ايمن ابو عايد:سنأخذ موقف رادع و حاسم ضد متعب

تذكير بمساهمة فاتح الموضوع :

انا اتفرجت على برنامج ياسر ايوب النهاردة, بهدل عماد, مدة الحلقة ساعة, فضل ساعة الا ربع كاملة يتكلم عن عماد و يقطع فيه.
فى بداية الحلقة جاب منشيتين من جريدتين المصرى اليوم والى كاتب الخبر محمد الشرقاوى
و الجريدة التانية الدستور و اللى كاتب الخبر بسام ابو بكر طبعا المانشيتات كانت عن التصريح اللى صرح به امبارح عماد للصحفيين اللى هو لو حد اتكلم فى حياتى الشخصية.....
فضل يتكلم عنة و يقطع فية بعد كده جاب على التليفون محمد الشرقاوى و بسام ابو بكر و طلب منهم يأكدو للجمهور ان الخبر صح و انهم سمعوه بنفسهم و كل واحد اقعد يشرح عماد قال اية بالظبط ,و طلب منهم يتضامنو معاه عشان يدافعوا عن الصحافة و الصحفيين ولازم متعب ياخد جزائة لأن اللى عملة ده فعل فادح من وجهة نظرة, و ان الصحفيين معملوووش حاجة تستاهل كل ده, بعد كده جاب على التليفون ايمن ابو عايد رئيي رابطة النقاد الرياضيين
و قاله الموضوع ده مش هيمر مرور الكرام و هيتحاسب حساب عسير, و احنا هنعرف ازاى ناخد معاه موقف و لازم يعرف ان الاعلام هو اللى عمله ولمح انهم مش هينزلو صوره ولا اسمه فى الصحافة. وانتقده انه جاب معاه يارا نعوم و هى ولا خطيبته ولا زوجته بل هى صديقته و دى مش عادات ولا تقاليد المجتمع الشرقى وكمان اتقد النادى الاهلى صاحب القيم والمبادئ انه اتعاقد مع عماد تانى لما لاعب يساوم ناديه و يسيب ناديه يجرى وراه ده يبقى اسمه ايه و كمان قال كان لازم النادى الاهلى ياخد نفس الموقف اللى اخده مع الحضرى و ابراهيم سعيد (والله العظيم حرام عليك). و بعد كده ياسر ايوب قاله انا اول واحد متضامن معاك فى كل اللى بتقولة و لازم نرجع هيبة الصحافة تانى


يا جماعة انا كان هاين علية اعيط وانا بتفرج على الحلقة, يمكن كان عندى احساس ان ده هيحصل من امبارح بعد ما شفت التصريح بتاع عماد
انتو ايه رايكو فى الكلام ده, انا بجد ابتديت اخاف على عماد اووووووووووى اووووووى
تفتكرو المرحلة دى هتعدى على خيرررر ان شاء الله ؟؟
ليه يا متعب تحط نفسك فى المشاكل اللى ملهاش اول من اخر دى, ليه يا عماد كده ليه تسبنا نموووت من الخوف عليك ؟؟؟
;

كان ايه لازمتها تاخدها معاك الاستاد يا عماد و انت لسه مأعلنتش خطوبتك عليها,؟؟؟؟؟
هى ده الغلطة اللى انت غلطها وادينا شايفين عواقبها اهو

هبة انتي واخدة موقف مني ليه انا مقلتش اي حاجة غلط انا بقلك الصحافة اتكلمت كلام ميصحش ومينقعش يتكتب على ورق للناس تقراه واتكلمت في شرف هل دا صح؟ دا اللي انا بقوله انا مش بدافع عن متعب انا بقلك ان والله مش حاطة متعب قدامي انا بتكلم لو اي حد مكانه هعمل كدا وانا لو شايفة متعب ملاك يا جوليت مكنتش دافعت عنه بالعكس كنت زعلت منه انا شايفاه بشر وعشان كدا ممكن يغلط وقلت قبل كدا الغلط غير الخظيئة لان الغلط ممكن نسامح فيه وكلنا بنغلط ومن كان ممكن بلا خطئية فليرمه بحجر وياريت محدش يزعل مني انا مش حابة اني اتكلم عن اي حد بطريقة مش كويسة حتى كمان لو مش بحبه وعن نفسي متعب منزلش من نظري ولا اي حاجة وربنا يهديه ويهديها ويهدينا كلنا وياريت ندعيله في الوقت دا احسن بكتير اوي من الكلام وياريت كمان مرة محدش يضايق ويا هبة ادي رضوى اللي كانت بتهاجم دلوقتي حتى بتدافع وكلنا وقتها ردينا عليها وكنا ضدها بس محدش زعل من التاني مع اننا ردينا عليها ردود قاسية وانا كنت بتناقش معاكي عادي جدا احنا مش ملايكة احنا بشر كلنا زي بعض ومن سلالة واحدة وربنا في الاخر هو اللي هيحاسبنا وربنا كمان كاتب مين هيتجوز مين من قبل ما يتولد فربنا يعمل اللي فيه الخير ويقدمه

وجوليت انتي عارفة انا بحبك اد ايه مع ان رأينا مختلف بس انا بحب طريقتك واسلوبك حتى لو ضدي والله انا مش بدافع وخلاص انا بقول اللي انا شايفاه وان هما غلطو فيه شهور وشهور وهو خرج عن شعوره في كلمة ولو هي هيتحاسب يبقى الكل بقى يتحاسب

وانا كمان معاكى يا سوكا انتى وهبة للاسف احنا مش بنتقبل الحقيقة مش عارفة لية هو اللى يقول راية بصراحة يبقى اجرم ولا اللى يقول الحق يبقى اجرم
وعلى فكرة يا سوكا انا ابتديت اخاف علية زيك بالظبط
وانتى عندك حق فى معظم كلامك يا هبة
وانتى يا جوجو انتى بتبصلى لنص الكوباية المليان بصى للنص التانى يا جوجو
شوفى الحلو والوحش
لكن انتى يا جوجو من غير زعل مش عايزة تشوفى غير الحلو
ومش عايزة تصدقى الوحش واللى بيحب حد بيقبلة بالحلو والوحش اللى فية لكن مش هنغمى عنينا ونرجع بعد ما اللى خايفين منة يحصل ننصح انتى يا جوجو لية بتعتبرى ان اللى ينتقد يارا فى لبسها الغلط انة بيتهما فى شرفها
انا والله الذى تهتز لة سبع سموات مش بتهمها فى شرفها
انا مش عاجبنى لبسها خاااااااااااااااااالص مش دا البنت المسلة على حق البنت اللى بتحب ربها بترضية مش بتغضبة
زى يارا لبس يارا دى بيغضب ربنا وسكوت متعب عليها من غير نصيحة بردو بيغضب ربنا
تصدقوا بقى انى كمان بغضب ربنا لما بجيب سرتها بس اعمل اية بجد انا تعبت انا عايزاة بجد ربنا يهديها وتتحشم

طيب انا لما كنت بهاجم متعب كنتو بتتقلبو عليا وتزعلو منى طب افتردنا ان عماد غلطان ماشى هل مش هتقفى جنبه مش هدفعى عنه انتى قبلتى انك تحبى عماد يبقى لازم تكونى جنبه فى الوقت ده والله ده وقتنا مينفعش عماد يشوف الكلم ده وعلى فكره عماد بيشوف كل كلمه احنا بنكتبها يبقى مينفعش ان احنا نقول كده احنا اكتر ناش المفروض نكون وقفين معاه وجنبه والكلام للجميع

يا جوجو انا كمان بحبك يا جميل بجد بس انا شايفة انك مش بطلعى متعب غلطان خالص حتى لو الصحافة رخمة يرد لية ؟ هو اى حد هيشتمنا هنرد علية
وبعدين زى ما قولت الصحفيين مهما كانوا مش زى متعب هما لما يشتموا مش حد هيهتم لكن ينفع متعب يقول لفظ جزمة انتى عمرك سمعتية بيقول كدة خالص
افرض طفل صغير سمعة مش هيقلدة
انا مش فاهمة لية متعب عاد بيعمل كدة اية اللى جرالة مش كان كدة خالص من يوم ما عرف يارا وهو كلامة بقى مش كويس
وبعدين نرجع نفلة عندك حق طب النهردة بيقول جزمة واحنا بنقولة عندك حق اصلهم رخما لكن بعد كدة هيتمادى
لازم نقولة استوب ولو مش عاجبك كلام الصحافة مش ترد وبعدين متعب لما سالوة انت عملت الحوار مع صحف بلجيكية لية قال عشان الصحافة المصرية مش بتقول الحق وهو يعنى صحف بلجيكا اللى طاهرة طب ماهم قالو عنك لص واول ناس قالوا ان متعب رجع مصر عشان يارا كانت الصحف البلجيكية
ومتعب مش خص ناس لا دة عمم الكلام على كل الصحافة ودة غلط فى بردو ناس عندهم زمة

بصي انا مش بقول انه مغلطش انا قلت انه غلطان لان التعبير دا خانه جدا وكان ممكن لو اتكلم بطريقة احسن يكسب كمان تعاطف الناس هو طبعا غلط بس انا بقول انهم قالو كلام اصعب بكتير فقبل ما يحاسبوه يشوفو الاول اتقال ايه واتكتب ايه هو اصلا عصبي ومتوتر ةقلقان جدا من الفترة دي لانها بجد فترة صعبة وكان المفروض يمسك اعصابه وانا قلت اكتر حاجة بتمناها في لقاء بكرة نه يمسك اعصابه هو طبعا غلطان مقلتش حاجة بس هما برضه اللي قالوه مش شوية

طيب انا لما كنت بهاجم متعب كنتو بتتقلبو عليا وتزعلو منى طب افتردنا ان عماد غلطان ماشى هل مش هتقفى جنبه مش هدفعى عنه انتى قبلتى انك تحبى عماد يبقى لازم تكونى جنبه فى الوقت ده والله ده وقتنا مينفعش عماد يشوف الكلم ده وعلى فكره عماد بيشوف كل كلمه احنا بنكتبها يبقى مينفعش ان احنا نقول كده احنا اكتر ناش المفروض نكون وقفين معاه وجنبه والكلام للجميع

يا رضوى احنا كلامنا لا بيوصلة ولا حاجة احنا تعابين نفسنا ع الفاضى والله انا بفكر الغى عضويتى من المنتدى لانى بجد تعبت
واحنا يا جماعة مؤمنين باللة ومؤمنين بالقدر والنصيب
فهى نصيبة وانا كل لما ابطل كلام عن يارا دى انتوا اللى بتفتحوا الموضوع دة
انا عن نفسى مش رضيت اشترك فى الرد ع الفيس بوك لان الكلام اللى علية قذر
انا بحب اتناقش معاكوا هنا بس بجد انا تعبت انا من يوم ماتش الشبيبة وانا فى القصة دى
بصوا بقى دى هتبقى مراتة يعنى مسئولة منة وهو لو عاجبة طريقتها وحياتها خلاص احنا ما ندخلش
بس ياريت يراعى ان فى اطفال ومراهقين كتير بتشوفة
طب والله انا عندى درس فيزياء الساعة عشرة ولسة مش ذاكرت
ولا عملت الواجب
يا جماعة انا هضيع والله
كلة الا مستقبلى بقى
بلاش يا جماعى تفتحوا المواضيع دى تانى وكل واحد يشوف مصلحتة احسن
لاحسن انا بجد ايدى اللى عايزة تتقطع دى ومسحوبة منى دى مش بتبطل رد ع المواضيع
انا مش عارفة اعمل اية
الغى العضوية بتاعتى ولا اية بس
طب انا ساعات والله بتمنى انى افقد الذاكرة عشان انسى كل اللى بيحصل دة
يا جماعة انا بجد مضايقة

لا طبعا متلغيش العضوية بس برضه ركزي في مذاكرتك اهم من اي حاااااااااااااااااااااااجة وذاكري كويس جدا ودا نصيب بجد لو حطيتي في دماغك كدا هترتاحي بس اوعي تلغي العضوية منقدرش يعني عبى بعدك

بوصوا يا جماعة من الاخر كدة احنا جنب متعب ع طووووووووووووووووووووووووووووووووووووووووووووووووووووووول ومش هنسيبة ومش هيفرق معانااا حااااااااااااااااااااااااااااجة وبنحبك يا متعب

جوليت من فضلك اهدى خلاص يا جوجو متزعليش يا هبه احنا بنتناقش بس الحمدلله ان احنا فى الاخر مقتنعين تماما ان احنا بنحب عماد ودى اكتر حاجه مبسوطه منها رغم كل اللى حصل من فضلكوم اهدو المفروض نتكاتف دلوقتى ونقف قدام اى حد بيهاجم متعب واللى احنا مقتنعين منه ان احنا بنحب عماد بيارا ولا ون غرها عماد رقم واحد عندنا كلنا


والله تعبتونى انا لسه جيا من السفر امبارح كنت بتلع من المود اللى انا فيه ده مكملتش يوم ودخلنا فى موال تانى شكلى كده هارجه تانى لحد ما المشكله دى تخلص على خير

اه احسن حاجة عملتيها انك سافرتي انا والله بجد تعبت برضه اوي من الموضوع دا انا اصلا كنت بتكلم عن الصحافة مش يارا خااااااااااااااالص

عماد عنده حق بس يهدى شويه وبلاش عصبية عشان محدش يفهمة غلط

والله يا جماعه يا بخت عماد بينا اللى مسهرنا وهو نايم ولا على باله اى حاجه يا جوليت يا حبيبة قلبى اوعى تقولى كده تانى انتى من اهم ناس معنا فى المنتدى انتى وانا وجوليت وجوجو وكووووووووووووووول اللى بيحبو متعب ركزى ولا اقولك ماتيجى تسفري معايا ونتلعمن المود ده يومين

خلاص يا جماعة انا من النهاردة قررت انى مش هافتح موضوع يارا ده تانى

ونخلينا ف عماد حبيبنا ولا ايه؟؟؟؟؟؟

ويا نورهان اهدى بس وماتلغيش عضويتك ولا حاجة وربنا معاكى فى مستقبلك يارب

وانا عن نفسى اى حد تانى يكتب موضوع عن يارا دى انا مش هارد ونتفق يا جماعة اننا مش نرد بقى الا فى حاله واحدة ان عماد خطبها والحمد لله

ونخلص بقى وادينا شوفنا عماد قد ايه زهقان من الموضوع ده والله عنده حق ميه ف الميه

ويارب يوفقه ويسعده والى فيع الخير هايقدمه ربنا

لو يارا دى خير هانشوف ولو مش خير برده هانشوف

احنا ورانا ايه ادينا مستنين عماد هايقول ايه النهارده وهانعرف انه زهقان من الموضوع ده يا عينى

ولى فكرة انا لح دلوقتى ض ارتباط متعب بيارا

بس هانقول ايه كلامنا مش هايودى ولا هايجيب ومالهوش لزمة

وزى ماقلت الى فيه الخير هايقدمه ربنا لان الحاجات دى قسمة ونصيب

متفقه معاكى يا هبه
هو عماد جى الساعه كام بكره

خلاص يا جماعة انا مش هلغى عضويتى على راى هند احنا مش عدنا نعلق على حياة متعب الشخصية وانا موافقة يار ضوى انى اسافر معاكى اهو ع الاقل اخلص من مسالة الفيزياء دى اللى مجننانى
بس بجد انا سعيدة انكم بتحبونى كدة وانا كمان بجد بحبوكوا وعشانكوا انا مش هلغى العضوية بس خلصنى يارب من مسالة الفيزياء دى
ادينى بحل الواجب وبدردش معاكوا
بس انا مبسوطة اوى انى عندى صحاب جمال زيكوا
اهو طلعنا من مشكلة متعب دى بصحبة حلوة

البرنامج الساعة 10 يا رضوى اظن ان مفيش مخلوق هيكون فى المنتدى بكرة الساعة 10

البرنامج الساعة 10 يارضوى على قناة الاهلى

ياجوليت ماتقوليش كده احنا اخوات وااصحاب والمفروض ان احنا منزعلش من بعض
وربنا معاكى فى فى مدة الفيزياء بجد ربنا معاكى يا قمر

واعملى حسابك هاتيجى معايا الغردقه بعد35يوم بجد يا جوليت انا كنت مخنوقه اوى اوى بس الحمدلله رحت الغردقه 3 ايام قولت اعمل اي حاجه جديده وبجد انبسط اوى اوى بس لازم تكونى معيا المره الجيه متخفيش انا عزماكى قولت ايه

بصى ياهبة انا مش هرد عليكى لان فى الحالات اللى زى دى الكلام مبيبقاش له فايدة عايزة ااقولك حاجة واحدة طالما متعب اقل من نظرك يبقى مفيش داعى تبقى فى المنتدى بتاعه لان ببساطة انتى متعب عندك حاجة عادية لكن احنا لا ومش هنسمح ان حد يغلط فيه فى منتداه وحاجة كمان ياريت لما تحبى تقولى رايك فى حد تتجتنبى ان تجرحى فى اخلاقه لان ده مش من الاسلام ولان مش انتى ولا احنا اللى هنحاسب الناس "دعى الخلق للخالق"

ماشى يا رضوى انا جاية معاكى اهو نغير جو
وعلى فكرة يا ريبورتى هبة عندها حق فى كلامها وهى بتتكلم كدة عشان بتحب متعب زينا بس اللى مخليها تتكلم بالطريقة دى انها عصبية شوية وزعلانة على متعب انما احنا مش هنحجر على رايها
ودة رايك يا ريبورتى ودة رايها وعلى فكرة انا مش احب ان اى عضو يسيب المنتدى لان بجد فى ناس كتير جمال هنا فى المنتدى خسارة انك تقوليلها سيبى المنتدى وتسيب الناس الحلوة دى بما فيهم انتى يا ريبورتى
معلش يا ريبورتى لازم نستحمل بعض انا كنت زيها كدة فى وقت من الاوقات فلو الموضوع بتاع يارا دى هيخسرنا بعضنا فبلاش منها هى يارا دى هتبوظلنا الدنيا من كل حتة ولا اية

[color:5bef=yellow][b]هما كدة مايصدقوا يلاقوا زيطة عشان يزيطوا
خليهم برده حارقين فى دمهم عشان هو مبيعبرهمش
عشان كدة بيكرهوه[/b][/color]

ربنا يهديك ويهدي الصحفيين عليك

امين امين

اجتماع طارئ بكرة او بعد بكرة للنظر فى قضية عماد متعب......
ده اللى قاله ايمن ابو عايد رئيس الرابطة , بس نسيت اكتبه