وافينا بوعدنا + علم سناره + فتح حساب فى البنك + هديه من المنتدى لمتعب + حوار خاص مع العمده لمنتدانا

السلام عليكم ورحمه الله وبركاته

اولا كده مبروك لكل اهلاويه رجعنا لمكانا الطبيعى وركبنا المركز الاول ومش هننزل من عليه خلاص
وعقبال ماتش سيسى وبعديه زيزى وبكده نكون خلصنا الدورى ان شاء الله
ثانيا مبروووووووووووووك عوده العمده واحرازه هدف الفوز حاجه جامده بجد


اولا : بصراحه بقى ياجماعه وخدوها كلمه منى متعب رقم واحد فى الاهلى ايوه رقم واحد فى الاهلى كنت بقولها كتير
بس كنت بتمنى انه يكون كده فعلا وكنت بقول "هيكون" مش بقى رقم واحد بجد متعب رقم واحد فى الاهلى بالنسبه للجمهور مش عشان جاب الجون لا وعشان لعب حلو لا والله بس عارفين الحاجه اللى تاكد كلامى

ان اصلا ياجماعه انا كنت فى الاستاد انا واسامه وجمهور الاهلى عمل الداخله زى ماانتو شفتو وكانت صعبه موت بجد
والله انا اول مره اشوف الداخله بتتعمل من اولها وفعلا صعبه يعنى الناس دى بتعمل مجهود جبار غير ان صوتنا بيروح فى الماتش المهم ان التراس اهلاوى والتراس ديفلز كانو مشغولين بعمل الداخله ولحد اخر نص ساعه كانو لسه بيعملو فيها لان المدرج كان زحمه اوى المهم والله ياجماعه اللاعيبه كانت نازله تسخن والناس لسه بتعمل فى الداخله
اول مانزلو الملعب والكل كان ساكت قالو كلمتين فى صوت واحد واكتر من 20 الف ولا حاجه او عدد قريب من ده " تعالا يامتعب " بس والله العظيم بصوت عالى جدا ومتواصل يعنى عارفين الملعب حسيت انه بيتهز زى مابنقول اغنيه من تالته شمال وتحس ان المدرج بيتهز اهو الهتاف كان لمتعب كده والله مش بجامل ده اللى حصل
وبعد كده رجعو نادو على شويه من اللاعيبه ومش الكل اللى هتف كمان لانهم كملوا عمل الدخله نادو للعمده ورجعو تانى للداخله وده يدل ان متعب بقى رقم واحد لانهم مش ندو جمعه ولا بركات ولا فتحى قبله


ثانيا :احنا كنا وعدناكم اسامه وانا اننا نروح ماتش الاهلى وانبى انهارده ونعمل بوستر لمتعب ونحثه انه يرجع بقوه للماتش
ويحس ان جمهوره بيسانده وواقف جمبه ومش هياثر فينا اى كلام يتقال على العمده والحمد لله روحنا والحمد لله اسامه
بشكره عمل 3 بوسترات واحد كان عليه اسمه المنتدى وواحد صوره ليه
والتالت هو اللى ظهر على الشاشه بعد الجون وده كان قديم بس الحمد لله انه ظهر والاحلى من كده ان لينك المنتدى بتاعنا [ندعوك للتسجيل في المنتدى أو التعريف بنفسك لمعاينة هذا الرابط] كان منور الشاشه واظن كلكم شوفتوه ودى حاجه الحمد لله قدرنا نعملها واحنا ورا العمده مهما حصل


ثالثا : احنا بنعمل كل حاجه جديده للمنتدى ولمتعب وهنفضل وراه وعلى فكره ياجماعه انا واسامه بااذن الله هنروح النادى الاهلى يوم 30 الشهر ده وهنروح لمتعب التمرين وهنتفق معاه بااذن الله اننا نعمل معاه حوار حصرى للمنتدى وهنبعتله كل الاسئله اللى هتسئلوها لمتعب وهنجيب ردها بس ده طبعا بعد موافقه متعب احنا هنروح اول مره نسلم عليه ونتكلم معاه شويه وبعد كده نستاذن منه على الحوار ويارب يرضى وهو اللى هيحدد الوقت اللى نعمل فيه الحوار معاه عشان نسئله كل اللاسئله اللى فى نفسنا قولوا يارب يوافق



رابعا : تانى مره لما نروح لمتعب نعمل معاه الحوار بااذن الله اذا رضى يعمل حوار معانا فيكون معانا هديه ثمينه لمتعب
وهى هتكون ساعه دهب او كده ودى طبعا مكلفه يعنى فى حدود 1000 جنيه او اكتر من كده
واحنا هنكون اتنين بس اللى هنروح لمتعب انا واسامه وصعب جدا اننا نجيب الهديه لوحدنا وانتو لازم تساعدو لان الهديه مش هتتقدم بااسمى اى حد فينا هتتقدم بااسم المنتدى ككل فلاززم تساعدو ياجماعه واحنا فى اقرب وقت هنفتح حساب فى البنك وهنقولكم عليه ان شاء الله واللى هيقدر يساعد يبقى يحط اللى يقدر عليه فى الحساب ده الكلام مش للى فى القاهره بس لا للى فى جميع المحافظات بس بليز يعنى اللى يدفع مش يدفع 2 جنيه او خمسه يعنى يكون مبلغ كويس والله لو المبلغ وصل ل 500 اتفقنا انا واسامه هنتكفل بال 500 التانين اوكى ياجماعه وان شاء الله اول ماالحساب نفتحه هنقولكم عليه بااذن الله


خامسا : احنا ان شاء الله هنعمل علم سناره كبير عليه صوره متعب وهنروح بيه المدرجات وده مش مكلف اوى يعنى ب 400 او 500 فانا واسامه هنعمله ان شاء الله بس محتاجين وقت عشان اسامه عنده امتحانات وفى ماتشات جايه كتير فاالواحد هيكون مشغول بحاجات تانيه وكمان اكيد مع علم السناره يافتات زى الى ظهرت انهارده فى الملعب
وهتكون جديده غير اللى عملناها دى


سادسا : بخصوص الداخله اسامه اتكلم مع الالتراس على موضوع الداخله هما مش وافقو على موضوع الداخله
لان هما مش بيعملو دخلات للاعيبه هما داخلتهم للنادى ومجد النادى وبس بس هما وافقو على علم السناره


وان شاء الله اول ماناخد راى متعب فى موضوع الحوار هنيجى نجيب الرد
ويارب يوافق يعمل معانا حوار عشان اعوره هههههههه احم قصدى عشان يرد على كل اسئلتنا

وياجماعه ارجوكم مش تنسو رجاء محتاجين مساعده عشان هديه متعب واحنا هنجيب لكم الحساب اللى هنفتحه قريب ان شاء الله


سلام ويارب نكون اسعدناكم لما شوفتو البوستر بتاع متعب
وياريت اللى هيقدر يساعد فى موضوع الهديه
يرد ويقول واححنا هنقوله وهنتكلم معاه ونشوف الموضوع معاه اوك


سلام

بجد عملتوا حاجة حلوة اوى النهارده
لما شفت للينك فرحت اوى بجد

وان شاء الله على حكايه انكوا تروحوا النادى دى يارب متعب يوافق طبعا هاتبقى حاجة روعه انو يكلم المنتدى

اه صح ياجماعه على فكره مش انا ولا اسامه اللى كنا ماسكين اليافته ساعه الهدف
احنا علقناها فوق ونزلنا تانى فى التالته شمال مع الالتراس عشان فى ناس سئلتنى السؤال ده كتير D:

ميرسى اوى كانت حاجة حلوة فعلا
مبرووك يا عمدة عودة حميدة

بجد الله عليكوا
ومجهودكوا فعلا واضخ
وانا كنت مبسوطة لما شفت اسم المنتدى
ومبروك للعمدة ويارب دايما فى تالق

هههههههههه
جميل قوى الشكر ده و مرسى جدا ليكم يا جماعه بس ولا واحد قال انو معانا و هيسعدنا فى موضوع الهديه و يا جماعة توضيح اى حد يحب يجى معان و احنا بنقابل متعب ممكن يجية طبعا لاننا ريحين باسم المنتدى

والله العظيم كنت حاسه ان دول انتوا
بس كنت بكدب نفسى
لانى اللى انتوا متعرفهوش وحياة ربنا انا كنت فى الاستاد
بس مكنتش اعرف ان حد من المنتدى رايح
واتبهدلت اتبهدلت يعنى
بس كنت فرحانه اوى
وعشان هتسأل روحتى ليه ؟؟بما انى زمالكاويه ؟
انا كان عندى ورق بقدمه فى اتحاد الباسكيت فى القاهره عشان اعتذر عن البطوله عشان عندى امتحانات وصحابى قالولى يوم السبت ان متعب هيلعب الماتش بتاع انبى مش ترددت خالص انى اروح
وكنت فرحانه بمتعب جدااااااااااااااااااااا امبارح
وفرحانه اوى بالبوستر بتاع المطار
لان ده انا شوفته فى السايت
ولينك السايت اللى كان منوووووووووووووووووووووووور المدرجات


اما عن اتبهدلت فانا اتبهدلت جامد
والعربيه يا عينى اللى بقالها شهرين ليسه مشدتش حيلها
طالعه لقيت مكتوب على الازاز اللى قدامى اهلى بخط كبير
ومكنتش عارفه امسحه وكانت ليييييييييييييييييييييله ومينعش امشى كده
هموتلى ستين سبعين عقبال اما انزل اسكندريه تانى
فى واحد فالى امسحيه بسبرتو
خلصت ازازة البرفان طبعا وطلعته
ووانا بمسح راح واحد غلس بيحتفل ورايا
بيرش سبراى كده غريب احمر وراح جه على شعرى
وجت اسكندريه و شعرى رايح فى داهيه طبعا
بس مش مشكله شعرى والبرفان والعربيه فداك يا عمده

اما بقى يا شريف موضوع الحساب بتاع الهديه ده
انا مستعده جداااااااااااااااا
اعملوه انتو بس
وانا مستعده وانا بنزل يوميا دلوقتى عشان عندى امتحانات
وبابا هيبعتلى فلوس فى 7/7 ومكن ادفع ال 500 جنيه الباقيه
مش مشكله بس المهم نفرحه

وميرس بجد على مجهودكو امبارح فى الماتش
لان بوسترات متعب كانت منوره الاستاد

وميرسى ليكو مره تانيه
ومبروك المركز الاول
مليوووووووووووون مبرووووووووووووك

ربنا معاكم بجد حاجة جامدة اووووووووووي!!!
ويارب تفضلزا تمتعونا على طول بمجهودكم الكبير ده!!
ومبرووووووووووووووووك لعودة المتعب!!

شكرا ليكم وحقيقي انتوا شرفتونا ميرسي

مرسى ليكم على المرور و ياريت هدى تكونى معانا بجد

بجد كنت فرحانه اوي لما شفت اللينك بتاع المنتدى في المدرجات وكنت فخوره بجد ان احنا عندنا ناس زيك يا شريف انت واسامه عندنا في المنتدى ربنا يوفقكم دايما في اللي بتعملوه للعمده وان شاء الله عماد يرجع احسن من الاول المره دي يااااااااااااااارب

انا كمان والله فرحت لما لاقيت اللينك محطوط وفعلا حكاية الهدية دي جميلة اوووووووووي بس انتوا قررتوا الهدية ده لوحدكوا اللي انتوا عايزين تجبوهاله طيب ما تعملوا موضوع واستشيروا فيه المنتدي يمكن يكون ف افار لهدايا احلي لمتعب واكيد المساهمات احنا معاكم فيها ده متعب يعني مش اي حد واحنا نتمني نمله اي حاجة هو عايزها او نهديله اي حجة هو بيتمناها بس اللي ضايقني اوي ع البوستر اللي ظهر امبارح انه للاسف كان القديم وكان مكتوب عليه وداعا يا عمدة بس كان جميل برده وشكرا طبعا ليك يا شريف انت واسامة وربنا يوفقك يا اسامة في الامتحانات

[quote:6ac8="اسامة متعب"]مرسى ليكم على المرور و ياريت هدى تكونى معانا بجد[/quote]

اه والله يا اسامه معاكوا بجد
وانا اصلا هبقى فى القاهره 7/7
وهيكون بابا بعتلى فلوس
ومستعده ادفع اى مبلغ
لو انت وشريف تدفعوا 500 جنيه انا اكمل 500 تانى
وانا متكلفه بهدية يارا
انا شاء الله هجيب لها سلسله دهب

مع احتراامي ليك ولكلامك بس يابوب احنا معندناش حد رقم واحد ولا اتنين احنا الاهلي وبس واي لاعب يحب الاهلي بنشيل جزمته فوق راسنا لكن ال يبيع الاهلي بنحطه تحت جزمتنا ونفعصه الاهلي اولا واخيرا من حقك ومن حبك لمتعب تقول انه رقم واحد بس عمرنا كا افراد اولترا اننا نسمح لاي حد انه يفضل لاعب عل مصلحه الاهلي عشان يكسب اعضاء او منتدي وبما انك كنت موجود انت وبنر بتاع منتدي اكيد شفت ان ال خده متعب زو ال خده احمد حسن زي اي حد الاهلي رقم واحد يا بوب ومبروك عوده ابن الاهلي ال تهديف وشكرا لدومنيك انه اعاد متعب واحياه من جديد وعقبال هدفه ف اسماعيلي لعمده وياريت تنورونا ف مباراه ا ا اليهود يوم السبت

ههههههههه

مش عايز اوصيكوا عايزين نعمل معاهم واجب جامد

يا ....اسم فى الوجود دراااااويش جمهوركوا .....من اليهود درااويش

نعيش دراااااااويش ونمووووووووت دراااااااويش

درااااااويش دراااااااويش هههههه انتوا هتكملو الباقى

شكرا كتير على الموضوع الرائع
ويارب دايما فى الأمام

[quote:f443="rosana"]انا كمان والله فرحت لما لاقيت اللينك محطوط وفعلا حكاية الهدية دي جميلة اوووووووووي بس انتوا قررتوا الهدية ده لوحدكوا اللي انتوا عايزين تجبوهاله طيب ما تعملوا موضوع واستشيروا فيه المنتدي يمكن يكون ف افار لهدايا احلي لمتعب واكيد المساهمات احنا معاكم فيها ده متعب يعني مش اي حد واحنا نتمني نمله اي حاجة هو عايزها او نهديله اي حجة هو بيتمناها بس اللي ضايقني اوي ع البوستر اللي ظهر امبارح انه للاسف كان القديم وكان مكتوب عليه وداعا يا عمدة بس كان جميل برده وشكرا طبعا ليك يا شريف انت واسامة وربنا يوفقك يا اسامة في الامتحانات[/quote]
اوك دى فكره حلوه جدا وهنعملها فى اختيار الهديه بس الهديه هتكون على قد المبلغ يعنى المبلغ هو اكتر حاجة حدد الهدية و معلش ان البوستر كان قديم انتظرو الجديد

اه والله يا اسامه معاكوا بجد
وانا اصلا هبقى فى القاهره 7/7
وهيكون بابا بعتلى فلوس
ومستعده ادفع اى مبلغ
لو انت وشريف تدفعوا 500 جنيه انا اكمل 500 تانى
وانا متكلفه بهدية يارا
انا شاء الله هجيب لها سلسله دهب [/quote]
اوك هدى هبقى اكلمك على الخاص

[quote:0a51="سندباد الشرق"]مع احتراامي ليك ولكلامك بس يابوب احنا معندناش حد رقم واحد ولا اتنين احنا الاهلي وبس واي لاعب يحب الاهلي بنشيل جزمته فوق راسنا لكن ال يبيع الاهلي بنحطه تحت جزمتنا ونفعصه الاهلي اولا واخيرا من حقك ومن حبك لمتعب تقول انه رقم واحد بس عمرنا كا افراد اولترا اننا نسمح لاي حد انه يفضل لاعب عل مصلحه الاهلي عشان يكسب اعضاء او منتدي وبما انك كنت موجود انت وبنر بتاع منتدي اكيد شفت ان ال خده متعب زو ال خده احمد حسن زي اي حد الاهلي رقم واحد يا بوب ومبروك عوده ابن الاهلي ال تهديف وشكرا لدومنيك انه اعاد متعب واحياه من جديد وعقبال هدفه ف اسماعيلي لعمده وياريت تنورونا ف مباراه ا ا اليهود يوم السبت [/quote]
اوك يا مان كلامك صح بس انت اكيد الترس
وعلى فكره انا الترس و بنروح اى متش سوى متعب فيه او لا
وانا جبت تذاكر الاسماعيلى خلاص متالقش ان شاء الله الاستاد هيتقفل

[quote:2f1b="سندباد الشرق"]مع احتراامي ليك ولكلامك بس يابوب احنا معندناش حد رقم واحد ولا اتنين احنا الاهلي وبس واي لاعب يحب الاهلي بنشيل جزمته فوق راسنا لكن ال يبيع الاهلي بنحطه تحت جزمتنا ونفعصه الاهلي اولا واخيرا من حقك ومن حبك لمتعب تقول انه رقم واحد بس عمرنا كا افراد اولترا اننا نسمح لاي حد انه يفضل لاعب عل مصلحه الاهلي عشان يكسب اعضاء او منتدي وبما انك كنت موجود انت وبنر بتاع منتدي اكيد شفت ان ال خده متعب زو ال خده احمد حسن زي اي حد الاهلي رقم واحد يا بوب ومبروك عوده ابن الاهلي ال تهديف وشكرا لدومنيك انه اعاد متعب واحياه من جديد وعقبال هدفه ف اسماعيلي لعمده وياريت تنورونا ف مباراه ا ا اليهود يوم السبت [/quote]


يابوب والله عارف انا عندى الاهلى رقم واحد
بعد كده سيب زى ماانت عايز تسيب وبعد كده متعب
بس انت مش شوفت متعب اخدت تشجيع اد ايه كان اول واحد واكتر واحد صح وبعدين مش قصدى اننا نفضل حد على حد بس بردو متعب هيرجع للهجوم قوته وان شاء الله رايحين ماتش اليهود ونتقابل هناك بااذن الله
وكمان ولاد رتيبه العامشه هنروحه بردو
ومنور المنتدى ياريس

بس انا مش جبت تذاكر
هتخلص ولا عادى اجبها فى يومها زى ماتش انبى

لا قشطة زى انبى

[quote:3eef="اسامة متعب"]
اه والله يا اسامه معاكوا بجد
وانا اصلا هبقى فى القاهره 7/7
وهيكون بابا بعتلى فلوس
ومستعده ادفع اى مبلغ
لو انت وشريف تدفعوا 500 جنيه انا اكمل 500 تانى
وانا متكلفه بهدية يارا
انا شاء الله هجيب لها سلسله دهب [/quote]
اوك هدى هبقى اكلمك على الخاص[/quote]

اوكيه يا اسامه
ولو اخدتوا اى قرار جديد
انا معاكوا
بس مش قبل 7/7
قبل كده هبقى مفلسه

دى حاجة تشرف
ومبروك ليك يا عمدة

بليز ممكن لو فعلا رحتوا لمتعب تسألوه اذا كان قرأ الرسالة اللي كنتم اديتوها له يوم المطار ولا لا؟ وان كنت انا اتمني انه يكون رده لا