متعب ويارا يفكران ببيع حقوق البث لحفل زفافهما لقناة فضائية

تذكير بمساهمة فاتح الموضوع :

فيه خبر جديد بيقول ان متعب ويارا يفكران ببيع حقوق البث لحفل زفافهما لقناة فضائية هو خبر عجيب ولسه متأكدش بس لو حصل يعني يبقى متعب بجد بقى مجنون شهرة بطريقة غريبة او ان يارا هي اللي مجنونة شهرة وهما الاتنين كدا بجد بيستغلو شهرتهم والبروباجندا اللي عليهم هما برا بيعملو كدا كتير بس مش بيطلع حد فيهم يقول دي حياتي الشخصية وانا حر فيها ومحدش يدخل ودي الجملة اللي بيقولها متعب كتير وكلنا كمان كجمهوره بنقولها بس لما توصل انك عايز تستغل شهرتك وتعمل تعاليق وزي الاجانب وكدا يبقى مش من حق حد يقول الجملة دي تاني وممكن مش بعيد يصورو برنامج بيعرض حياتهم اليومية زي برا ويبقى برنامج من برامج الواقع وصدقوني احتمال مش بعيد اطلاقا وصدقوني كمان انا مش بهاجم متعب بس هو اللي تصرفاته بقت غريبة شويتين حتى لو الموضوع دا طلع اشاعة دا برضه ميمنعش ان تصرفاته غريبة وان اي حاجة بقت متوقعة منه مع اني على فكرة بحب يارا نعوم جدا ودافعت كتير عن علاقتهم خطوبتهم وجوازهم وشايفة ان دا من حقه بس انا وقت ما دافعت كنت فاكرة انه هيحتفظ بحياته الخاصة اكتر من كدا وانه هيبعد عن الشبهات ويركز بس دا محصلش كل اللي حصل واللي انا حساه انه حاسس انه نجم ومتجوز نجمة مع انها مع احترامي ليها مش نجمة على الاطلاق هي ملكة جمال سابقة وموديل و7 مشاهد في فيلم اكيد ميعملوش نجمة يعني ممكن نقول نجمة على واحدة زي منى زكي هند صبري لكن اكيد مش يارا لكن طبعا هو نجم لكن مش معنى انه نجم انه يستغل شهرته لاخر رمق زي ما بيقولو واسفة على الاطالة وانا والله بنقده عشان دا المنتدى بتاعه واحنا جمهوره دافعنا عنه كتير وعيطنا ودمنا اتحرق في وقا هو كان بيتفسح ومبسوط فيه كدا يبقى دلوقتي من حقنا ننقده لانه زي ما ليه حق علينا احنا كمان لينا حقوق اكتر عليه

وانا حبيت متعب وشجعته واحترمته ودافعت عنه سنين عشان حسيت انه نجم كبير اوي بس مش عايش في دور النجومية ومش بتاع مظاهر بس بالشكل دا الموضوع اختلف لانه كدا بيستغل نجوميته اه مش عيب يستغلها في انه يعمل اعلانات او يطلع في برامج والحاجات دي بتجيب فلوس كتير اوي بس مش انه يعلن السباق على اي قناة فضائية هتعرض فرحه طيب ميزعلش بقى ان الاعلام والصحافة بيدخلو هي مش القناة اللي هتعرض دي داخلة في الاعلام برضه ولا ايه؟ انا مش معترضة بس هضايق اوي بعد كدا لو متعب طلع قال محدش يدخل في حياتي الشخصية

انتو مكبرين الموضوع اوي منغير اي لزمه

[quote:ff1d="sara omar"]انتو مكبرين الموضوع اوي منغير اي لزمه[/quote]

ميرسى عالخبر

انا شايفه ان الموضوع عادي لان كدا كدا الصور والفيديو بتاع الفرح كان هينزل علي النت والفيس سعني كل الناس هتشوفه وعلي فكرة فرح معتز اينو كاان بيتعرض في قناه اسمها افراح وفرح اخته كمان يعني عادي وبرامج كورة كتير بتجيب افراح اللاعيبه كلها انا شايفه ان مش فيها اي حاجة خالص واحد عايز يفرح

ياجماعة دى اكيد اشاعة ولو حصلت تبقى يارا هى اللى اتفقت على كده