحد مايعتزل بعد عمر طويل ان شاء الله وحتى بعد الاعتزال

انا كمان ياsoooka عندي نفس الاحساس
انا مشكلتي الوحيده دلوقتي
ان تصرفاته مش مديانل فرصه ادافع عنه اقدام اي حد
يقول عليه كلمه وحشه
اخر مره واحده صاحبتي قالت لي ارتباطه بيارا ده اكبر دليل
انه مش متدين من جواه و مش خجول وهادي زي ماكان مبين
وانه تلافي اشاعات البنات وانه ايتن سابته بسبب يارا دي صح
ولما قلت لها لا مكنش ناس محترمه زي ابوتريكه وبركات
واحمد حسن حبوا وقالو عليه كويس
قالت لي وايه يعني مابيقولوا كده ع عمرو زكي و ابراهيم سعيد
صراحه اتكبست ومعرفتش ارد
متعب بقي بيتشبه بزكي وسعيد

لا بقى معلش انا عمرى ماشفت حد بيتكلم على ابراهيم سعيد او عمرو ذكى زى مابيتكلموا على عماد وخصوصا الاعيبه عمركو شفتوا بركات او ابوتريكه او احمد فتحى او حسنى عبدربه او احمد حسن وخصوصا احمد حسن بيتكلموا حتى ربع كلمه على دول زى مابيتكلموا على عماد
ومش دول بس اى لاعيب تسالى عليه يقولك فيه شعر عارفين ليه عشان دول اللى قريبين منه وقريبين اوى كمان
هو اه فى فترة من عدم الاتزان فى كل حاجه بس متغيرش اوى زى مانتو متخيلين
هو ممكن يكون كلامك صح اننا مش عارفين ندافع عنه الايام دى بسبب مشاكله بس اى مكانه اقسم بالله كان هيعمل كدة واكتر

عماد عمرة ماهيبقى زى عمرو ذكى ولا حتى ابراهيم سعيد
هنااااااااااااااااااااااااااااااااااااااااااااااااااااااااااااااااااااك فرق

[/quote]

شكرا يامينا ع التوبيك

مينا مين دول 2n
منه مش مينا

فى ايه يا جماعه متعب هو هو متغيرش فى ايه لما خد قرار ورجع فى فى ايه لما اتعصب شويه كلنا حصلنا كده وهيحصلنا كده فى المستقبل ايه مافيش حد فيكم خد قرر غلط قبل كده مفيش حد فيكم اتعصب واتكلم باسلوب وحش كلنا عملنا كده وانا اولكم فى ناس بتتعامل مع متعب كانه مابيغلطش بصراحه بشوف من بعص الناس تعليقات قاسيه اوى عليه بس بصراحه العيب فيه مش فى متعب

اااااااااااااااااكيد هناك فرق
ده مفيش شبه اصلا

طب كويس ياهنوف انك عارفه ان فى فرق
يبقى ازاى معرفتيش تردى على اصحابك

على فكرة انا فى وحدة صحبتى زملكاويه مووو ت ومش بتحب عماد خالص ولا بطيق تسمع اسمه
عارفين قالتلى ايه
قالتلى رغم انى بكرهه الا انه ميستحقش اللى حصله او اللى هايحصله لانه احسن من كدة بكتيررررررررررررررررررررررررررررررررررر

والله يامنه انا عارفه
يس بقي فيه حااجات كتيييييييير
هاتردي ع ايه ولا ايه
احنا عشان بنحبه شايفين حلوه
اللي بره الصوره ميشوفش ده
عمااد ادي فرصه للكل يتكلم عليه