متعب ويارا يفكران ببيع حقوق البث لحفل زفافهما لقناة فضائية

فيه خبر جديد بيقول ان متعب ويارا يفكران ببيع حقوق البث لحفل زفافهما لقناة فضائية هو خبر عجيب ولسه متأكدش بس لو حصل يعني يبقى متعب بجد بقى مجنون شهرة بطريقة غريبة او ان يارا هي اللي مجنونة شهرة وهما الاتنين كدا بجد بيستغلو شهرتهم والبروباجندا اللي عليهم هما برا بيعملو كدا كتير بس مش بيطلع حد فيهم يقول دي حياتي الشخصية وانا حر فيها ومحدش يدخل ودي الجملة اللي بيقولها متعب كتير وكلنا كمان كجمهوره بنقولها بس لما توصل انك عايز تستغل شهرتك وتعمل تعاليق وزي الاجانب وكدا يبقى مش من حق حد يقول الجملة دي تاني وممكن مش بعيد يصورو برنامج بيعرض حياتهم اليومية زي برا ويبقى برنامج من برامج الواقع وصدقوني احتمال مش بعيد اطلاقا وصدقوني كمان انا مش بهاجم متعب بس هو اللي تصرفاته بقت غريبة شويتين حتى لو الموضوع دا طلع اشاعة دا برضه ميمنعش ان تصرفاته غريبة وان اي حاجة بقت متوقعة منه مع اني على فكرة بحب يارا نعوم جدا ودافعت كتير عن علاقتهم خطوبتهم وجوازهم وشايفة ان دا من حقه بس انا وقت ما دافعت كنت فاكرة انه هيحتفظ بحياته الخاصة اكتر من كدا وانه هيبعد عن الشبهات ويركز بس دا محصلش كل اللي حصل واللي انا حساه انه حاسس انه نجم ومتجوز نجمة مع انها مع احترامي ليها مش نجمة على الاطلاق هي ملكة جمال سابقة وموديل و7 مشاهد في فيلم اكيد ميعملوش نجمة يعني ممكن نقول نجمة على واحدة زي منى زكي هند صبري لكن اكيد مش يارا لكن طبعا هو نجم لكن مش معنى انه نجم انه يستغل شهرته لاخر رمق زي ما بيقولو واسفة على الاطالة وانا والله بنقده عشان دا المنتدى بتاعه واحنا جمهوره دافعنا عنه كتير وعيطنا ودمنا اتحرق في وقا هو كان بيتفسح ومبسوط فيه كدا يبقى دلوقتي من حقنا ننقده لانه زي ما ليه حق علينا احنا كمان لينا حقوق اكتر عليه

ش ع الخير

لا ماعتقدتش ان الخبر صح

thnx

لو ده فعلا صح
يبقى بجد نوكمنت

على فكرة انا مش شايفه ان فيها حاجه خالص

فيه اصلا قناه بتعرض افراح ناس عاديه هما الى بيكونوا طالبين ده.. ده معناه ان هما كده عايزين شهرة؟؟

لاعادى وهما قالوا ممكن نعرض افراح مشاهير وكده

هو متعب يعنى ناقص شهرة

وكده كده كل الصور والفيديوهات بتنزل ع النت



انا شايفاها من وجهه نظرى مافيهاش اى حاجه خاااااااااااااااالص

انا قريت الخبر دة انبارح من جريدة الفجر واعتقد ان الجريدة دى ملهاش اى مصداقيه فى اى حاجه حتى فى الفن نفسه

وكبرت لان الخبر دة امتداد للاخبار بتاعه ان متعب هيعمل فيلم مع يارا ان متعب مش عارفه هيعمل ايه مع يارا

فعادى يعنى مش اى حد تتقال انه هيعملها يبقى نصدقها وع فكرة الخبر كان على يارا بس يعنى مقلوش ان متعب كمان بيفكر معاها او حتى موافق ودة مجرد تفكير لو الكلام دة صح فعلاااا

وزى ماقالت هند بالظبط ماكدة كدة الصور والفيديوهات هتنزل واكتر كمان من ان الفرح يتذاع
وكمان متعب مش ناقص شهرة دة بقى اشهر من اى حد فى مصر كلها

بس برضو معتقدش ان متعب يعمل حاجه زى كدة
او متمناش انه يعمل حاجه زى كدة

بس انا متاكده ان الحبر مش صح بس انت ليه مكبرها اوى كدا يعنى متعب ولا يارا محتاجيين شهره دا بيحصل فى اوروبا عادى جدا جدا ومش غلط على فكره دول هياخدوا مكسب كبير يفيدهم فى المستقبل ويعوض الفلوس اللى دفاعها ممتعب لستاندرليج

ياجماعه بلاش يبقى تفكيرنا محدود دا حاجه عاديه جدا فى كل العالم بس جديده علينا كعرب

اه في قناة بتعرض افراح ناس بس الناس دي بتدفع فلوس للقناة لكن بالطريقة دي واللي بتحصل كتير برا القنوات بتدخل مزاد واللي يدفع اكتر هو اللي يصور ويعرض وانا مش بقول انها مش بتحصل لا بتحصل برا كتير بس محدش من اللي بيعمولها بيطلع يقول دي حياتي الشخصية ومحدش ليه دعوة ويقول الناس بتدخل في حياتي انا وجهة نظري ما دام متعب طول الوقت بيقول كدا وبيقول ان حابب ان محدش يدخل يبقى ميعملش بروباجندا حواليه وعموما النجوم الكبار سواء برا او هنا مبيعملوش كدا عشان مش محتاجين كل اللي بيبقو محتاجينه لحظات فرحة خاصة بيهم لكن اللي بيعمل كدا برا بيبقو دايما عايزين اي حاجة يزودو بيها رصيدهم وانا متابعة الموضوع دا كويس وانا عارفة ان الموضوع ممكن اوي يطلع اشاعة بس متعب في الفترة الاخيرة وصل ناس كتير اوي انهم ممكن يصدقو اي حاجة عليه حتى لو غلط لان برضه فيه اخبار كتير اوي صح وياريت مننكرش اكتر من كدا ولا الكل ناسي موضوع يارا في اوله انا اول الكل كنت بعيط نهار وليل وقلقانة جدا عليه وعلى مستقبله لانه ساب ناديه وسمعته برا بقت وحشة وقلقانة جدا على فرص احترافه برا وكنت بجد مكتئبة وعدى عليا اسوا شهر في حياتي وكنت عمالة اقول محدش يهاجمه محدش يقرب منه عشان اكيد فيه ظروف اكبر منه ومن الكل خلته يعمل كدا بس طلعت الظروف دي انه بيتفسح في مارينا وشايفاه بعيني يعني انا فاكرة ان اليوم دا الصبح كنت كاتبة في المنتدى ان متعب مش في مارينا وان متعب اكيد مكتئب في بيته لانه قلقان اكتر مننا انزل بالليل الاقيه في مارينا وضحكته ما شاء الله وانا بعيط ليل ونهار عليه وهرجع اقول انا بحب يارا نعوم جدا من قبل موضوع متعب اصلا بس دا مش معناه اني اوافق على نجم طول عمره محدش يعرف حاجة عن حياته الشخصية وكلنا مقتنعين انه بيحب يحتفظ بيها لنفسه لنجم بقى صوره في مارينا والعين السخنة مع زوجته اكتر من صوره في الماتشات

يعني يا فيوريلا انا معاكي جدا جدا ان متعب مش ناقص شهرة بس معلش يارا ناقصة شهرة شوية عشان زي ما قلتلك 7 مشاهد في فيلم ميعملوش نجمة ويعني هو متعب ويارا مش ناقصية شهرة وناقصين فلوس؟ الاهلي عوض متعب كتير عن موضوع ستاندر ليج رغم ان دا غلط لاني زي ما وضحت قبل كدا ان دي غلطة متعب في الاول والاخر وغلط من غير اي اسباب مقنعة يبقى دلوقتي يجي يعوض غلطته زي ما بتقولي بانه ياخد مبلغ كويس بتصرفات كمان غير مقنعة وانا هرجع اقول ان الخبر ممكن اوي يطلع غلط بس انا بتكلم عن متعب اللي حولني من واحدة مش بصدق ان الهوا عدى من جنبه لواحدة ممكن تصدق اي خبر عليه

يابيرين يارا سابت الفن علشان متعب رغم انها كان معروض عليها حاجات كتير جدا ومن منتجيين كبار زى مجدى الهوارى غير ان خالد يوسف كان وعدها ببطولته فيلمه الجديد ودا خالد يوسف يعنى معاه هتبقى سوبر ستار وغير انها لما ارتبطت بمتعب مصر كلها عرفتها يعنى مش محتاجه شهره اما بخصوص الموضوع ده فهو ولا عيب ولا حرام ومش عيب الواحد بيكون بيحب الفلوس لان كلنا بنحبها قدام جايه من مصدر حلال بس عيبها الوحيد ان الاعلام هنا مش هيسكت هينتقد متعب جامد لان للاسف الاعلام المصرى مقارنه بالاعلام الاوروبى يعتبر فاشل جدا جدا هناك بيحترموا بعض اوى ومابيغلطوش فى حد حتى لو احتلفوا معاه وتفكيرهم ناضج جدا مش زى هنا دى غير جمهور الزمالك اللى ماهيصدق يشتم متعب من غير سبب والناس التانيه اللى هتبصله فى الفلوس اللى هيكسبها وتعد تقول هو انت ناقص وشتايم مش طبيعيه فيه وخصوصا كمان ان الموضوع جديد علينا كعرب واى حاجه جديده طبيعى انها بتنتقد والناس مش بتتقبلها حتى لو كانت عاديه او كويسه اما موضوع ستاندرليج خلاص غلطه وانتهت وبلاش نبقى قاسيين اوى لاننا كلنا بنغلط وكل بلا استثنا ء عنده غلطات اكتر من كدا بكتير بس انا متاكده مليون فى الميه ان الخبر غلط لانى عارفم متعب كويس بيحب يحتفظ بحياته الشخصيه بس لو عمل ده مش هزعل ابدا بالعكس هكون فرحانه انى بشوف فرحه بس طبعا مش هيسلم من الشتايم عموما بكره تتاكدوا ان الخبر غلط

وفيها ايه ؟

قولهم ياشريف احنا مش عارفه ليه بقى تفكيرنا محدود كدا

انا اصلا متاكد ان الخبر غلط لان متعب زى ماقولتى بيحب يحتفظ بحياته الشخصيه وكتوم
بس لو عمل ده ايه الوحش فيه ما كده كده هينزل فيديو وصور وهيبقى فيه تصوير وكل القنوات هتروح يعنى الفرح هيتعرض هيتعرض ف التلفزيون ومن غير اى مقابل زى ماحصل مع نجوم كتير واولهم حازم امام الكبير بتاع الزمالك
يبقى فيها ايه لما يستفاد من ورا الموضوع ده انا مش شايف فيها اى حاجه خالص

حكايه الافراح دى بالذات مفهاش حياة شخصيه وخصوصا لو ناس مشهورين

الصور هتنزل والفيديوهات هتنزل والقنوات هتعرض

هى الحكايه زى مانتى قولتى ان دة جديد علينا فى مصر ومفيش ناس هتتقبله كتير

لا مش معقول مش طريقة متعب خاااااااااااااالص معتقدتش انه يعمل كدة

واه فعلا فى قناة بتابعها علطول بتعرض افراح اسمها مسايا بس انا عن نفسى ما اتمناش انه يذيع الفرح عماد مش ناقص كلام عليه ولا على مراته كفاية كدة بقى

وانا حاسة ان الخبر اشاعة 100% زى الاخبار اللى قريناها قبل كدة ويا ريت حتى لو صح يا رب عماد مايفكرش فى كدة مش ناقصين كلام ويرجع يقول حياتى ومحدش يدخل وهو عامل كل حاجة علنى اتمنى انه مايفكرش فى حاجة زى كدة من الاساس لو الخبر صح

ميرسى

هو اكيد الخبر غلط بس لو الفكره نفسها مش غلط خالص بس متعب مش هيسلم من الشتايم هو ويارا دا العيب الوحيد

ده لان الاعلام مش بيسيب عماد فى حاله حتى لو حاجة عادية والكلام عليه كتير وده يبقى حفاظا عليه من الاشاعات وكتر الكلام لكن عادى احنا شوفنا افراح لاعيبة كتير احمد فتحى وحسام غالى وميدو وحازم امام ومحمد شوقى وغيرهم كتير وطبعا نفسنا نشوف متعب بس محدش بيسكت ويسيبه فى حاله ومش هيبطلوا تريقة ولا كلام عليه وعلى مراته .....يبقى احسنله مايذيعش الفرح ويريح دماغه لو بيفكر فى كدة

صح يا توته الاعلام وكمان الناس مش سايبينه فى حاله واى حاجه بيعملها بيشتموا على طول حتى لو عمل حاجه كويسه الافضل ان ده مايحصلش بس بجد كان نسى اتفرج على الفرح

ايوه انه القرح مش منطقى مينفعش يستعغل شهرته كده يبقى هو بيستغل حب الناس ليه وطبعا متعب اكبر من كده لكن هو لازم يعرض صور الفرح بتاعه لانه من حق جمهوره الى بيحبه انه يفرح بيه

يا انجى مش عيب انه يستغل شهرته ما كلنا كدا اللى بيستغل ذكائه واللى بيستغل قوته البدنيه كل واحد بيبقى ربنا مديله ميزه ويبقى غباء لو مستغلهاش احنا مش مليكه يابشر بس احنا اصلا بنتجادل على موضوع مش هيحصل خلاص انسوا الموضوع ده نهائى لانه غللللللللللللللط

تقريبا الحياه اشترت الفرح حصرى

بجد يا عمرو عموما بالنسبالى انا فرحانه جدا انى هشوف فرحه ربنا يسعده يارب بس خايفه مايسلمش من شتايم الناس اللى دايما بيشتموه على الفاضى والمليان

انتو ليه مش فاهمني انا مش زعلانة ان الفرح بتعرض والصور تنزل والكل يفرح انا معترضة انه ياخد فلوس على الكلام دا ويبقى عرض واللي يدفع اكتر هو اللي يعرض وبعدين اه بر زي ما قلتو بيعملو كدا كتير اوي ومحدش بيتكلم بس كمان على فكرة برا النجوم اوقات بيمثلو في افلام بورنو يبقى بقى نعمل كدا ونقول ما برا بيعملو كدا ومحدش بيتكلم والاعلام بيحترم دا انا عارفة ان التشبيه مش صح بس مش كل حاجة بتتعمل برا يبقى اسمها عادي انا عن نفسي نفسي اوي اشوف صور وفرح متعب بس مش بالطريقة دي ان اللي يدفع اكتر هو اللي يصور وتوضيح كمان اني انا مش ضد الفن انا بحترم الفن جدا والفنانين جدا جدا جدا وبعشق السينما يعني مش معترضة ان يارا تبقى ممثلة انا نفسي كان حلمي ابقى ممثلة انا معترضة على لقب نجمة لان النجومية دي مش مينفعش تتقال لمجرد انها زوجة نجم كبير لاننا اتفقنا انها معملتش حاجة تستاهل عليها اللقب

وانا حبيت متعب وشجعته واحترمته ودافعت عنه سنين عشان حسيت انه نجم كبير اوي بس مش عايش في دور النجومية ومش بتاع مظاهر بس بالشكل دا الموضوع اختلف لانه كدا بيستغل نجوميته اه مش عيب يستغلها في انه يعمل اعلانات او يطلع في برامج والحاجات دي بتجيب فلوس كتير اوي بس مش انه يعلن السباق على اي قناة فضائية هتعرض فرحه طيب ميزعلش بقى ان الاعلام والصحافة بيدخلو هي مش القناة اللي هتعرض دي داخلة في الاعلام برضه ولا ايه؟ انا مش معترضة بس هضايق اوي بعد كدا لو متعب طلع قال محدش يدخل في حياتي الشخصية