صور متعب ويارا

تذكير بمساهمة فاتح الموضوع :

بمناسبة توبيك صور عماد مع يارا اللي موجود في قسم الصور انا مش عارفة ليه كلنا شايفين نفسنا مثاليين اوي وعمالين نهاجمه بالطريقة دي انا التوبيك دا خلاني اعيط مش عشان الصور لا عشان ردود بعض الاعضاء واللي بيقولو انه نزل من نظرهم وانهم مصدقين انه نزل مصر عشان يارا ياريت نفكر شوية الموضوع دا لو حقيقي هو اكيد معرفش يارا في يومين ونزل عشانها لا كان يعرفها اكيد قبل كدا وسافر برضه يعني نزل لظروف مختلفة خالص ارجوكو كفاية كدا والموضوع دا موجود على الفيس من فترة طويلة ةعمري ما فكرت اني احطه هنا ولا اني افكر ان متعب ينزل من نظري وفيه بنت عاملة رد هناك ان متعب في ازمة كبيرة ودا لانها مش وقت كلام في صور خالص كنت اتمنى ان كلنا نفكر كدا واللي متعب نزل من نظره خلاص يلغي الاكونت بتاعه في المنتدى وبلاش الكلام الجارح لان فيه ناس كتير وانا منهم عمره ما هينزل من نظرهم ولا ثانية واحدة وهيفضلو يحبوه ويشجعوه.........وبعيد بقى عن متعب وبغض النظر عن ان كان الموضوع حقيقى ولا لا يارا دي بنوتة عسولة جدا ومثقفة جدا جدا جدا وكانت بتروح جمعيات خيرية كتير جدا وبتساعد ناس كتير وهي عيبها الوحيد طريقة لبسها والصور بتاعتها باللبس دا بس يمكن اوي انها غيرت طريقة لبسها دي ومبقتش كدا ولو بتحبه هتبقى كدا فعلا بس اصلا ممكن في الاخر الموضوع يطلع مش حقيقى خالص بس وقتها هيبقى اتعرف مين بيحب متعب ومين بيقف جنبه بجد واسفة لو كنت طولتو عليكو واسفة لو حد اضايق بس انا بجد مخنوقة اوي وعيطت من توبيك الصور عشان نفسي شوية نبطل هجوم عليه

no comment !

no comment !

يا سوكا واضح من كلام شوبير انة مش متاكد وانة بيسمع زية زينا وبعدين يا تولين احنا مش معترضين ان منعب يحب ويجوز لكن انتى تقبلى انة يجوز واحدة رخيصة وبتاجر بجمالها اللى فى يوم من الايام هيروح وينتهى انتوا مش بتشوفوا لبسها حتى لو اتغيرت هى الناس هتنسى هى كانت اية ومع ذلك انا متاكدة انة مفيش حاجة بينة وبينها وعيب على اعلامى كبير زى شوبير انة يقول الكلام دة لان وهو مالة يقولة بتحب ولا مش بتحب دى حاجة شخصية وعلى فكرة مع اختلاف ارائنا فى الموضوع دة فى النهاية دى حياتة وهو حر فيها

عندك حق يا تولين بنتكلم بجد كأننا ملايكة ومحدش بيغلط ودا شاب وطبيعي يحب ويبقى عايز يتجوز سواء بقى كان موضوع يارا صح ولا غلط

ياريت محدش بقى من السادة الاعلاميين يقول اى كلام والسلام عشان الواحد زهق

انا على الرغم انى كل شوية اقول لنفسى دة حريتة الشخصية و دة حياتة
و احنا ملناش دعوة بحياتة ارجع اقول لا مينفعش ,مينفعش فعلا متعب يتجوز واحدة ملهاش صورة واحدة بس محتشمة و عدلة على النت حاسة انى فعلا مش قادرة اتقبل ده,
نفسى متعب بجد يفوق و يعرف ان دة مش مناسبة ليه,عارفة ان الحب بيعمى صاحبة عن حقائق و اشياء كثيرة . متعب عشان خاطرنا فكر بعقلك مش بقلبك
مش قادرة انسى كلمة والدتة لما استضفوها مرة و كانو بيكلموها تقريبا على زوجة متعب مستقبلا, وردت رد لن انساه احنا اسرة [color:e785=violet][u]محافظة[/u][/color] اوى اوى
و عشان كده احساسى ان والدتة مش موافقة و مش هتوافق

جوليت
كان واضح ان شوبير عنده معلومات
مش هيقول حاجة زى دة من دماغه

بس يا سوكا مش يمكن لو الموضوع دا حقيقي وارتبطت بيه تكون احسن وتقدر تسعده وتخاف عليه وهي بجد عسولة اوي يعني بجد لو موضوع اللبس دا اتغير هتبقى زي العسل

اتمنى كده بس متوقعش
ربنا يستر و يقدم اللى فيه الخير

مرسى ياجوليت انتى مابتدخليش ولا حاجة وياريت انتى كمان تبقى معانا ويلا ياجوجو هنعمل ايه
وياريت بجد نهدا شويه وشوبير ازاى يقول حاجة زى كدة يعنى اتجوزت ولا خطبت ايه االلى دخل دة فى دة
هو كدة بجد بيقوم عليه الناس زيادة امال بيحبوا ازاى وبيدافع عنه
على كدة بقى عماد عنده حق لما ميثقش فى الاعلام المصرى
ومرسى ياسوكا
انا متاكد ان شاء الله ان مش هيحصل حاجة
ربنا يستر بجد ويعدى الفترة دى على خير

اه ياجوجو عندى
وبجد ياسوكا انا اتضايقت من اول كلام قولتى وياريت بجد مش اى كلام ومش اى صور نصدقها
ربنا يهديك ياعمدة للطريق الصح

طيب انا ممكن ابعتلك الميل على الموقع التاني بس قوليلي اسمك فيه ايه

اوك manon910

انا دورت عليكي ومش لاقيتك يا منة ومش عايزة اجيب للينك هنا يمكن يبقى ممنوع او حاجة

كلنا ماه متعب وهو خلوق مش ممكن يعمل كده واحنا جمهوره وواثقين فيه
ومحدش فينا ابدا هيصدق الكلام ده حتى ولو مليون دليل برضو كدب وربنا يخلى ولاد الحلال هما كتير ومنفسنين منه اوووى ومنهم لله

يا جماعة احنا سيبين المشكلة الاصلية وبنتكلم فى موضوع مش حقيقي ومش هيحصل انا مش فاهمة لية الاشاعة دى واخدة اكبر من حجمها دى يارا دى مش مشهورة يعنى ومش هتبقى اشهر من مى عز الدين و حلا شيحة انا امبارح واللة اتقطع نفسى فى كتابة التعليقات وعلى اية حاجة مش صح وانا متاكدة انة مش صح

يامنة انتى وجوجو انا موجودة باستمرار بعد الفطار لكن قبل كدة بكون مشغولة انا متواصلة معاكوا دايما

فين لينك التوبيك بتاع الصور ده

اولا كل سنة وانتم طيبين ورمضان كريم ويارب تكونوا كلكم بخير ديما

ثانيا انا حابة اوضح وجهة نظري في الصور اللي رفعتها واتمسحت ليييييه معرفش يعني لو كان التوبيك فيه حاجة تسئ لمتعب في نظركم فهو في نظر متعب نفسه مش بيسئ ليه والا مكنش اتصور صور زي دي يعني من الاخر متعب شايف انه لما يتصور صور مع صحبته وهو حاضنها ده easy فليه بقي انتوا متعصبين اني حطيت الصور وبتقولوا اني بهاجم متعب بهاجمه ازاي هو انا فبركت الصور انا يدوب جبت صور هو اتصورها بمزاجه وكان سعيد وبيضحك

ثالثا متعب فعلا نزل من نظري ومعلش اني بكرر الجملة بس دي الحقيقة نزل من نظري انا لما شوفت صور خطوبة مي وزيدان كان في ضمن تعلقات الناس انت ماصدقت خطبتها فبتحط ايدك علي كتفها فتخيلوا متعب ابن بلبيس الفلاح بيحضن صديقته يبقي مش لازم ينزل من نظري ودي وجهات نظر

رابعا انتوا بتقولوا ان الصور متفبركة فانا بقولك يااااااااااااااااااااااااااااااااااااااارب تكون متفبركة واطلع انا اللي بظلم متعب اكيد ساعتها هندم علي الكلام اللي قلته وهزعل بس زعلي ده هيبقي اهون من اللي انا حاساه دلوقتي وندمي هيبقي اهون من ندمي دلوقتي اني اربع سنين من عمري كان متعب اهم حاجة في حياتي بل ده كان حياتي نفسها يتصور صور بالمنظر ده

خامسا بتقولوا اني سبت المشكلة الاساسية وبشوف مشاكل هايفة هرد عليكم اني عندي بعد نظر مش اكتر لان بجد متعب ماشي في طريق نهايته معروفة جداااااااااا يعني انا معنديش اي اعتراض ان يارا بنوتة عسولة ولذيذة ومثقفة وزي القمر ما شاء الله عليها لان اصلا ماليش الحق اني اقول اي حاجة وحشة عن واحدة مكنتش اصلا اعرفها قبل المشكلة دي بس انا عندي بعد نظر في حاجة صغيرة جدا بركات لما كان في قناة الاهلي قال ان متعب لما يتجوز ده هيفرق معاه جدا عشان الجواز استقراااااااااااااااااااااااار تخيلوا بقي معايا لما متعب يتجوز يارا وربنا يتمم لهم بخير هي اصلا بيطلع عليها اشاعات يعني اعملوا سيرش في جوجل وشوفوا يعني اصلا في اشاعات بتطلع علي متعب وكمان اشاعات يارا واكيد اشاعات هتحرق دمه وهتخليه مش مركز وده اكيييييييييد هينعكس عليه في الملعب بصوا يا جماعة انا مش زعلانه من متعب انا بجد زعلانه عليه كل ما بتخيل نهايته ونهاية الطريق اللي هو ماشي فيه ايه وبدعيله ان ربنا يهديه زيسترها معاه وبكررها تاني بااااااااااااااريت كل الكلام ده يطلع فبركة وياريت نصحي من الكابوس ده كله ساعتها انا هبقي اكتر واحدة فرحانة في الدنيا
معلش اني طولت عليكم بس انا جوايا كلام اكتر من ده بكتيييييييييييير

[color:28a5=darkblue]انا شوفت الصور دى على الفيس و فعلا باين ان هو اللى اتصورها بمزاجه و حاجة تانية كمان تثبت كده ان عماد دايما مش بيدخل الاعلام او بيكشف عن اى حاجة فى حياته الخاصة الا بصعوبة كون ان الصور دى تتنشر يبقى هما اللى كانو عايزين و نرجع و نقول حاجة تخصه و ربنا يتممله ع خير و دى حاجة ملناش نقول رأينا فيها بس انا بجد صعبان عليا متعب فى اللى هو بيعمله فى نفسه ده بالنسبة للكورة و خايفة بجد يكون بيكتب نهايته انا مش بهاجمه بس ال يحب حد يخاف على مصلحته حاجة اخيرة انا عايزة اقولها ان احنا المفروض اللى يربطنا بيه الكورة و انه لاعب كويس احنا حبناه كلاعب و دى لينا اننا نقده فيها بس حياته دى ملكه مش من حق حد ينقده فيها و متهيألى ان ده رأيه مع انى بصراحة كان عاجبنى فيه انه محتفظ بحياته الشخصية لنفسه مش كل شوية خبر عن حياته بس هو كده هيخلى ناس كتير تدخل فى حياته بس هو حر و برده انا لسه بحترمه كلاعب و طول ما هو بيلعب هشجعه بس هو يرجع[/color]

نهاية نهاية نهاية واية اللى يخليها نهاية انتى عارفة لو لو يعنى الموضوع صح ممكن تكون دافع لية بالرغم ان احنا شايفين غير كدةعلى فكرة انا بجد اتحرق دمى يا اهلوية لو انتى مصدقة حاجة زى دى احتفظى بيها لنفسك ارجوكى لاننا مش هنصدق حاجة زى دى بكرة تشوفى ان الموضوع دة كذب فى كذب

متعب فى الحوار بتاع الصحف البلجيكية قال انة هيتزوجها العام المقبل
فين بقى الاشاعات دة
و يا ريت متقولوش ان الحوار كان متفبرك لان الحوار كان حقيقى و نادر لم جابوه مأنكرش ان الحوار دة حصل وقال انه ماكنش بعلمه الحوار دة
و اللى كانت موجودة مع متعب كانت يارا نعوم اللى قامت بترجمة الحوار لمتعب بنفسها
وطلعت الصحف البلجيكية و قالت انهم لم يستطيعا ان يخفيا حبهما
كل ده بعيد عن الصور اللى كلنا شوفناها و منقدرش نقول انها متفبركة الا اذا كنا بندافع عن متعب فى الغلط
انا شايفة ان كلكوا متمسكين ان متعب مش ممكن يعمل كدة, ده اكيد صور متفبركة و كلام من دة كتير...,طب لو اتأكدو ان الكلام دة صح هتعملوا اية هتتخلوا عنة ؟ هتسيبوه؟
يا جماعة مافيش انسان على الارض ملاك ,متعب ممكن يكون غلط, احنا دورنا مش اننا ندافع عن الغلط ده لأ دورنا اننا نسيبه مايعملش الغلط ده دورنا اننا نقدملة النصيحة الصح ,دورنا اننا نساعدة انه يتجنب الخطأ لو كنا بنحبه بجد
اتمى من كل قلبى ان ده كلة يطلع اشاعات اطلع انا اللى غلطانة لأنى فعلا خايفة علية و حاسة انو ماشى فى الطريق الغلط و هيرجع يندم

هى الصور دى فين؟؟؟

ياريت يطلع كدب في كدب

[quote:7067="AHLAWYA3TOL"]ياريت يطلع كدب في كدب [/quote]


ياااااااااااااارب كل ده يطلع اشاعات
انا كنت بتفرج على برنامج شوبير و كان مستضيف الراجل اللى اسمه ابو المعاطى زكى
فى اخر البرنامج سأله اسأله سريعة من ضمنها
ندمان على الصور المفبركه اللى نشرتها لمتعب زمان فى جريدتك؟؟
قال: خااااالص مش ندمان لان الجرافيك موجود فى كل حتة
ساعتها افتكرت متعب و تمنيت ان الصور اللى احنا شوفناها تكون متفبركة

ياجوجو يارا دى مش مشكلتها الوحيدة لبسها زى ما انتى بتقولى ده الموضوع اكبر من كده بكتير دى بتمثل اولا هى مثلت فعلا فى فيلم حين ميسرة وثانيا بتصور فيلم اسمهخ صوت وصورة والفيلم ده جرىء شويتين وهى طالعة فيه بدور ام وبتشتغل فى بار فتخيلى بقى المشاهد اللى هتبقى موجودة دى مش مناسبة اطلاقا ان تكون زوجة متعب دى هى حاجة وهو حاجة تانية خااااااااااااااااالص متحولوش تقنعه نفسكوا بانها مناسبة لى وانها هتتغير لان اللى عاوز يتغير مبيروحش يمثل افلام ولا ايه؟ ادعوا لمتعب ان ربنا يبعدوا عنها ده لو هو اصلا فى حاجة بينوا وبينها