ايه حلمك لمتعب حبيب قلبي(ادخلو وقولولي حلمتو بيه قبل كدة ولا لا )

تذكير بمساهمة فاتح الموضوع :

اولا ازيكم يا احلي اعضاء في الدنيا ثانيا انا عارفة ان دة مش مكان التوبيك دة بس انا حبيت ان كلكو تشوفو لان دة اكتر قسم الاعضاء بتدخلوا ثالثا بقة انا حبيت اخرج من جو التوتر اللي احنا عايشين فيه دة واخرجكوا معايا مين فيكم حلم بمتعب قبل كدة وحلم بايه انا عن نفسي حلمت بيه كتيييييير اوي اصلي بحبه جدا اوي خالص وكلها احلام حلوة الحمد لله فاللي حلم فيكو بمتعب قبل كدة يقولنا ويقولنا حلم بايه ويحكيلنا بحبك مووووووووووووووووووووووووووووت يا متعب.(ومهما العزول يقول حاتفضل متعب وهانفضل نحبك علي طول )(وبحبك مووووووووووووووووووووووووووووووووووووووووووووووووت يا متعب).

[quote:f1bd="hend_met3b"]كان امتى بالظبط يا فاتن كان يعنى ساعتها بيلعب فى الاهلى ؟؟ السنة الى فاتت علطول يعنى الدورى الى فات علطول؟؟؟[/quote] وقتها كان فى الاهلى بصى هو بعد مارجعوا من انجولا وقتها شوقى تقريبا كان لسة مارحش الدورى التركى

انا بقي حلمت بعماد كتتتتييييييييييييير وكلها احلام حلوة انا فاكراها كلها وانا اصلا بحلم بيه وانا صاحية فازاي مش هحلم بيه وانا نايمه بس بصراحة ببقي مش عايزة اقوم ولو قمت من النوم ببقي زعلانة اني سبته بس بيبقي يوم حلو وطبعا كل ما افتكر الحلم اقعد اضحك زي الهبلة ولوحدي كده بس انا بحبه اووووووووووووووووووي ومقدرش استغني عنه في يوم ويابختك يا فاتن انك اصلا شوفتيه ويارب نشوفك يا عماد قدمنا علي الحقيقة وتبقي مبسوط

انا بحلم بييييييييييييييييييييه كتييييييييييييييير جدا و فاكرة معظمهم بس اكتر اتنين فاكراهم واحد كان من كام شهر تقريبا قبل خبر فسخ خطوبته
حلمت ان آيتن كانت قاعدة معايا في اوضتي و كانت زعلانة فبسألها مالها قالتلي انهم سابو بعض و كانت لابسة ساعة و قلعتها وكان متعب اللي جايبها وكانت دهب ومكتوب عليها متعب كان شكلها حلو اوي قولتلها وريهاني كده وجيت امسكها متعب دخل وهية اختفت و شكله زعل اني مسكاها فقلتله انا كنت بشوفها بس وصحيت ههههههههههه
و في حلم تاني قبل ميسافر بلجيكا اول مرة حلمت انه كان قاعد ورايا في حتة زي سكشن او فصل حاجة كده وكان زعلان جدااااااااااا وانا كنت قاعدة اتكلم معاه واقوله معلش متزعلش ان احترافك فشل يمكن ربنا شايلك حاجة احسن وهتفضل معانا وحاجات كده بس كنت مبسوطة اوي في الحلم
ومرة تانية من يومين مش فاكرة اي حاجة في الحلم بس اول م صحيت قعدت ازعق لاختي و كنت فاكرة ان متعب كا معايا

حكاية ان ازعق لاختى دى بتحصل كتير لانى بكون بحلم بيه وهيا تصحينى هههههههههههه

يوووووووووووووووووووووووووووووووه انا حلمت بيه بعدد شعر راسى
واغلبها كانت اجوان فى الماتشات فى ليله المباراه
وعلى فكرة انا كمان كنت هشوفه بس ياخسارة مشى قبل مااوصل بدقيقه بالظبط

شوفتو الحسرة اللى انا فيها

كونتى هاتشوفيه فين

انا عمتى بتشتغل اخصائيه فى جمعيه اولادى بالمعادى وهو كان رايح فى يوم اليتيم وجبلهم هدايا كتير واتبرع بفلوس كمان والاولاد كانوا فرحانين بيه جدا
زكل مااقابل حد يقلى متعب كان هنا وانا اتفرس زيادة واقلهم اه منا عارفه وانا من جوة بغلى واتصور معاهم كتيييييييييييييييييييييييييييييير جدا

ربنا معاكى يالهوى انا لو مكانك كنت هبقى عايز انتحر وفاتن كمان شافته الشتا ده فى سان جيوفانى فى مطعم قاعد هو وشوقى ومعرفتش تسلم عليه

انت عارف ان التاكسى اللى انا رحت بيه ركن فى المكان بتاع عربيته بعد ماطلع هو
انا شوفت العربيه بتطلع قدام عنيا بس ماكنتش اعرف ان هو واول ماعرفت قولتلهم انا عايزة اروح كنت متغاااااااااااااااااااااااااااااااااااااااااااااااااظه جدا لانى بعد دة كله وماشفهوش وكنت بجد هفررررررررررررررررررررررررررررررررررررررررقع والله العظيم كان يوم لسه بيمر قدام عنيا كانه انبارح

ان شاء كلنا هنشوفو قريب منور ان شاء الله فى التليفزيون بس اكيد ان شاء الله تشوفيه تانى ع الحقيقه انا مش متصور لو شفتو هعمل اييييييه

يااااااااااااااااااااااااااااااااااااااااااااااااارب يرجع ينورنا تانى ان شا الله نشوفه فى التدريبات حتى
بس هو ليه لحد دلوقتى ماتدربش مع الاعيبه مش قال بعد ماتش الترجى

لا بصراحة نفسى اشوفه اووووى

هو دلوقتى مش بيدرب بصفه مستمره مع الفرقه بس مش عارف ليه

يلا ربنا معاااااااااااااااااااااااااااااااااااااااه ان شاء الله
ويوفقه دايما

[color:7d55=orange]انا حلمت بيه كتير شوفوا الاحلام كلها وتالت حلم بجد كنت فرحان اوى لما صحيت وفنفس الوقت زعلان مش عارف ليه

اول مره كنت احلم بيه حلمت ان انا وهوه فى مكان وبنلعب كوره مع بعض قومت من النوم فرحان اوى

اتعودت بعدها لانى بشوفه كتير

تانى مره حلمت ان انا وهوه واقفين قدام البيت عندنا نتكلم مع بعض وهوه مربع ايده كده وبنتكلم لكن كلن حلم صغير اوى

تالت مره حلمت ان انا قابلته فى الشارع ومش عارف زى مايكون يعرفنى بصلى كده وابتسم وانا اول ما شوفته جريت عليه وروحت مرمى فى حضنه فضلت احضن فيه كتير اوووى

رابع مره كان حلم شويه كده متلخبط ومحدش يضحك عليا لانى بحلم بيه كده عشان فى بالى على طول اعمل ايه المهم انا وهوه كنا عنده فى البيت ازاى مش عارف وكنت زى معزوم عنده فى البيت وبعد ما خلصنا الغدا وقاعدين مع بعض هوه تعب الموضوع ده كان قبل ما يروح بلجيكا وهوه تعب وجابولى اسعاف وانتقل للمستشفى الكل راح معاه وانا روحت معاه وكنت مع وليد اخوه على طول بتابعه معاه والحمد لله اتطمنا عليه والكتور قال يخرج عادى انهارده بس ممكن درجه حراراته ترتفع فعاوز متابعه وكمدات قالوله ماشى اخدناه وروح البيت والوقت كان اتآخر وليد قاللى بات هنا وابقى روح الصبح كلمت البيت وقولتلهم ان انا هابات بره قالولى ماشى وهوه ع السرير ونايم والوقت بقى 3 الفجر وهوه كويس فوليد دخل ينام ووالدته على اساس انه بقى كويس وانا قولت لوليد هافضل جمبه شويه وهانام تحته ع الارض كده مكانى عشان لو صحى وعاز اى حاجه بالليل ولا حاجه قالولى براحتك المهم هما دلخوا يناموا وانا مش جايلى نووم وخايف يسخن اعمل ايه قولت لازم افضل صاحى جمبه وخااايف اوى وعمال اعيط وارتعش مع ان الدكتور قال انه كويس المهم شويه ولاقيته بيسخن ودرجه حرارته بترتفع قومت جبت ميه وبعمله كمدات وهوه عمال بيتكلم كلام بس مش فاهم منه حاجه لان درجه حرارته ارتفعت اوى وانا ماردتش اصحى اخوه قولت انا اعمل زى ما الدكتور قال وخلاص المهم جبت الميه وبعمله كمدات وانا قاعد على الارض كده وهوه نايم ع السرير وعمال اعيط ولاقيت اخوه وليد واقف ورايا فجأه وبيطبطب عليا بس درجه حرارته بدأت تروح وانا بقيت امسح فى دموعى ووليد يقولى خايف عليه اقوله خايف عليه ايه ده لو جراله حاجه انا اموت نفسى هوه انا ليا فى الدنيا كلها الا هوه وعيطت تانى بردو ومش فادر امسك نفسى فراح وليد مقومنى ولاقيت متعب صحى ودرجه حرارته بقت كويسه وفاق بس لما فاق مش عارف ليه كده هوه مايعرفنيش وبيسأل وليد عليا وليد قاله ده اللى عمال يعملك كمدات من الصبح وحكاله بقى وزى ما يكون ماكنش فاكرنى ولا ايه المهم راح واخدنى فى حضنه وفضل يحضنى جامد اوى وانا اعيط قاللى بتعيط ليه قولتله مافيش قاللى لأ فى حصل ايه قولتله بس كنت قلقان عليك شويه وخلاص بس وصحيت

الحلم ده حلمته فى نفس اليوم ده كنت عامل مشكله مع والدى والله على متعب فى البيت وكنت متضايق اوووى ومش عارف اعمل ايه لان حصل موقف بجد مابقتش عارف اودى وشى فين من والدى على متعب وبلاش حد يقولى هوه ايه

المهم آخر حلم بقى

لما كان متعب راجع من بلجيكا شايفه واقف فى مكان خاااااااالى اووووى اووى وعمال يبص حوليه ومافيش اى حد موجود ووشه متغرب اوى كده وحاسس انه تايه وانا اللى موجود بس فى المكان ده مكان وااااسع اوى وفاااضى جدااا حسيت انه عاوز مساعده وانا قدامه لكن مش قادر اروحله ولا اساعده مش عارف ليه وصحيت وانا هاموت ومتضايق اوى وكنت خايف يخصل مشكله ولا حاجه معاه وبعدها حصل الموضوع ده بقى بتاع بلجيلكا والصحف وكده وجه بعده موضوع يااارا
[/color]

اقصد رابع حلم مش التالت

مصطفى ميتفعس بجد تقول ايه الموقف ده بصراحه نفسى اعرف عموما دايما انا كمان بتخانق مع ابويه علشان متعب هو زملكاوى متعصب جدا وساعات يتكلم عن متعب وحش ولاعيبه الاهلى عموما اقوم اتعصب جدا وارد عليه بس بصراحه عمرى ماغلطت فى كلامى معاه دا حتى صوره قطعها كلها وانا مقدرتش اعمل حاجه

انابابا زملكاوى بس الحمد الله بيحب عماد

يا بختكوا انا عشان عايشة برة مهوا انا اقدر اشترك في النادي الاهلي بس المشكلة شغلي برة ادعولي بئة
مهوا انا لو اشتركت في الاهلي اقدر اشوفوا كللللل يوم

يا بختك يا مصطفى ده حلم جميل اووووووووووى

لا انا دايما احلم بيه بس حاجات غريبه جدا ههههههههههه

بابا ساعات يتكلم عنه وحش لما يكون وحش فى الملعب بس برده بدافع عنه واقولهم هو مش بشر بيغلط ولا ايه ههههههههه

وياعات يتكلم عنه حلو بصراحة

حلمت بيه كتير اوى

ومن كام يوم لسه حالم بيه

بس حلم حلو الحمد لله

حلمت انه رجع ولعب وجاب جولين فى الماتش

وكان فى كاس العالم للانديه

يارب الحلم يتحقق

انا بقى عيلتى كلها اهلاويه من الالف للياء محدش يستجرى يقول عليه نص كلمه

ههههه

ما احنا اهلاوين بس برده بابا واخويا ساعات يقعوا ينرفزونى هههههههه عشان بيقولوا متعب وحش النهاردة

انا العائله كلها اهلاويه عندنا الا انا واخويا بس

لكن بعشق حاجه اسمها متعب وبتمناله كل حاجه ولو الاهلى والزمالك بيلعبوا ضد بعض اى حد يجي جول من الاهلى ازعل انما متعب افرح اوى اكتر ما بفرح للزمالك

اعمل ايه مانا اتولدت لاقيته كده لاعب بجد من بعد الخطيب وحسام حسن هوه ده جيل متعب

وانا زملكااااااااوى فور ايفر وافتخر وعاااااااااشق متعب