صور متعب ويارا

بمناسبة توبيك صور عماد مع يارا اللي موجود في قسم الصور انا مش عارفة ليه كلنا شايفين نفسنا مثاليين اوي وعمالين نهاجمه بالطريقة دي انا التوبيك دا خلاني اعيط مش عشان الصور لا عشان ردود بعض الاعضاء واللي بيقولو انه نزل من نظرهم وانهم مصدقين انه نزل مصر عشان يارا ياريت نفكر شوية الموضوع دا لو حقيقي هو اكيد معرفش يارا في يومين ونزل عشانها لا كان يعرفها اكيد قبل كدا وسافر برضه يعني نزل لظروف مختلفة خالص ارجوكو كفاية كدا والموضوع دا موجود على الفيس من فترة طويلة ةعمري ما فكرت اني احطه هنا ولا اني افكر ان متعب ينزل من نظري وفيه بنت عاملة رد هناك ان متعب في ازمة كبيرة ودا لانها مش وقت كلام في صور خالص كنت اتمنى ان كلنا نفكر كدا واللي متعب نزل من نظره خلاص يلغي الاكونت بتاعه في المنتدى وبلاش الكلام الجارح لان فيه ناس كتير وانا منهم عمره ما هينزل من نظرهم ولا ثانية واحدة وهيفضلو يحبوه ويشجعوه.........وبعيد بقى عن متعب وبغض النظر عن ان كان الموضوع حقيقى ولا لا يارا دي بنوتة عسولة جدا ومثقفة جدا جدا جدا وكانت بتروح جمعيات خيرية كتير جدا وبتساعد ناس كتير وهي عيبها الوحيد طريقة لبسها والصور بتاعتها باللبس دا بس يمكن اوي انها غيرت طريقة لبسها دي ومبقتش كدا ولو بتحبه هتبقى كدا فعلا بس اصلا ممكن في الاخر الموضوع يطلع مش حقيقى خالص بس وقتها هيبقى اتعرف مين بيحب متعب ومين بيقف جنبه بجد واسفة لو كنت طولتو عليكو واسفة لو حد اضايق بس انا بجد مخنوقة اوي وعيطت من توبيك الصور عشان نفسي شوية نبطل هجوم عليه

انا بجد تعبت مش عارفين هانلاحقها منين ولا منين

مش هنلاحقها يا منة ابدا ومش هنعرف نلمها طول ما فيه ناس بتصدق اي حاجة ومش بتدي لنفسها فرصة تفكر ومهما متعب عمل هو كمان مش هيعرف يلاحق على حاجة احنا عملناله سجن خلاص وسجناه فيه وبنحاسبه كل دقيقة في السجن دا وكأننا مبنغلطش ولا نعرف الغلط طريقه فيه ومتعب اصلا مغلطش سهل اوي نهدم واحد ونضيعه بشوية هجوم

انتى عارفه انا نفسى فى ايه
نفسى ان متعب يطمع ويكدب الصور دى

عماد عمره ماعاينزل م نظرنا لان حكايه يارا نعوم ده موضوع شخصى خاص بيه وملناش الحق اننا نتدخل ف الموضوع بس احنا عارفنا هو ليه نزل مصر واحنا اكيد مصدقين عماد

انا كمان بجد نفسي يطلع ويكدبها بس افرضى ان هو بيحبها فعلا وهي بتحبه وهتغير من طريقة لبسها عشانه لانها اصلا دلوقتي لا هي ممثلة ولا مطربة ولا اي حاجة يعني سهل جدا انها تغير من كدا وهي اصلا شخصية عسولة يبقى هنحاسبه عشان حب وحس ان فيه واحدة بتحبه بجد وبتخاف عليه كلنا ممكن نتحط في الموقف دا انا كان ممكن اهاجمه لو رجع عشانها بس دا استحالة والله العظيم استحالة

انا مش بقول عشان هو مش بيحبها لا بس الصور دى لو اتنشرت هاتبقى عامل ضدو جدا والناس هتقطع فيه تانى رغم انهم مابطلوش بس الحكايه هديت شويه ولو فعلا عن طريقه لبسها ممكن تغيرها وكل دة مش هاممنا طب ماهو عبدالمنصف متجوز لقاء الخميسى حد بيقول حاجة بس احنا كل اللى هامننا عماد وبس ومبحبش حد يقول عليه حاجه

وبعيدا عن دة انا نفسى ا ن انا وانتى نبقلا اصحاب وياريت ناخد ايميلات بعض لان انا بجد عايزة اتعرف عليكى انتى جامدة جدا واحلى حاجة عجبانى فيكى عقلك

يا جوجو اوعى يا حببتى تعيطى خالص عياطك دليل على ان كلامهم بيهزك وبعدين يا جوجو انا ياما واللة صدقت كلام من دة على متعب وكل مرة بيطلع مظلوم وبعدين متعب فى ازمة بدل ما نقف جنبة نفضل
نقطع فية ارحموة بقى وانا انشاء اللة و هبقى جنبة لحد ما تظهر برائتة ولو حتى هكون اخر واحدة بدافع عنة

ربنا يخليكي يارب يا منة انا كمان نفسي نبقى اصحاب جدااااااااااااااااا ابعتي ميلك في مسج عشان انا جيت ابعتلك قالي ان رصيدي من المشاركة مش سامح

ربنا يخليكي يا جوليت بس عمرك ما هتكوني اخر واحدة احنا كلنا هنا معاكي ممكن يبقى 2 ولا 3 مش معانا بس كتير اوي هيفضول يدافعو عنه مهما حصل

ابعتهولك ازاى انا مش عارفه

دوسي على الاسم بتاعي وابعتيلي مسج على المنتدى هنا

يا جوجو انا لو عايزة اكتب حاجة وارفعها للمنتدى زيك اعمل اية

عندك في كل قسم من الاقسام مكتوب فوق كدا م.جديد يعني موضوع جديد دوسي عليه واكتبي موضوعك واعملليه ارسال هيترفع علطول

انا كمان معنديش رصيد كافى نعمل ايه

شكرا يا جوجو انك رديتى لانى كل لما اسال عن حاجة محدش بيسال فيا شكرا يا قمر

انا ممكن اقلكوا على حل ممكن انتو الاتنين تتفقوا انكم تتدخلوا شات واكلموا خاص مع بعض وادوا ايملاتكوا لبعض ومعلش انى بدخل

العفو على ايه بس يا جوليت انا معملتش حاجة..... طيب يا منة هنعمل ايه فعلا طيب قوليلي انتي عندك اكونت على موقع متعب التاني؟

لا يا جوليت طبعا مش بتدخلي ولا حاجة بس نتكلم شات ازاي

بلاش تضايقوا نفسكوا تأكدوا ان اللى بيحب متعب بجد مش هيسيبة و مش
هيقدر ينساه ابدا وهيفضل وراه و يسانده لحد اخر لحظة لحد ما يرجع يلعب و يتالق تانى
انا لما شفت الصور دة اضايقت فى الاول لانى حاسة انها حقيقية و مش متفبركة خالص,بس بعد كدة لما فكرت شويه لقيت ان متعب ممكن يكون عايش قصة حب جميلة معاها و يتجوزوا طب و اية المشكلة من حقة ان هو يعيش حياته زية زى اى شاب

صح يا سوكا كلامك حقيقي اوي ويارب الكل يفكر كدا

منة انتى سالتينى عن كلام شوبير
شوبير انهاردة اتكلم عن متعب و هو بيقول الخبر بتاع الفيفا
فى النص كدا اعد يقول يا عماد انا نفسى اعرف انت فين, اطلع وضح للناس عشان الاجتهادات عشان محدش يقول انت مرة فى العين السخنة و مرة فى القاهرة و مرة فى الساحل الشمالى,
لو كنت اتجوزت اطلع و قوووول لية تتجوز فى السر
لو كنت خطبت اطلع بردة و قووووول و اية المشكلة يعنى
و لو عايش قصة حب طب و مالة ما كلنا اتجوزنا عن حب و انت شاب و حقك تعيش حياتك
بس اللى انا متأكد منة ان احلى قصة حب عندك يا عماد هى كورة لقدم
كل الجمهور بيحبك فعلا يا عماد
كل دة طبعا على لسان شوبير

احنا كلنا بنحب متعب اوي يا سوكا وبجد انا بتمناله لو الموضوع حقيقي مع يارا وهي بتحبه ربما يوفقهم واكيد هي هتتغير ومفيهاش حاجة لما يحب زي اي شاب في الدنيا ويارب مشكلته تتحل ونشوفه متألق مستنية اليوم دا اووووووووووووووووووووووي

مش عارفه احنا بنتكلم كاننا ملائكه
ومبنغلطش
وانا مش شايفه ان فيه غلط في الموضوع
حب واحده وعايز يخطبها ايه المشكله؟؟؟؟؟؟؟؟؟؟؟
سبحانه الله

no comment !