ايمن ابو عايد:سنأخذ موقف رادع و حاسم ضد متعب

تذكير بمساهمة فاتح الموضوع :

انا اتفرجت على برنامج ياسر ايوب النهاردة, بهدل عماد, مدة الحلقة ساعة, فضل ساعة الا ربع كاملة يتكلم عن عماد و يقطع فيه.
فى بداية الحلقة جاب منشيتين من جريدتين المصرى اليوم والى كاتب الخبر محمد الشرقاوى
و الجريدة التانية الدستور و اللى كاتب الخبر بسام ابو بكر طبعا المانشيتات كانت عن التصريح اللى صرح به امبارح عماد للصحفيين اللى هو لو حد اتكلم فى حياتى الشخصية.....
فضل يتكلم عنة و يقطع فية بعد كده جاب على التليفون محمد الشرقاوى و بسام ابو بكر و طلب منهم يأكدو للجمهور ان الخبر صح و انهم سمعوه بنفسهم و كل واحد اقعد يشرح عماد قال اية بالظبط ,و طلب منهم يتضامنو معاه عشان يدافعوا عن الصحافة و الصحفيين ولازم متعب ياخد جزائة لأن اللى عملة ده فعل فادح من وجهة نظرة, و ان الصحفيين معملوووش حاجة تستاهل كل ده, بعد كده جاب على التليفون ايمن ابو عايد رئيي رابطة النقاد الرياضيين
و قاله الموضوع ده مش هيمر مرور الكرام و هيتحاسب حساب عسير, و احنا هنعرف ازاى ناخد معاه موقف و لازم يعرف ان الاعلام هو اللى عمله ولمح انهم مش هينزلو صوره ولا اسمه فى الصحافة. وانتقده انه جاب معاه يارا نعوم و هى ولا خطيبته ولا زوجته بل هى صديقته و دى مش عادات ولا تقاليد المجتمع الشرقى وكمان اتقد النادى الاهلى صاحب القيم والمبادئ انه اتعاقد مع عماد تانى لما لاعب يساوم ناديه و يسيب ناديه يجرى وراه ده يبقى اسمه ايه و كمان قال كان لازم النادى الاهلى ياخد نفس الموقف اللى اخده مع الحضرى و ابراهيم سعيد (والله العظيم حرام عليك). و بعد كده ياسر ايوب قاله انا اول واحد متضامن معاك فى كل اللى بتقولة و لازم نرجع هيبة الصحافة تانى


يا جماعة انا كان هاين علية اعيط وانا بتفرج على الحلقة, يمكن كان عندى احساس ان ده هيحصل من امبارح بعد ما شفت التصريح بتاع عماد
انتو ايه رايكو فى الكلام ده, انا بجد ابتديت اخاف على عماد اووووووووووى اووووووى
تفتكرو المرحلة دى هتعدى على خيرررر ان شاء الله ؟؟
ليه يا متعب تحط نفسك فى المشاكل اللى ملهاش اول من اخر دى, ليه يا عماد كده ليه تسبنا نموووت من الخوف عليك ؟؟؟
;

كان ايه لازمتها تاخدها معاك الاستاد يا عماد و انت لسه مأعلنتش خطوبتك عليها,؟؟؟؟؟
هى ده الغلطة اللى انت غلطها وادينا شايفين عواقبها اهو

اجتماع طارئ بكرة او بعد بكرة للنظر فى قضية عماد متعب......
ده اللى قاله ايمن ابو عايد رئيس الرابطة , بس نسيت اكتبه

خلينا كلنا نتفق على حاجات معينة
ان متعب فعلا غلطان وغلطان اوووووى اوى كمان, عماد غلط فى حاجات كتير الفترة اللى فاتت من غيير ما اخش فى اى تفاصيل لاننا كلنا رددناها بدل المرة مليون,

عماد متعب بشر و كل انسان فينا بيغلط, من كان منكم بلا خطيئة فلييرمه بحجر
وبلاش نقعد نقارنة بابو تريكة ...او اى حد لأن كل واحد له الظروف اللى نشأ فيها
ابو تريكة لقى الاب اللى يساعده و يقف جنبه و يعلمه الصح من الغلط من و هو صغير
عكس متعب اللى لقى نفسة عنده 13 سنة عايش فى القاهرة لوحده بدون اب او ام او اخوات .....
لازم كلنا نقف جنبة لحد ما المحنة دى تعدى على خير ....
ربنا يهديك يا عمده

كلامك صح يا سوكا كلنا بنغلط بس غلط عن غلط يفرق فى غلط بنعترف فية ان احنا غلطانين
لكن فى نوع تانى من الغلط بنعملة وبنلقى اللى بينصحنا وللاسف اللى موجهة لة النصيحة مش بيهتم
يبقى الانسان اللى اتنصح ومش بيعمل بالنصيحة يتحمل نتيجة غلطة بقى يا سوكة
يارب تكونى فهمتى انا اقصد اية

يا جماعة والله كلنا بنحب متعب والى بيحب مابيكهرش

بس احنا كلنا منفعلين زى ما نور قالت لان الموضوع جه ودخل علينا كده مرة واحدة فا الموضوع مش سهل خالص علينا انا فى الاول قعد كام يوم ما بدخلش المنتدى من صدمتى

بس بعد كده فكرت قلت خلاص ماليش دعوة بحياته تانى عشان بيتضايق

وبرده هاكرر كلامى الى فيه الخير هايقدمه ربنا وهانشووووووووووووووووف

[quote:4568="جوليت"]كلامك صح يا سوكا كلنا بنغلط بس غلط عن غلط يفرق فى غلط بنعترف فية ان احنا غلطانين
لكن فى نوع تانى من الغلط بنعملة وبنلقى اللى بينصحنا وللاسف اللى موجهة لة النصيحة مش بيهتم
يبقى الانسان اللى اتنصح ومش بيعمل بالنصيحة يتحمل نتيجة غلطة بقى يا سوكة
يارب تكونى فهمتى انا اقصد اية[/quote]


عماد فى جميع الاحوال هو اللى هيتحمل نتيجة غلطه
مين قالك ان عماد مش عايز يعمل بالنصيحة هو نفسه ياخد بيها بس مش قادر لانه
واضح انه بيحبها اووى و اللى مجرب الاحساس ده هو اللى هيحس بعماد مش برده بيقولو مراية الحب عامية, فى الوقت ده العقل بيكون واقف عن التفكير تماما , مبيفكرش غير بقلبه و بس,عشان كده بيكون تفكيره غلط مبنى على العاطفة فقط لا غير. بييكون حاسس ان كل اللى حواليه هما اللى غلط و هو الوحيد اللى صح .
انتو فاكرين انه مش بياخد بنصيحتكم, لأ ممكن ياخد بيها قدام لان اكيد هيجى الوقت المناسب اللى متعب هيفكر بيه بعقله .
و عشان كده اللى انتو ممكن تعملوه انكم تدعولوه بس بالهداية

دة التحليل النفسى من وجهة نظرى الشخصية يا جولييت
ممكن تقتنعى او ما تقتنعيش بيه.

مهو الله اعلم بقى هياخد بالنصيحة دى امتى يمكن ياخد بيهل لما يتجوزها ويخلفولهم طفل ولا حاجة عشان كدة انا بقول كل واحد هيتحمل نتيجة غلطة وانا معاكى فى تحليلك الشخصى اكيد هو بيحبها فبيبص للحو اللى فيها ومش واخد بالة من الوحش بس يا عالم هياخد بالنصيحة دى امتى

وحتى لو عماد غلط ممكن متقفيش جنب عماد فى يوم من الايام هنعمل زي الناس التانين مينفعش ياجماعه احنا هنا محبى عماد متعب يبقى لازم كلنا نقف ونتكاتف قدام اى حد يهاجم عماد وانا عارفه ان عماد غلطان بس مينفعش نعمل كده انتو شكلكو زهقتو من كتر مابدفهو عن عماد بس انا عمرى ما هزهق وهقف جنب عماد لحد اخر يوم فى عمري وبنحبك يا عماد بيارا ولا من غيرها

لا طبعا احنا معاه للاخر

لما نشوف اخرتك يا عماد هتكون ايه؟؟؟؟؟؟؟؟

وحتى لو عماد غلط ممكن متقفيش جنب عماد فى يوم من الايام هنعمل زي الناس التانين مينفعش ياجماعه احنا هنا محبى عماد متعب يبقى لازم كلنا نقف ونتكاتف قدام اى حد يهاجم عماد وانا عارفه ان عماد غلطان بس مينفعش نعمل كده انتو شكلكو زهقتو من كتر مابدفهو عن عماد بس انا عمرى ما هزهق وهقف جنب عماد لحد اخر يوم فى عمري وبنحبك يا عماد بيارا ولا من غيرها

على العموم متعب برده غلط ف اللفظ اللي قاله ده لان دول صحفيين وليهم احترامهم برده ومش الصحفيين اي مهنة ليها احترامها ومكنش ينفعع عماد يقول كده لان طول عمره محترم ومبيغلطش ف حد وطبعا حضراتكم شايفين وش الانسة يارا حلو عليه ازاي بيخرج من مشكلة يدخل ف التانية ربنا يهديك ياعماد

ع فكرة ياانسة ياريبورتى
انا كنت مش هاعلق تانى ع الموضوع ده بس انتى اللى خلتينى اعلق

واقولك ع حاجة كمان
انا مش هالغى نفسى من المنتدى ده
وانا هنا عشان بحبه
والا كده مكنتش ضيعت وقتى وارد على الناس اللى بتتكلم وبتدافع عنه وخلاص زيك كده
انتو دايما عايزين انكو تحبه عماد وخلاص وعشان بحبه يبقى ماشفش اى حاجة غلط؟
ده اسمه ايه؟؟
يعنى ايه يغلط وندافع عنه
ان كان هو راضى بالغلط احنا منرضاش
ده حتى الاب لما يلاقى ابنه غلطان وهو اكتر حد فى الدنيا بيحبه بيعاقبه
وممكن كمان قدام الناس
يعنى لازم اه نقف جنبه لكن اللى فى صالحه
مش نطبطب وبس
ونقول ده احنا هانفضل معااك يامتعب علطول مهما قال العزول
طب انتى كنتى عملتى ايه عشان تساعديه؟
شوية الكلام اللى بتكتبيهم فى المنتدى وخلاص؟؟؟

ياجماعة فيه ناس بتتكلم وخلاص والله
وبتقول احنا بنحب عماد
بنحب عماد
بنحب عماد
وهما مايعرفوش اصلا لما الواحد يحب حد لازم يعمل ايه عشان يساعده
وهو ده اللى انا بقصده
مش اكتر
نفسى وقت اما يكون ناجح وكويس نقف جنبه نساعده اكتر
ولما يغلط لا نزعل ونقوله لا

وانتى بتقولى نسيب ايه للناس اللى بتكرهه
سبحان الله يعنى
يعنى يغلط ونسامحه
يقول للناس اللى اكبر منه
هاحط الجزمة فى بقه
ونسقفله؟؟؟

وبعدين موضوع يارا
لما انتى بتقولى ال الاسلام مابيقلش كده
يعنى الاسلام بيقول
اللى هى تطلع قدام الناس باللبس ده؟؟
انها حتى تخرج مع واحد اجنبى عنها من غير مايكون جوزها؟
لو انى ده بقى الطبيعى فى مصر!
المهم
تتصور مع كل الدنيا ويحطوا ايديهم عليها
ونفس الحكاية عماد بيحط ايده عليها؟
وكمان ده كان فى رمضان الشهر المفترج اللى بنستناه من سنة لسنة؟
الاسلام بقى هو اللى بيقول كده
وجيتى على انى اتكلمت على اللبسس بس؟؟؟

ملحوظة
مش انتى اللى تقوليلى مافيش فايدة انك تدخلى المنتدى
لان المنتدى ده مسموح لاى حد يدخله
واللى بيحبه عماد
وعارفين مصلحته كويس جدا
غير الناس اللى بتكتب كلام وخلاص

لا ياجوجو مش واخدة منك موقف
بس كان نفسى تفهمونى الصح مش الغلطانا مبغلطش فى ولا اقدر اغلط فى حد
لانى مش هاخد منهم حاجة

انا كنت بناقشك فى الموضوع بس
وكان نفسى كلنا نتكلم للى فى صالحه
مش اللى هايفيدو ولا هاينفعوا

لكن انتى ياجوليت من الناس ال قليلة اللى فهمت وجهة نظرى
ونفسى كل اللى بيحبوه يكونو وجهة نظرهم زيك
وبتمنى كده والله
مش اللى بيقوله انا هافضل احبك ياحبيب قلبى مهما حاجة حصلت
هانفضل معااااك علطول!
طب انتى معاه علطول ..عملتيله ايه؟؟
وقفتى جنبه ازاى

محدش يقدر يقف جنبه عشان محدش يعرفه
لكن لازم نقف عند الغلط لعله يقراه
ويعرف ان جمهوره اللى بيحبه زعلان منه مش اكتر
بس ده اللى اقصده
وميرسى لردودكوا حتى ان فيه ناس زعلتنى كتير

ابو عايد زملكاوى ومحمد الشرقاوى زملكاوى واشمعنا الاتنين دووول بس الى الموضوع حارقهم اوى كده

الموضوع بوخد اوى

متعب هياخد حق بعد كده بالقانون وسيبكو بقى من الناس دى خليهم كده محروقين ......عايزين يعملوا مشاكل وخلاص

واحسن حاجة انه مرضاش يعمل مصالحة ما بينهم

[quote:9488="the moon light"]ابو عايد زملكاوى ومحمد الشرقاوى زملكاوى واشمعنا الاتنين دووول بس الى الموضوع حارقهم اوى كده

[/quote]


انا كده اتاكدت ان ابو عايد زملكاوى منا بقول غريبه الغندور قبل كده استضافه يجى ساعه وشغله اغانى كمان وشويه كان هيجبله تورته